1. ಐಪಿಎಲ್ ವಿಶ್ವದಲ್ಲಿಯೇ ದೊಡ್ಡ ಲೀಗ್
ಕೇವಲ ಒಂದೇ ಒಂದು ಐಪಿಎಲ್ ಆವೃತ್ತಿಯಲ್ಲಿ ಆಡಿರುವ ಅನುಭವ ಹೊಂದಿರುವ ಟೈಮಲ್ ಮಿಲ್ಸ್ ವಿಶ್ವದಲ್ಲಿಯೇ ಇಂಡಿಯನ್ ಪ್ರೀಮಿಯರ್ ಲೀಗ್ ಅತಿದೊಡ್ಡ ಫ್ಯಾಂಟಸಿ ಲೀಗ್ ಆಗಿದ್ದು ಅದನ್ನು ಪ್ರತಿಯೊಬ್ಬರು ಕೂಡ ಒಪ್ಪಿಕೊಳ್ಳಲೇಬೇಕು ಎಂದಿದ್ದಾರೆ.
2. ಪಿಎಸ್ಎಲ್ ಒಂದು ಉತ್ಸಾಹಭರಿತ ಲೀಗ್
ಪಾಕಿಸ್ತಾನ್ ಸೂಪರ್ ಲೀಗ್ನಲ್ಲಿ 4 ವರ್ಷದ ಅನುಭವವಿದೆ, ಪಾಕಿಸ್ತಾನದ ಕ್ರೀಡಾಂಗಣಗಳು ಕೂಡ ಭಾರತದ ರೀತಿಯೇ ದೊಡ್ಡ ಕ್ರೀಡಾಂಗಣಗಳಾಗಿದ್ದು ಜನಸಂದಣಿ ಕೂಡ ದೊಡ್ಡ ಮಟ್ಟದಲ್ಲಿಯೇ ಇರುತ್ತದೆ. ಟಿಕೆಟ್ಗಳು ಸಂಪೂರ್ಣ ಮಾರಾಟವಾಗಿ ಕ್ರೀಡಾಂಗಣ ತುಂಬಿ ತುಳುಕುವುದರಿಂದ ಆಟವನ್ನಾಡಲು ಹೆಚ್ಚಿನ ಉತ್ಸಾಹ ಸಿಗಲಿದೆ ಎಂದು ಟೈಮಲ್ ಮಿಲ್ಸ್ ಹೇಳಿದ್ದಾರೆ.
3. ಐಪಿಎಲ್ ಶ್ರೀಮಂತ ಟೂರ್ನಿ
ಮೊದಲೇ ಹೇಳಿದ ಹಾಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಟೈಮಲ್ ಮಿಲ್ಸ್ನ್ನು 12 ಕೋಟಿಗೆ ಖರೀದಿ ಮಾಡಿತ್ತು. ಟೈಮಲ್ ಮಿಲ್ಸ್ ಕೂಡ ಆ ದೊಡ್ಡ ಮೊತ್ತವನ್ನು ಮರೆತಂತಿಲ್ಲ, ಐಪಿಎಲ್ ಅತ್ಯುನ್ನತ ಗುಣಮಟ್ಟದ ಟೂರ್ನಿಯಾಗಿದ್ದು ಅದರಲ್ಲಿ ಹಣದ ಹರಿವು ಕೂಡ ದೊಡ್ಡ ಮಟ್ಟದಲ್ಲಿಯೇ ಇರುತ್ತದೆ ಎಂದು ಹೇಳಿದ್ದಾರೆ.
4. ಪಿಎಸ್ಎಲ್ನಲ್ಲಿ ವಿದೇಶಿ ಆಟಗಾರರಿಗೆ ಅವಕಾಶ ಕಡಿಮೆ
ಪಾಕಿಸ್ತಾನದಲ್ಲಿಯೇ ಹಲವಾರು ವೇಗಿಗಳಿರುವುದರಿಂದ ಪಿಎಸ್ಎಲ್ನಲ್ಲಿ ವಿದೇಶಿ ವೇಗಿಗಳಿಗೆ ಅವಕಾಶ ಕಡಿಮೆ ಎಂದು ಟೈಮಲ್ ಮಿಲ್ಸ್ ಅಭಿಪ್ರಾಯಪಟ್ಟಿದ್ದಾರೆ.
5. ಐಪಿಎಲ್ನಲ್ಲಿ ಚೆನ್ನಾಗಿ ಆಡಿದ್ರೆ ಮಾತ್ರ ಮತ್ತೊಂದು ಅವಕಾಶ
ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಉತ್ತಮ ಪ್ರದರ್ಶನ ನೀಡಿದರೆ ಮಾತ್ರ ಮುಂದಿನ ಆವೃತ್ತಿಗಳಲ್ಲಿ ಸ್ಥಾನ ಸಿಗುತ್ತದೆ ಕಳಪೆ ಪ್ರದರ್ಶನ ತೋರಿದರೆ ನಮ್ಮ ಜಾಗಕ್ಕೆ ಬೇರೆ ಆಟಗಾರರನ್ನು ಆಯ್ಕೆ ಮಾಡಿಕೊಳ್ಳಲಾಗುತ್ತದೆ. ಇದೇ ಐಪಿಎಲ್ ಟೂರ್ನಿಯ ಗುಣ, ಇದರಿಂದಲೇ ಐಪಿಎಲ್ ಟೂರ್ನಿ ವಿಶ್ವದ ಅತ್ಯುತ್ತಮ ಟೂರ್ನಿಯಾಗಿ ನಿಂತಿದೆ ಎಂದು ಟೈಮಲ್ ಮಿಲ್ಸ್ ಐಪಿಎಲ್ ಟೂರ್ನಿಯನ್ನು ಕೊಂಡಾಡಿದ್ದಾರೆ.