ಹರಾರೆ, ಜುಲೈ 2: ಆಸ್ಟ್ರೇಲಿಯಾದ ವೇಗಿ ಬಿಲ್ಲಿ ಸ್ಟಾನ್ಲೇಕ್ ಅವರ ಬೌಲಿಂಗ್ ದಾಳಿಗೆ ತತ್ತರಿಸಿದ ಪಾಕಿಸ್ತಾನ ತಂಡ ತ್ರಿಕೋನ ಟಿ20 ಸರಣಿಯ ಪಂದ್ಯದಲ್ಲಿ ಹೀನಾಯ ಸೋಲು ಅನುಭವಿಸಿತು.
ಜಿಂಬಾಬ್ವೆಯ ಹರಾರೆ ಮೈದಾನದಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡ ಪಾಕ್ ವಿರುದ್ಧ 9 ವಿಕೆಟ್ಗಳ ಭರ್ಜರಿ ಗೆಲುವು ಸಾಧಿಸಿತು.
ಪಾಕಿಸ್ತಾನದ ಶೋಯೆಬ್ ಮಲಿಕ್ ಅವರು ತಮ್ಮ ದಾಖಲೆಯ 100ನೇ ಟಿ20 ಪಂದ್ಯವನ್ನು ಸ್ಮರಣೀಯವನ್ನಾಗಿಸಿಕೊಳ್ಳುವ ಕನಸನ್ನು ಸ್ಟಾನ್ಲೇಕ್ ಭಗ್ನಗೊಳಿಸಿದರು.
ಐಸಿಸಿ ಹಾಲ್ ಆಫ್ ಫೇಮ್ಗೆ ರಾಹುಲ್ ದ್ರಾವಿಡ್
ಸರಣಿಯ ಮೊದಲ ಪಂದ್ಯದಲ್ಲಿ ಜಿಂಬಾಬ್ವೆ ವಿರುದ್ಧ ಸುಲಭ ಗೆಲುವು ಸಾಧಿಸಿದ್ದ ಪಾಕಿಸ್ತಾನ, ಆಸ್ಟ್ರೇಲಿಯಾ ಎದುರು ತಡಬಡಾಯಿಸಿತು.
ಈ ಗೆಲುವಿನಿಂದ ಏಕದಿನ ಮತ್ತು ಟಿ20 ಸೇರಿದಂತೆ ಕಳೆದ ಹತ್ತು ಪಂದ್ಯಗಳಲ್ಲಿ ಸತತ ಸೋಲು ಅನುಭವಿಸಿ ಕುಗ್ಗಿದ್ದ ಆಸ್ಟ್ರೇಲಿಯಾ ತಂಡಕ್ಕೆ ಹೊಸ ಚೈತನ್ಯ ದೊರಕಿದಂತಾಗಿದೆ.
Big Billy Stanlake is the Player of the Match after his awesome spell of fast bowling to begin the match: https://t.co/Cv4zDnK79a #PAKvAUS pic.twitter.com/TkXZEYrdml
— cricket.com.au (@CricketAus) 2 July 2018
ಕೇವಲ 8 ರನ್ ನೀಡಿ 4 ವಿಕೆಟ್ ಕಬಳಿಸಿ ಬಿಲ್ಲಿ ಸ್ಟಾನ್ಲೇಕ್, ಪಾಕಿಸ್ತಾನದ ಆರಂಭಿಕ ಆಟಗಾರರನ್ನು ಬೇಗನೆ ಪೆವಿಲಿಯನ್ಗೆ ಅಟ್ಟಿದರು. ಹೀಗಾಗಿ ಪಾಕ್ ತಂಡ 19.5 ಓವರ್ಗಳಲ್ಲಿ 116 ರನ್ಗಳಿಗೆ ತನ್ನ ಎಲ್ಲ ವಿಕೆಟ್ಗಳನ್ನು ಕಳೆದುಕೊಂಡಿತು.
ಸುಲಭದ ಗುರಿ ಬೆನ್ನತ್ತಿದ ಆಸ್ಟ್ರೇಲಿಯಾ ಕೇವಲ 10.5 ಓವರ್ಗಳಲ್ಲಿಯೇ 1 ವಿಕೆಟ್ ಕಳೆದುಕೊಂಡು ಜಯ ದಾಖಲಿಸಿತು.
ಇಂಗ್ಲೆಂಡ್ ವಿರುದ್ಧದ ಟಿ20ಐ ತಂಡಕ್ಕೆ ದೀಪಕ್, ಕೃನಾಲ್ ಆಯ್ಕೆ!
ನಾಯಕ ಆರೋನ್ ಫಿಂಚ್ ಅವರು ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿ 33 ಎಸೆತಗಳಲ್ಲಿ 68 ರನ್ ಗಳಿಸಿದರು. ಇದರಲ್ಲಿ 4 ಬೌಂಡರಿ ಹಾಗೂ 6 ಸಿಕ್ಸರ್ಗಳಿದ್ದವು.
ಸಂಕ್ಷಿಪ್ತ ಸ್ಕೋರ್
ಪಾಕಿಸ್ತಾನ: 116/10 (19.5 ಓವರ್) ಶಬದ್ ಖಾನ್ 29, ಆಸಿಫ್ ಅಲಿ 22, ಫಹೀಮ್ ಅಶ್ರಫ್ 21, ಬಿಲ್ಲಿ ಸ್ಟಾನ್ಲೇಕ್ 8/4, ಆಂಡ್ರೂ ಟೈ 38/3.
ಆಸ್ಟ್ರೇಲಿಯಾ: 117/1 (10.5 ಓವರ್) ಆರೋನ್ ಫಿಂಚ್ 68, ಟ್ರಾವಿಸ್ ಹೆಡ್ 20, ಡಿ ಆರ್ಸಿ ಶಾರ್ಟ್ 15, ಹಸನ್ ಅಲಿ 18/1. ಫಲಿತಾಂಶ: ಆಸ್ಟ್ರೇಲಿಯಾಕ್ಕೆ ಒಂಬತ್ತು ವಿಕೆಟ್ಗಳ ಗೆಲುವು.