ಕೊಹ್ಲಿ-ರಾಹನೆ 9ನೇ ಶತಕ
ಏಲ್ಲಾ ಮಾದರಿಯ ಕ್ರಿಕೆಟ್ನಲ್ಲಿ ಕೊಹ್ಲಿ-ರಾಹನೆ ಬಾರಿಸಿದ 9ನೇ ಶತಕವಾಗಿ ಆ್ಯಂಟಿಗುವಾ ಶತಕ ಗುರುತಿಸಿಕೊಂಡಿದೆ. ಅಷ್ಟೇ ಅಲ್ಲ, ಆ್ಯಂಟಿಗುವಾದ ಸರ್ ವಿವಿಯನ್ ರಿಚರ್ಡ್ಸ್ ಸ್ಟೇಡಿಯಂನಲ್ಲಿ 100+ ರನ್ ದಾಖಲಿಸಿದ 3ನೇ ಜೋಡಿಯಾಗಿ ಕೊಹ್ಲಿ-ರಹಾನೆ ಕಾಣಿಸಿಕೊಂಡಿದ್ದಾರೆ.
ಸಚಿನ್-ಗಂಗೂಲಿ ದಾಖಲೆ ಬದಿಗೆ
ಟೆಸ್ಟ್ ಕ್ರಿಕೆಟ್ನಲ್ಲಿ 3ನೇ ವಿಕೆಟ್ ಉರುಳಿದ ಬಳಿಕ ವಿರಾಟ್ ಕೊಹ್ಲಿ ಮತ್ತು ಅಜಿಂಕ್ಯ ರಹಾನೆ ಜೊತೆಯಾಟದ ಶತಕ ಬಾರಿಸಿದ್ದು ಇದು 8ನೇ ಸಾರಿ. ಈ ಸಾಧನೆಗಾಗಿ ರಹಾನೆ-ಕೊಹ್ಲಿ ಜೋಡಿ ಮೊದಲ ಸ್ಥಾನದಲ್ಲಿ ಗುರುತಿಸಿಕೊಂಡಿದೆ. 3 ವಿಕೆಟ್ ಉರುಳಿದ ಬಳಿಕ ಅತಿ ಹೆಚ್ಚು ಜೊತೆಯಾಟದ ಶತಕ ದಾಖಲೆ ಈ ಹಿಂದೆ ಸಚಿನ್-ಗಂಗೂಲಿ ಹೆಸರಿನಲ್ಲಿತ್ತು. ಈ ಜೋಡಿ 7 ಶತಕಗಳನ್ನು ಬಾರಿಸಿತ್ತು.
ಭಾರತ ಮುನ್ನಡೆ
ಭಾರತದ ಮೊದಲ ಇನ್ನಿಂಗ್ಸ್ನಲ್ಲೂ ರಹಾನೆ 81 ರನ್ ಗಳಿಸಿದ್ದರು. ಜೊತೆಗೆ ಕೆಎಲ್ ರಾಹುಲ್ 44, ಹನುಮ ವಿಹಾರಿ 32, ರವೀಂದ್ರ ಜಡೇಜಾ 58 ರನ್ ಸೇರಿಸಿದ್ದರಿಂದ ಭಾರತ 96.4ನೇ ಓವರ್ಗೆ ಎಲ್ಲಾ ವಿಕೆಟ್ ಕಳೆದು 297 ರನ್ ಮಾಡಿತ್ತು. ವಿಂಡೀಸ್ 222 ರನ್ ಬಾರಿಸಿದ್ದರಿಂದ ಭಾರತ 75 ರನ್ ಮುನ್ನಡೆ ಸಾಧಿಸಿತ್ತು.
ರೋಚ್, ಇಶಾಂತ್ ಮಿಂಚು
ದ್ವಿತೀಯ ಇನ್ನಿಂಗ್ಸ್ ಆಡುತ್ತಿರುವ ಭಾರತ 72 ಓವರ್ಗೆ 3 ವಿಕೆಟ್ ನಷ್ಟದಲ್ಲಿ 185 ರನ್ ಬಾರಿಸಿ ಶನಿವಾರ (ಆಗಸ್ಟ್ 24) 3ನೇ ದಿನದಾಂತ್ಯಕ್ಕೆ ಒಟ್ಟು 260 ರನ್ ಮುನ್ನಡೆಯಲ್ಲಿತ್ತು. ಪ್ರಥಮ ಇನ್ನಿಂಗ್ಸ್ನಲ್ಲಿ ವಿಂಡೀಸ್ ಪರ ಕೆಮರ್ ರೋಚ್ (4 ವಿಕೆಟ್), ಭಾರತ ಪರ ಇಶಾಂತ್ ಶರ್ಮಾ (5 ವಿಕೆಟ್) ಬೌಲಿಂಗ್ನಲ್ಲಿ ಮಿಂಚಿದ್ದರು.