ವಿರುಷ್ಕಾ ಜೋಡಿ ಮಧ್ಯೆ ಏನಾಗಿದೆ?
ಹಾಗಾದರೆ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಡಿವೋರ್ಸ್ ಆಗುತ್ತಿದ್ದಾರಾ? ಖಂಡಿತಾ ಇಲ್ಲ. ಸುಳ್ಳು ಸುದ್ದಿಯೊಂದು ಹೇಗೆ ವೈರಲ್ ಆಗುತ್ತದೆ ಎಂಬುದಕ್ಕೆ ಇದೊಂದು ಸೂಕ್ತ ಉದಾಹರಣೆ. ಈ ಸುದ್ದಿಗೆ ಅಭಿಮಾನಿಗಳು ಸಾಕಷ್ಟು ಸಂಖ್ಯೆಯಲ್ಲಿ ಪ್ರತಿಕ್ರಿಯಿಸುತ್ತಿದ್ದಾರೆ. ಹಾಗಾಗಿ ಇದು ಟ್ರೆಂಡಿಂಗ್ ಆಗಿದೆ.
ಹಳೆಯ ಲೇಖನವೇ ಇದಕ್ಕೆ ಕಾರಣ
ಮದುವೆಗೂ ಮುನ್ನ ಈ ಜೋಡಿ ಮನಸ್ತಾಪದಿಂದ ಬೇರೆಯಾಗುತ್ತಿದ್ದಾರೆ ಎಂಬ ಬಗ್ಗೆ ಪ್ರಕಟವಾದ ಲೇಖನ ಇದಕ್ಕೆ ಕಾರಣವಾಗಿದೆ. ಆ ಹಳೆಯ ಲೇಖನ ಈಗ ಮುನ್ನಲೆಗೆ ಬಂದಿಗೆ. ಹಾಗಾಗಿ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ವಿಚ್ಛೇದನ ಪಡೆದುಕೊಳ್ಳುತ್ತಿದ್ದಾರೆ ಎಂದು ಟ್ವಿಟ್ಟರ್ನಲ್ಲಿ ಹರಿದಾಡಲು ಆರಂಭಿಸಿದೆ.
'ಪಾತಳ ಲೋಕ'ದ ಮೂಲ
ಅಷ್ಟಕ್ಕೂ ಈ ಸುದ್ದಿ ಟ್ರೆಂಡ್ ಆಗಲು ಮೂಲಕ ಕಾರಣ 'ಪಾತಾಳ್ ಲೋಕ್' ಎಂಬ ವೆಬ್ ಸೀರಿಸ್. ಅನುಷ್ಕಾ ಶರ್ಮಾ ನಿರ್ಮಾಣದ ಈ ವೆಬ್ ಸೀರಿಸ್ ಬಗ್ಗೆ ಆಕ್ಷೇಪವನ್ನು ವ್ಯಕ್ತಪಡಿಸಿದ್ದ ಬಿಜಿಪಿಯ ಶಾಸಕ ನಂದಕಿಶೋರ್ ಗುರ್ಜರ್ ಅನುಷ್ಕಾ ಶರ್ಮಾ ವಿರುದ್ಧ ಕೆಮಡ ಕಾರಿದ್ದರು. ಜೊತೆಗೆ 'ವಿರಾಟ್ ಕೊಹ್ಲಿ ನೀವು ಅನುಷ್ಕಾ ಶರ್ಮಾರಿಂದ ವಿಚ್ಛೇದನ ಪಡೆಯಿರಿ' ಎಂದಿದ್ದರು. ಈ ಹಿನ್ನೆಲೆಯಲ್ಲಿ ಹಳೆಯ ಲೇಖನವನ್ನು ಮುನ್ನೆಲೆಗೆ ತರಲಾಗಿದೆ.
ಮತ್ತಷ್ಟು ಗಟ್ಟಿಯಾಗಿದೆ ವಿರುಷ್ಕಾ ಬಂಧ
ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ನಡುವೇ ಯಾವುದೇ ಮನಸ್ತಾಪವಾಗಿಲ್ಲ ಎನ್ನುವುದು ಸ್ಪಷ್ಟ. ಲಾಕ್ಡೌನ್ ಸಂದರ್ಭದಲ್ಲಿ ಈ ಜೋಡಿಗಳು ಬಹಳ ಸುಧೀರ್ಘ ಕಾಲವನ್ನು ಜೊತೆಯಾಗಿ ಕಳೆದಿದ್ದಾರೆ. ಯಾವಾಗಲೂ ತಮ್ಮ ಕ್ಷೇತ್ರಗಳಲ್ಲಿ ಬ್ಯುಸಿ ಇರುವ ಈ ಜೋಡಿ ಈ ಸಂದರ್ಭದಲ್ಲಿ ಉತ್ತಮ ಸಮಯವನ್ನು ಕಳೆದಿದ್ದಾರೆ. ಹೀಗಾಗಿ ಇಬ್ಬರ ನಡುವಿನ ಬಂಧ ಮತ್ತಷ್ಟು ಗಟ್ಟಿಯಾಗಿದೆ. ಇದಕ್ಕೆ ಈ ಸ್ಟಾರ್ ಜೋಡಿ ಸಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿರುವ ಚಿತ್ರಗಳು ಸಾಕಷ್ಟಿ ಹೇಳುತ್ತಿದೆ.