ಆರ್‌ಸಿಬಿ ಅಭಿಮಾನಿಗಳಿಂದ ಕೊಹ್ಲಿ-ಎಬಿಡಿ ಪೋಸ್ಟರ್‌ಗೆ ಹಾಲಭಿಷೇಕ: ವಿಡಿಯೋ

ಬೆಂಗಳೂರು, ಫೆಬ್ರವರಿ 18: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟೂರ್ನಿ ಭಾರತದಲ್ಲಿ ಕ್ರಿಕೆಟ್ ಬಗ್ಗೆ ವಿಶೇಷ ಕ್ರೇಜ್ ಹುಟ್ಟು ಹಾಕಿದೆ. ಐಪಿಎಲ್ ಟೂರ್ನಿ ಮತ್ತು ಅದರ ತಂಡಗಳ ಮೇಲಿನ ಅಭಿಮಾನ ತೋರಿಕೊಳ್ಳುವಾಗ ಅಭಿಮಾನಿಗಳು ಅಂಜಿಕೊಳ್ಳಲಾರರು. ಆರ್‌ಸಿಬಿ ಅಭಿಮಾನಿಗಳು ತಮ್ಮ ತಂಡದ ಆಟಗಾರರ ಪೋಸ್ಟರ್‌ಗೆ ಹಾಲಿನ ಅಭಿಷೇಕ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಏಕದಿನ ಕ್ರಿಕೆಟ್‌ನಿಂದ ನಿವೃತ್ತಿಗೆ ವಿಂಡೀಸ್ ಸ್ಟಾರ್ ಬ್ಯಾಟ್ಸ್ಮನ್ ಗೇಲ್ ನಿರ್ಧಾರ!

ಮಾರ್ಚ್‌ 23ರಿಂದ ಐಪಿಎಲ್ ಟೂರ್ನಿ ಆರಂಭಗೊಳ್ಳುವುದರಲ್ಲಿದೆ. ಟೂರ್ನಿಯೆಡೆಗಿನ ಕಾವು ಹೆಚ್ಚಾಗುತ್ತಿದೆ ಕೂಡ. ಇದಕ್ಕೆ ಸಾಕ್ಷಿಯೆಂಬಂತೆ ಆರ್‌ಸಿಬಿ ಅಭಿಮಾನಿಗಳು ನಾಯಕ ವಿರಾಟ್ ಕೊಹ್ಲಿ-ಎಬಿ ಡಿವಿಲಿಯರ್ಸ್ ಪೋಸ್ಟರ್‌ಗೆ ಹಾಲಿನ ಅಭಿಷೇಕ ಮಾಡಿದ್ದಾರೆ. ಫೆಬ್ರವರಿ 18ರಂದು ಎಬಿಡಿ ಹುಟ್ಟಹಬ್ಬವೂ ಇದಕ್ಕೆ ಕಾರಣ.

Celebration Started In Bangalore🤙😍 @RCBTweets @ABdeVilliers17 @imVkohli @ViratGang @BoldBrigade #HappyBirthdayABD pic.twitter.com/i1RWQqSKNc

— Thalapathy Virat Praveen (@mafiapraveen) February 17, 2019

ದಕ್ಷಿಣ ಆಫ್ರಿಕಾ ತಂಡದ ಸ್ಟಾರ್ ಆಟಗಾರರಾಗಿರುವ ಮಿ. 360 ಖ್ಯಾತಿಯ ಎಬಿಡಿ ಮತ್ತು ಕೊಹ್ಲಿ ಇಬ್ಬರೂ ನೆಚ್ಚಿನ ಸ್ನೇಹಿತರು. ಹೀಗಾಗಿಯೇ ಆರ್ಸಿಬಿ ಅಭಿಮಾನಿಗಳು 35ನೇ ಹುಟ್ಟು ಹಬ್ಬ ಆಚರಿಸಿಕೊಳ್ಳುತ್ತಿರುವ ಎಬಿಡಿಗೆ ಶುಭಕೋರಿ ಪೋಸ್ಟರ್‌ಗೆ ಹಾಲು ಸುರಿಯುವ ಮೂಲಕ ಇಬ್ಬರ ಮೇಲಿನ ಪ್ರೀತಿ ತೋರಿಕೊಂಡಿದ್ದಾರೆ. ಈ ಟ್ವಿಟರ್ ವಿಡಿಯೋ ವೈರಲ್ ಆಗಿದೆ.