ಸನ್ ರೈಸರ್ಸ್ ಹೈದರಾಬಾದ್ ತಂಡಕ್ಕೆ ಮರಳಿದ ಟಾಮ್ ಮೂಡಿ

ಹೈದರಾಬಾದ್: ಇಂಡಿಯನ್ ಪ್ರೀಮಿಯರ್ ಲೀಗ್‌ (ಐಪಿಎಲ್) ಫ್ರಾಂಚೈಸಿ ಸನ್ ರೈಸರ್ಸ್ ಹೈದರಾಬಾದ್‌, ತನ್ನ ಕ್ರಿಕೆಟ್ ನಿರ್ದೇಶಕ (ಡೈರೆಕ್ಟರ್ ಆಫ್ ಕ್ರಿಕೆಟ್‌) ಆಗಿ ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟರ್ ಮತ್ತು ಮೆಚ್ಚುಗೆಯ ಕೋಚ್ ಟಾಮ್ ಮೂಡಿ ಅವರನ್ನು ಮಂಗಳವಾರ (ಡಿಸೆಂಬರ್ 15) ಹೆಸರಿಸಿದೆ.

ಎಲ್ಲೆ ಮೀರಿ ವರ್ತಿಸಿದ ಬಾಂಗ್ಲಾ ಕ್ರಿಕೆಟಿಗ ಮುಷ್ಫಿಕರ್ ರಹೀಮ್‌ಗೆ ದಂಡ

ಸನ್ ರೈಸರ್ಸ್ ಹೈದರಾಬಾದ್ ತಂಡಕ್ಕೆ ಮುಖ್ಯ ಕೋಚ್ ಆಗಿ ಸುಮಾರು ಏಳು ಸೀಸನ್‌ಗಳಲ್ಲಿ ಟಾಮ್ ಮೂಡಿ ಮುನ್ನಡೆಸಿದ್ದರು. ಮೂಡಿ ಮುಂದಾಳತ್ವದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡ 2016ರಲ್ಲಿ ಟ್ರೋಫಿ ಗೆದ್ದಿತ್ತು, 2018ರಲ್ಲಿ ಫೈನಲ್‌ಗೆ ಪ್ರವೇಶಿಸಿತ್ತು.

ತನ್ನ ಅಧಿಕೃತ ಟ್ವಿಟರ್ ಖಾತೆಯ ಮೂಲಕ ಎಸ್‌ಆರ್‌ಎಚ್ ಈ ವಿಚಾರ ತಿಳಿಸಿದೆ. 'ಇಲ್ಲೊಂದು ಘೋಷಣೆಯಿದೆ, ಸನ್ ರೈಸರ್ಸ್ ಹೈದರಾಬಾದ್‌ನ ಕ್ರಿಕೆಟ್ ನಿರ್ದೇಶಕರಾಗಿ ಟಾಮ್ ಮೂಡಿ ಆಯ್ಕೆಯಾಗಿದ್ದಾರೆ,' ಎಂದು ಟ್ವಿಟರ್‌ನಲ್ಲಿ ಬರೆಯಲಾಗಿದೆ.

ಟೆಸ್ಟ್ ರ್‍ಯಾಂಕಿಂಗ್‌ನಲ್ಲಿ 2ನೇ ಸ್ಥಾನಕ್ಕೆ ಜಿಗಿದ ವಿರಾಟ್ ಕೊಹ್ಲಿ

ಸನ್ ರೈಸರ್ಸ್ ತಂಡಕ್ಕೆ ಮತ್ತೆ ಬಂದಿರುವುದಕ್ಕೆ ಟಾಮ್ ಮೂಡಿ ಕೂಡ ಹರ್ಷ ವ್ಯಕ್ತಪಡಿಸಿದ್ದಾರೆ. 'ಸನ್ ರೈಸರ್ಸ್ ಹೈದರಾಬಾದ್‌ಗೆ ಕೆಲಸ ಮಾಡುವುದು ಒಂದು ಪುಣ್ಯ. ಇಲ್ಲಿ ನಾನು ಸಾಕಷ್ಟು ಸ್ನೇಹಿತರನ್ನು, ಒಳ್ಳೆಯ ನೆನಪುಗಳನ್ನು ಗಳಿಸಿದ್ದೇನೆ,' ಎಂದು ಮೂಡಿ ಬರೆದುಕೊಂಡಿದ್ದಾರೆ.