ಶಾ ಬ್ಯಾಟಿಂಗ್ ಅಬ್ಬರ
ಮುಂಬೈ ಪರ ಆರಂಭಿಕರಾಗಿ ಬಂದಿದ್ದ ಪೃಥ್ವಿ ಶಾ 152 ಎಸೆತಗಳಲ್ಲಿ ಅಜೇಯ 227 ರನ್ ಚಚ್ಚಿದ್ದಾರೆ. ಇದರಲ್ಲಿ 31 ಫೋರ್ಸ್, 5 ಸಿಕ್ಸರ್ಗಳೂ ಸೇರಿದ್ದವು. 21ರ ಹರೆಯದ ಪೃಥ್ವಿ ಶಾ ಈ ಬ್ಯಾಟಿಂಗ್ನೊಂದಿಗೆ ವಿಜಯ್ ಹಜಾರೆಯಲ್ಲಿ ವೈಯಕ್ತಿಕ ಅತ್ಯಧಿಕ ರನ್ ಬಾರಿಸಿದ ದಾಖಲೆಗೆ ಕಾರಣರಾಗಿದ್ದಾರೆ.
ಯಾದವ್ ಸ್ಫೋಟಕ ಶತಕ
ಇಂಗ್ಲೆಂಡ್ ವಿರುದ್ಧದ ಐದು ಪಂದ್ಯಗಳ ಟಿ20ಐ ಸರಣಿಗಾಗಿ ಟೀಮ್ ಇಂಡಿಯಾಕ್ಕೆ ಮೊದಲ ಬಾರಿ ಕರೆ ನೀಡಲಾಗಿರುವ ಸೂರ್ಯಕುಮಾರ್ ಯಾದವ್ ಕೂಡ ಅಬ್ಬರ ಬ್ಯಾಟಿಂಗ್ಗಾಗಿ ಗಮನ ಸೆಳೆದಿದ್ದಾರೆ. 4ನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬಂದಿದ್ದ ಯಾದವ್ 58 ಎಸೆತಗಳಲ್ಲಿ 133 ರನ್ ಬಾರಿಸಿದ್ದಾರೆ. ಇದರಲ್ಲಿ 22 ಫೋರ್ಸ್, 4 ಸಿಕ್ಸರ್ಗಳು ಸೇರಿದ್ದವು.
ದಾಖಲೆ ಪಟ್ಟಿಗೆ ಪೃಥ್ವಿ ಸೇರ್ಪಡೆ
ದ್ವಿಶತಕ ಸಾಧನೆಯೊಂದಿಗೆ ಪೃಥ್ವಿ ಶಾ ದಾಖಲೆ ಪಟ್ಟಿಗೆ ಸೇರ್ಪಡೆಯಾಗಿದ್ದಾರೆ. ಲಿಸ್ಟ್ಎ ಕ್ರಿಕೆಟ್ನಲ್ಲಿ ದ್ವಿಶತಕ ಬಾರಿಸಿದ ಭಾರತದ 8ನೇ ಬ್ಯಾಟ್ಸ್ಮನ್ ಆಗಿ ಶಾ ಮೈಲಿಗಲ್ಲು ಸ್ಥಾಪಿಸಿದ್ದಾರೆ. ಈ ದಾಖಲೆ ಪಟ್ಟಿಯಲ್ಲಿ ಸಚಿನ್ ತೆಂಡೂಲ್ಕರ್, ವೀರೇಂದ್ರ ಸೆಹ್ವಾಗ್, ರೋಹಿತ್ ಶರ್ಮಾ, ಸಂಜು ಸ್ಯಾಮ್ಸನ್, ಯಶಸ್ವಿ ಜೈಸ್ವಾಲ್, ಶಿಖರ್ ಧವನ್, ಕರ್ಣ್ ಕೌಶಲ್ ಮತ್ತು ಪೃಥ್ವಿ ಶಾ ಇದ್ದಾರೆ.