1. ನಾನು ಆಡುವ ಕ್ರಮಾಂಕ ಸರಿಯಿಲ್ಲ
ರಾಯುಡು ಜೊತೆ ತನ್ನನ್ನು ಹೋಲಿಸಿ ಮಾತನಾಡುವವರಿಗೆ ಉತ್ತರ ನೀಡಿರುವ ವಿಜಯ್ ಶಂಕರ್ ತಾನು 6ನೇ ಕ್ರಮಾಂಕದಲ್ಲಿ ಕಣಕ್ಕಿಳಿಯುವಂತಹ ಆಟಗಾರರ ಆದರೆ ಅಂಬಾಟಿ ರಾಯುಡು ಮೇಲಿನ ಕ್ರಮಾಂಕದಲ್ಲಿ ಕಣಕ್ಕಿಳಿಯುವಂತಹ ಆಟಗಾರ, ಹೀಗಾಗಿ ತನ್ನ ಮತ್ತು ಅಂಬಾಟಿ ರಾಯುಡು ನಡುವೆ ಹೋಲಿಕೆ ಮಾಡಿ ಪ್ರದರ್ಶನವನ್ನು ಅಳೆಯುವುದು ಸಮಂಜಸವಲ್ಲ ಎಂದು ವಿಜಯ್ ಶಂಕರ್ ಹೇಳಿದ್ದಾರೆ.
2. ಆರಂಭ ಮಾಡುವ ಅವಕಾಶ ಕೊಟ್ಟರೆ ಚೆನ್ನಾಗಿ ಆಡಬಲ್ಲೆ
ತನಗೂ ಆರಂಭಿಕ ಆಟಗಾರನಾಗಿ ಕಣಕ್ಕಿಳಿಯುವ ಅವಕಾಶವನ್ನು ಕೊಟ್ಟರೆ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ಮಾಡುವ ವಿಶ್ವಾಸವನ್ನು ವಿಜಯಶಂಕರ್ ವ್ಯಕ್ತಪಡಿಸಿದ್ದಾರೆ.
3. ಕಾಲಿಸ್, ವಾಟ್ಸನ್ ರೀತಿ ನಾನೂ ಮಿಂಚಬಹುದು
ಇನ್ನೂ ಮುಂದುವರೆದು ಮಾತನಾಡಿರುವ ವಿಜಯ್ ಶಂಕರ್ ತನಗೆ ಆರಂಭಿಕ ಆಟಗಾರನಾಗಿ ಕಣಕ್ಕಿಳಿಯುವ ಅವಕಾಶ ನೀಡಿದರೆ ಜಾಕ್ ಕಾಲಿಸ್ ಮತ್ತು ಶೇನ್ ವಾಟ್ಸನ್ ರೀತಿ ಉತ್ತಮ ಆರಂಭವನ್ನು ಮಾಡಿ ಹಾಗೂ ಬೌಲಿಂಗ್ ವಿಭಾಗದಲ್ಲಿಯೂ ಉತ್ತಮ ಪ್ರದರ್ಶನ ನೀಡುವಂತಹ ಸಾಮರ್ಥ್ಯ ತನ್ನಲ್ಲಿದೆ ಎಂದು ಹೇಳಿಕೊಂಡಿದ್ದಾರೆ.
4. 3D ಪ್ಲೇಯರ್ ಟ್ಯಾಗ್ಗೂ ನನಗೂ ಸಂಬಂಧವಿಲ್ಲ
2019ರ ವಿಶ್ವಕಪ್ ಆಯ್ಕೆಯ ವೇಳೆ ಅಂಬಾಟಿ ರಾಯುಡು ಮಾಡಿದ್ದ '3D' ಟ್ವೀಟ್ ನನಗಲ್ಲ, ಆದರೆ ಸಾಮಾಜಿಕ ಜಾಲತಾಣದಲ್ಲಿ ಅದನ್ನು ನನ್ನ ಹೆಸರಿಗೆ ತಳುಕು ಹಾಕಲಾಯಿತು ಮತ್ತು ಸಾಕಷ್ಟು ಟೀಕೆಗಳನ್ನು ಮಾಡಲಾಯಿತು ಎಂದು ವಿಜಯ್ ಶಂಕರ್ ಹೇಳಿದ್ದಾರೆ.