ನವದೆಹಲಿ, ಆಗಸ್ಟ್ 23: ಟೀಮ್ ಇಂಡಿಯಾದ ಬ್ಯಾಟಿಂಗ್ ಕೋಚ್ ಸಂಜಯ್ ಬಂಗಾರ್ ಸ್ಥಾನವನ್ನು ವಿಕ್ರಮ್ ರಾತೋರ್ ಆವರಿಸಿಕೊಂಡಿದ್ದಾರೆ. 2019ರ ವಿಶ್ವಕಪ್ನ ಸೆಮಿಫೈನಲ್ನಲ್ಲಿ ಭಾರತ, ನ್ಯೂಜಿಲೆಂಡ್ ವಿರುದ್ಧ ಸೋಲನುಭವಿಸಿದ ಬಳಿಕ ಬ್ಯಾಟಿಂಗ್ ವಿಭಾಗದ ಬಗ್ಗೆ ಅಸಮಾಧಾನ ವ್ಯಕ್ತವಾಗಿತ್ತು. ಈಗ ಬ್ಯಾಟಿಂಗ್ ಕೋಚ್ ಸ್ಥಾನದಲ್ಲಿ ಬದಲಾವಣೆಯಾಗಿದೆ.
'ವಿರಾಟ್ ಕೊಹ್ಲಿ, ಸಚಿನ್ ಎಲ್ಲಾ ದಾಖಲೆ ಮುರಿಯುತ್ತಾರೆ, ಒಂದನ್ನು ಬಿಟ್ಟು!'
ನಾಲ್ಕನೇ ಬ್ಯಾಟಿಂಗ್ ಕ್ರಮಾಂಕಕ್ಕೆ ಈಗಲೂ ಸ್ಥಿರ ಬ್ಯಾಟ್ಸ್ಮನ್ ಇಲ್ಲದಿರುವುದೂ ಭಾರತದ ಬ್ಯಾಟಿಂಗ್ ವಿಭಾಗದ ಬಗೆಗಿನ ಅಸಮಾಧಾನಕ್ಕೆ ಇನ್ನೊಂದು ನೆಪವಾಗಿತ್ತು. ಆದರೆ ಭಾರತ ತಂಡದ ಬೌಲಿಂಗ್ ಕೋಚ್ ಭರತ್ ಅರುಣ್ ಮತ್ತು ಫೀಲ್ಡಿಂಗ್ ಕೋಚ್ ಆರ್ ಶ್ರೀಧರ್ ತಮ್ಮ ಸ್ಥಾನದಲ್ಲಿ ಮುಂದುವರೆಯಲಿದ್ದಾರೆ.
The #Indian senior selection committee on August 22 shortlisted candidates for various coaching positions with #VikramRathour, #BharatArun and #RSridhar on priority list for the role of the team's support staff.
— IANS Tweets (@ians_india) August 22, 2019
Photo: IANS pic.twitter.com/7UdVwNCW6K
ಭಾರತ ಕ್ರಿಕೆಟ್ ತಂಡದ ವಿವಿಧ ಬೆಂಬಲ ಸಿಬ್ಬಂದಿ ಜವಾಬ್ದಾರಿಗಳಿಗೆ ಸಂಬಂಧಿಸಿ ಆಯ್ಕೆ ಸಮಿತಿಯ ಮುಖ್ಯಸ್ಥ ಎಂಎಸ್ಕೆ ಪ್ರಸಾದ್ ಸುಮಾರು 4 ದಿನಗಳಿಂದ ಒಟ್ಟು 88 ಅಭ್ಯರ್ಥಿಗಳ ಸಂದರ್ಶನ ನಡೆಸಿದ್ದರು. ಗುರುವಾರ (ಆಗಸ್ಟ್ 22) ಬೆಂಬಲ ಸಿಬ್ಬಂದಿಗಳನ್ನು ಘೋಷಿಸಲಾಗಿದೆ.
ಬದ್ಧ ಎದುರಾಳಿ ಲಿಯೋನೆಲ್ ಮೆಸ್ಸಿ ಬಗ್ಗೆ ರೊನಾಲ್ಡೊ ಹೇಳಿದ್ದೇನು ಗೊತ್ತಾ?!
'ನೀವು ಕಳೆದ 5 ವರ್ಷಗಳನ್ನು ಗಮನಿಸಿದರೆ, ಬ್ಯಾಟಿಂಗ್ ವಿಭಾಗದಲ್ಲಿ ಸುಧಾರಿಸಿರುವುದನ್ನು ಖಂಡಿತಾ ಗಮನಿಸುತ್ತೀರಿ. ಆದರೆ ಟೆಸ್ಟ್ ಚಾಂಪಿಯನ್ಷಿಪ್ ಮತ್ತು ಟಿ20 ವಿಶ್ವಕಪ್ ಗಮನದಲ್ಲಿಟ್ಟುಕೊಂಡು ಹೊಸತನ ಬೇಕೆನಿಸಿದೆ. ಹೀಗಾಗಿ ನಾವು ವಿಕ್ರಮ್ ರಾತೋರ್ ಅವರನ್ನು ಆರಿಸುತ್ತಿದ್ದೇವೆ,' ಎಂದು ಎಂಎಸ್ಕೆ ಪ್ರಸಾದ್ ತಿಳಿಸಿದ್ದಾರೆ.