ಗೌಹಾತಿ, ಅಕ್ಟೋಬರ್ 11 : ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಸೇರಿದಂತೆ ಪ್ರಮುಖ ಬ್ಯಾಟ್ಸ್ ಮನ್ ಗಳ ವೈಫಲ್ಯದಿಂದ ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟಿ20 ಪಂದ್ಯದಲ್ಲಿ ಭಾರತ ಸೋಲುಕಂಡಿತು.
ನಾಯಕ ವಿರಾಟ್ ಕೊಹ್ಲಿ ಅವರು ಶೂನ್ಯ ಸಂಪಾದನೆ ಮಾಡಿದ್ದು ಅಭಿಮಾನಿಗಳಿಗೆ ನಿರಾಶೆ ಮೂಡಿಸಿತು. 52 ಟಿ20 ಪಂದ್ಯಗಳ ಬಳಿಕ ಇದೇ ಮೊದಲ ಬಾರಿಗೆ ಸೊನ್ನೆಗೆ ಔಟಾಗುವ ಮೂಲಕ ಕೊಹ್ಲಿ ಸಾಧನೆ ಮಾಡಿದರು.
ಬರ್ಸಪರಾ ಸ್ಟೇಡಿಯಂನಲ್ಲಿ ಜಾಸನ್ ಬೆಹ್ರನ್ ಡ್ರೊಫ್ ಗೆ ವಿಕೆಟ್ ಒಪ್ಪಿಸಿದ ಕೊಹ್ಲಿ 54.57ರನ್ ಸರಾಸರಿ ಹೊಂದಿದ್ದಾರೆ.
0 - Virat Kohli has recorded his first ever duck for India in T20I cricket. Rarity.
— OptaJim (@OptaJim) October 10, 2017
28 ವರ್ಷ ವಯಸ್ಸಿನ ಕೊಹ್ಲಿ((1,852) ಅವರು ಟಿ20 ಯಲ್ಲಿ ಎರಡನೇ ಅತಿ ಹೆಚ್ಚು ರನ್ ಗಳಿಕೆ ಆಟಗಾರ ಎನಿಸಿಕೊಳ್ಳಲು 38ರನ್ ಗಳಿಸಬೇಕಿತ್ತು. ಶ್ರೀಲಂಕಾದ ತಿಲಕರತ್ನೆ ದಿಲ್ಶನ್ 1,889ರನ್ ಗಳಿಸಿದ್ದರೆ, ನ್ಯೂಜಿಲೆಂಡ್ ನ ಬ್ರೆಂಡನ್ ಮೆಕಲಮ್ 2,140 ರನ್ ಗಳಿಸಿ ಎಲ್ಲರಿಗಿಂತ ಹೆಚ್ಚು ರನ್ ಗಳಿಸಿದ್ದಾರೆ.