ಭಾರತ ವಿರುದ್ಧ ಸ್ಫೋಟಕ ಬ್ಯಾಟರ್ ಕಣಕ್ಕಿಳಿಸಿಲು ಆಸ್ಟ್ರೇಲಿಯಾ ಯೋಜನೆ
ಆಸ್ಟ್ರೇಲಿಯಾ ಪ್ರಮುಖ ಸ್ಟಾರ್ ಆಟಗಾರರ ಅನುಪಸ್ಥಿತಿಯಲ್ಲಿ ಆಸ್ಟ್ರೇಲಿಯಾ ತಂಡ ಭಾರತ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ ದೈತ್ಯಾಕಾರದ ಬ್ಯಾಟ್ಸ್ ಮನ್ ನನ್ನು ಕಣಕ್ಕಿಳಿಸಲು ಹೊರಟಿದೆ. ಹೌದು, ಅದು ಬೇರೆ ಯಾರೂ ಅಲ್ಲ, ಸಿಂಗಾಪುರದ ಟಿಮ್ ಡೇವಿಡ್. ಅವರು ಮೊದಲ ಬಾರಿಗೆ ಆಸ್ಟ್ರೇಲಿಯಾ ತಂಡದಲ್ಲಿ ಆಡಲಿದ್ದಾರೆ. ಈ ನಿಟ್ಟಿನಲ್ಲಿ ಆಸ್ಟ್ರೇಲಿಯಾ ಕ್ರಿಕೆಟ್ ಮಂಡಳಿ ಟಿಮ್ ಡೇವಿಡ್ ತರಬೇತಿಯ ವಿಡಿಯೋವನ್ನು ಬಿಡುಗಡೆ ಮಾಡಿದೆ.
ನೆಟ್ಸ್ ಪ್ರಾಕ್ಟೀಸ್ನಲ್ಲಿ ಚೆಂಡನ್ನ ಸಿಕ್ಸರ್ಗೆ ಅಟ್ಟಿದ ಟಿಮ್ ಡೇವಿಡ್
ಇದರಲ್ಲಿ, ಟಿಮ್ ಡೇವಿಡ್ ನೆಟ್ಸ್ನಲ್ಲಿ ಚೆಂಡುಗಳನ್ನು ಸಿಕ್ಸರ್ಗೆ ಫ್ಲಿಕ್ ಮಾಡಿದರು. ಇದನ್ನು ನೋಡಿದಾಗ ಟೀಂ ಇಂಡಿಯಾ ಅಭಿಮಾನಿಗಳಿಗೆ ಸ್ವಲ್ಪ ಭಯವಾಗುತ್ತದೆ. ಅದರಲ್ಲೂ ಟಿಮ್ ಡೇವಿಡ್ ಸ್ಪಿನ್ನರ್ ಗಳಿಗೆ ಚೆಂಡನ್ನ ಎತ್ತಿ ಸಿಕ್ಸರ್ ಬಾರಿಸುವುದರಲ್ಲಿ ನಿಪುಣರು.
ಟಿಮ್ ಡೇವಿಡ್ ಇದುವರೆಗೆ 127 ಪಂದ್ಯಗಳಲ್ಲಿ 2725 ರನ್ ಗಳಿಸಿದ್ದಾರೆ. ಸರಾಸರಿ 31 ಆಗಿದೆ. ಸ್ಟ್ರೈಕ್ರೇಟ್ 163 ರಷ್ಟಿದ್ದು, ಸ್ಫೋಟಕ ಬ್ಯಾಟರ್ ಆಗಿದ್ದಾರೆ. ಐಪಿಎಲ್ನಲ್ಲಿ ಟಿಮ್ ಡೇವಿಡ್ ಅವರನ್ನು ಮುಂಬೈ ತಂಡ 8 ಕೋಟಿ 25 ಲಕ್ಷ ರೂಪಾಯಿ ನೀಡಿ ಖರೀದಿಸಿತ್ತು. ಮುಂಬೈ ಡೇವಿಡ್ಗೆ ಅವಕಾಶ ನೀಡುವ ಹೊತ್ತಿಗೆ ಅದಾಗಲೇ ಅರ್ಧ ಅವದಿ ಮುಕ್ತಾಯಗೊಂಡಿತ್ತು. ಲೀಗ್ನ ಮೊದಲಾರ್ಧದಲ್ಲಿ ಅವರಿಗೆ ನ್ಯಾಯಯುತ ಅವಕಾಶವನ್ನು ನೀಡದಿರುವುದು ಮುಂಬೈ ಮ್ಯಾನೇಜ್ಮೆಂಟ್ನ ತಪ್ಪು ಎಂದು ಟಿಮ್ ಡೇವಿಡ್ ಸಾಬೀತುಪಡಿಸಿದ್ರು.
ಟಿಮ್ 8 ಪಂದ್ಯಗಳನ್ನು ಆಡಿ 186 ರನ್ ಗಳಿಸಿದ್ದರು. ಇದರಲ್ಲಿ 16 ಸಿಕ್ಸರ್ಗಳು ಸೇರಿವೆ.
160+ ಸ್ಟ್ರೈಕ್ರೇಟ್ ಹೊಂದಿರುವ ಡೇವಿಡ್
ದೇಶೀಯ ಕ್ರಿಕೆಟ್ನಲ್ಲಿ 160 ಸ್ಟ್ರೈಕ್ರೇಟ್ ಹೊಂದಿರುವ ಟಿಮ್ ಡೇವಿಡ್, ಆಸ್ಟ್ರೇಲಿಯಾ ಕ್ರಿಕೆಟ್ಗೆ ಹೊಸ ಆಯಾಮವನ್ನ ಸೃಷ್ಟಿಸಬಲ್ಲ ಆಟಗಾರನಾಗಿದ್ದಾನೆ. 6.2 ಅಡಿವುಳ್ಳ 100 ಕೆಜಿ ತೂಕದ ಟಿಮ್ ಡೇವಿಡ್ ವಿಶ್ವದ ಯಾವುದೇ ಕ್ರೀಡಾಂಗಣದಲ್ಲಿ ಬೃಹತ್ ಸಿಕ್ಸರ್ ಸಿಡಿಸಬಲ್ಲ ಸಾಮರ್ಥ್ಯ ಹೊಂದಿದ್ದಾನೆ. ಆತ ಉತ್ತಮ ಫೀಲ್ಡರ್ ಆಗಿದ್ದು, ಕೆಲವು ಓವರ್ಗಳನ್ನ ಬೌಲಿಂಗ್ ಮಾಡಬಲ್ಲ ಸಾಮರ್ಥ್ಯವನ್ನ ಸಹ ಹೊಂದಿದ್ದಾನೆ.