ತಿರುವನಂತಪುರಂ: ಸಾಮಾಜಿಕ ಜಾಲತಾಣದಲ್ಲಿ ಒಂದು ವಿಡಿಯೋ ಓಡಾಡುತ್ತಿದೆ. ಕೇರಳದವಳು ಎನ್ನಲಾದ ಪುಟಾಣಿ ಪೋರಿಯೊಬ್ಬಳು ಅನುಭವಿ, ದಿಟ್ಟ ಬ್ಯಾಟ್ಸ್ಮನ್ಗಳಂತೆ ಬ್ಯಾಟ್ ಬೀಸುತ್ತಿರುವ ಈ ವಿಡಿಯೋ ಕ್ರಿಕೆಟ್ ಪ್ರೇಮಿಗಳ ಮೆಚ್ಚುಗೆಗೆ ಪಾತ್ರವಾಗಿದೆ (ಟ್ವಿಟರ್ ವಿಡಿಯೋ: ಹಿಂದುಸ್ತಾನ್ ಟೈಮ್ಸ್).
ವಿಶ್ವಕಪ್ನಲ್ಲಿ ಗಂಗೂಲಿ-ದ್ರಾವಿಡ್ ಸ್ಫೋಟಕ ಶತಕ ಬಾರಿಸಿದ್ದು ಇದೇ ದಿನ!
ಈಕೆಯ ಹೆಸರು ಮೆಹೆಕ್ ಎನ್ನಲಾಗುತ್ತಿದೆ. ಸ್ಟಂಪ್ಸ್ ಮುಂದೆ ಹೆಲ್ಮೆಟ್ ಧರಿಸಿ, ಗ್ಲೌಸ್ ಹಾಕಿ, ಬ್ಯಾಟ್ ಬೀಸುತ್ತಿರುವ ಈ ಹುಡುಗಿ ಥೇಟ್ ದೊಡ್ಡ ಆಟಗಾರರಂತೆಯೇ ಕ್ರಿಕೆಟ್ ಕೌಶಲಗಳನ್ನು ಪ್ರದರ್ಶಿಸಿದ್ದಾಳೆ. ಕ್ರಿಕೆಟ್ನಲ್ಲಿ ಅನುಭವಿ ಆಟಗಾರರು ತೋರಿಕೊಳ್ಳುವ ಅಪರೂಪದ ಶಾಟ್ಗಳನ್ನು ಹುಡುಗಿ ತೋರಿಸಿಕೊಟ್ಟಿದ್ದಾಳೆ.
ವಾಸಿಮ್ ಜಾಫರ್ ಈ ತಮಾಷೆಯ ಮೀಮ್ ಹಿಂದೆ ಗಂಭೀರ ಕತೆಯಿದೆ!
ಇನ್ಸ್ಟಾಗ್ರಾಮ್ನಲ್ಲಿ ಟ್ವಿಟರ್ನಲ್ಲಿ ಮತ್ತು ಫೇಸ್ಬುಕ್ ಎಲ್ಲದರಲ್ಲೂ ಈ ಹುಡುಗಿಯ ಬ್ಯಾಟಿಂಗ್ ವಿಡಿಯೋ ಹೆಚ್ಚು ವೀಕ್ಷಿಸಲ್ಪಡುತ್ತಿದೆ. ಅನೇಕ ಅಭಿಮಾನಿಗಳು ಈ ಹುಡುಗಿಯ ವಿಡಿಯೋಗೆ ಭಾರತೀಯ ಕ್ರಿಕೆಟ್ ತಂಡದ ಆಟಗಾರ್ತಿಯರಾದ ಸ್ಮೃತಿ ಮಂಧಾನ, ಜೆಮಿಮಾ ರೋಡ್ರಿಗಸ್ ಮೊದಲಾದವರ ಟ್ಯಾಗ್ ಹಾಕಿ ಪೋಸ್ಟ್ ಮಾಡಿಕೊಳ್ಳುತ್ತಿದ್ದಾರೆ.
A video of a young girl from Kerala playing cricket like a pro has grabbed the attention of netizens
— Hindustan Times (@htTweets) May 26, 2021
The clip opens to Mehek standing in front of the stump wearing a helmet and protective gear, acing some important shots played in the popular sport https://t.co/yy2B9bIonc pic.twitter.com/RUdpGahoXe
ಉತ್ತಮ ತರಬೇತಿ ದೊರೆತರೆ ಈ ಹುಡುಗಿ ನಾಳೆ ಭಾರತೀಯ ಮಹಿಳಾ ಕ್ರಿಕೆಟ್ ತಂಡದ ಪ್ರಮುಖ ಆಟಗಾರ್ತಿಯಾಗಲೂಬಹುದು ಎಂದು ಕ್ರಿಕೆಟ್ ಅಭಿಮಾನಿಗಳು ಕಾಮೆಂಟ್ ಮಾಡುತ್ತಿದ್ದಾರೆ.