ಶ್ರೀಶಾಂತ್ ಹೆಸರಿಲ್ಲಿ ದಾಖಲೆ
ಸೋಮವಾರದ ಪಂದ್ಯದಲ್ಲಿ 38ರ ಹರೆಯದ ಶ್ರೀಶಾಂತ್ ಉತ್ತರ ಪ್ರದೇಶ ವಿರುದ್ಧ 65 ರನ್ಗೆ 5 ವಿಕೆಟ್ ಪಡೆದಿದ್ದಾರೆ. ವಿಜಯ್ ಹಜಾರೆ ಟ್ರೋಫಿಯಲ್ಲಿ ಒಟ್ಟು ಎರಡು ಪಂದ್ಯಗಳನ್ನಾಡಿರುವ ಶ್ರೀಶಾಂತ್ 7 ವಿಕೆಟ್ (2+5) ವಿಕೆಟ್ ಪಡೆದಿದ್ದಾರೆ. ಕೇರಳ ತಂಡದಲ್ಲಿ ಮುಂಚೂಣಿ ಬೌಲರ್ ಆಗಿ ಕಾಣಿಸಿಕೊಂಡಿರುವ ಶ್ರೀಶಾಂತ್, ವಿಜಯ್ ಹಜಾರೆಯಲ್ಲಿ 5+ ವಿಕೆಟ್ ಪಡೆದ ಹಿರಿಯ ಆಟಗಾರರ ಸಾಲಿನಲ್ಲಿ ಗುರುತಿಸಿಕೊಂಡಿದ್ದಾರೆ. 15 ವರ್ಷಗಳ ಹಿಂದೆ ಅಂದರೆ 2006ರಲ್ಲೂ ಶ್ರೀಶಾಂತ್ 5 ವಿಕೆಟ್ಗಳ ಸಾಧನೆ ಮಾಡಿದ್ದರು.
ಐಪಿಎಲ್ನಲ್ಲಿ ಕಡೆಗಣನೆ
ಈ ಬಾರಿಯ ಐಪಿಎಲ್ಗಾಗಿ ಶ್ರೀಶಾಂತ್ ಕೂಡ ಹರಾಜು ಆಟಗಾರರ ಪಟ್ಟಿಯಲ್ಲಿ ನೋಂದಾಯಿಸಿಕೊಂಡಿದ್ದರು. ಆದರೆ ಹರಾಜಿಗಾಗಿ ಅಂತಿಮಗೊಳಿಸಲಾಗಿದ್ದ ಪಟ್ಟಿಯಲ್ಲಿದ್ದ 292 ಮಂದಿಯಲ್ಲಿ ಶ್ರೀಶಾಂತ್ ಹೆಸರು ಇರಲಿಲ್ಲ. ಯಾವುದೇ ಫ್ರಾಂಚೈಸಿ ಅಂತಿಮ ಪಟ್ಟಿಗೆ ಶ್ರೀಶಾಂತ್ ಅವರನ್ನು ಹೆಸರಿಸಿರಲಿಲ್ಲ. ಹೀಗಾಗಿ ಈ ಬಾರಿಯ ಐಪಿಎಲ್ ಸೀಸನ್ನಲ್ಲಿ ಶ್ರೀಶಾಂತ್ ಕಡೆಗಣಿಸಲ್ಪಟ್ಟಿದ್ದಾರೆ.
ಯುಪಿ ಭರ್ಜರಿ ರನ್
ಟಾಸ್ ಸೋತು ಬ್ಯಾಟಿಂಗ್ ಇಳಿಸಲ್ಪಟ್ಟಿದ್ದ ಉತ್ತರಪ್ರದೇಶ ತಂಡ, ಅಭಿಷೇಕ್ ಗೋಸ್ವಾಮಿ 54, ಕರಣ್ ಶರ್ಮಾ 34, ಪ್ರಿಯಂ ಗರ್ಗ್ 57, ರಿಂಕು ಸಿಂಗ್ 26, ಅಕ್ಷದೀಪ್ ನಾತ್ 68, ಉಪೇಂದ್ರ ಯಾದವ್ 12, ಸಮೀರ್ ಚೌಧರಿ 10 ರನ್ನೊಂದಿಗೆ 49.4 ಓವರ್ಗೆ ಎಲ್ಲಾ ವಿಕೆಟ್ ಕಳೆದು 283 ರನ್ ಗಳಿಸಿತ್ತು.