ಬಿಸಿಸಿಐ ಬಳಿ ಮನವಿ ಮಾಡಿಕೊಂಡ ಯುಎಇ
ಬಿಸಿಸಿಐ ಬಳಿಕ ತಮ್ಮ ದೇಶದಲ್ಲಿ ಐಪಿಎಲ್ ಆಯೋಜಿಸಿ ಎಂದು ಆಹ್ವಾನವನ್ನು ಕೊಟ್ಟಿರುವ ದೇಶ ಯುನೈಟೆಟ್ ಅರಬ್ ಎಮಿರೇಟ್ಸ್. ಈ ಬಗ್ಗೆ ಪತ್ರವನ್ನು ಬರೆದಿರುವ ಯುಎಇ ತನ್ದನ ರಾಷ್ಟ್ರದಲ್ಲಿ ಐಪಿಎಲ್ ಆಯೋಜಿಸುವ ಕುರಿತು ನಿರ್ಧಾರವನ್ನು ತೆಗೆದುಕೊಳ್ಳುವಂತೆ ಕೇಳಿಕೊಂಡಿದೆ.
ಬಿಸಿಸಿಐ ಖಜಾಂಚಿ ಪ್ರತಿಕ್ರಿಯೆ
ಯುಎಇ ಕಡೆಯಿಂದ ಐಪಿಎಲ್ ಆಯೋಜನೆಗೆ ಮನವಿ ಬಂದಿರುವ ಬಗ್ಗೆ ಬಿಸಿಸಿಐ ಖಜಾಂಚಿ ಪ್ರತಿಕ್ರಿಯಿಸಿದ್ದಾರೆ. ನಮಗೆ ಅವಶ್ಯಕತೆಯಿದ್ದರೆ ಐಪಿಎಕ್ ಆಯೋಜನೆಗೆ ಸಿದ್ಧವಿರುವುದಾಗಿ ಯುಎಇ ಕೇಳಿಕೊಂಡಿದೆ. ಆದರೆ ಈಗ ಯಾವುದೇ ವಿದೇಶಿ ಪ್ರಯಾಣಗಳು ಸಾಧ್ಯವಾಗುವುದಿಲ್ಲ. ಹಾಗಾಗಿ ಆ ಬಗ್ಗೆ ನಿರ್ಧಾರವನ್ನು ತೆಗೆದುಕೊಳ್ಳು ಸಾಧ್ಯವಿಲ್ಲ ಎಂದು ಬಿಸಿಸಿಐ ಖಜಾಂಚಿ ಅರುಣ್ ಧುಮಲ್ ಹೇಳಿದ್ದಾರೆ.
ಯುಎಇಗೆ ಐಪಿಎಲ್ ಆಯೋಜನೆ ಅನುಭವ
ಯುಎಇಗೆ ಈ ಹಿಂದೆಯೂ ಐಪಿಎಲ್ ಆಯೋಜನೆ ಮಾಡಿದ ಅನುಭವ ಇದೆ. ಹೀಗಾಗಿ ಬೆಳವಣಿಗೆಯನ್ನು ನೋಡಿಕೊಂಡು ಈ ಬಗ್ಗೆ ಬಿಸಿಸಿಐ ಗಂಭೀರ ಚಿಂತನೆಯನ್ನು ನಡೆಸಿದರೆ ಅಚ್ಚರಿಯಿಲ್ಲ. 2014ರಲ್ಲಿ ಲೋಕಸಭಾ ಚುನಾವಣೆ ಇದ್ದ ಸಂದರ್ಭದಲ್ಲಿ 20 ಪಂದ್ಯಗಳನ್ನು ಯುಎಇನಲ್ಲಿ ಆಯೋಜನೆ ಮಾಡಲಾಗಿತ್ತು.
ಶ್ರೀಲಂಕಾದಿಂದಲೂ ಮನವಿ
ಇದಕ್ಕೂ ಮುನ್ನ ಶ್ರೀಲಂಕಾ ದೇಶವೂ ಕೂಡ ಐಪಿಎಲ್ ಆಯೋಜನೆಗೆ ಮನವಿಯನ್ನು ಮಾಡಿಕೊಂಡಿತ್ತು. ಕೊರೊನಾ ವೈರಸ್ ಶ್ರೀಲಂಕಾದಲ್ಲಿ ನಿಯಂತ್ರಣದಲ್ಲಿರುವ ಹಿನ್ನೆಲೆಯಲ್ಲಿ ಭಾರತಕ್ಕಿಂತ ಮುನ್ನವೇ ಶ್ರೀಲಂಕಾ ಕೊರೊನಾ ವೈರಸ್ನಿಂದ ಮುಕ್ತವಾಗಲಿದೆ. ಅಂತಾ ಸಂದರ್ಭವನ್ನು ಬಳಸಿಕೊಂಡು ಶ್ರೀಲಂಕಾದಲ್ಲಿ ಐಪಿಎಲ್ ಆಯೋಜಿಸಬಹುದು ಎಂದು ಮನವಿಯನ್ನು ಮಾಡಿಕೊಂಡಿತ್ತು. ಆದರೆ ಭಾರತದಲ್ಲಿ ಕೊರೊನಾ ವೈರಸ್ ಆರ್ಭಟ ಮುಂದುವರಿಯುತ್ತಿರುವ ಹಿನ್ನೆಲೆಯಲ್ಲಿ ಯಾವುದೇ ನಿರ್ಧಾರ ತೆಗೆದುಕೊಳ್ಳುವ ಪರಿಸ್ಥಿತಿ ಸದ್ಯಕ್ಕಿಲ್ಲ ಎಂಬುದು ಸ್ಪಷ್ಟ.