Click it and Unblock the Notifications
ದೊಡ್ಡ ಯುದ್ಧವಾಗಲಿದೆ
ಇಂಡಿಯಾ ಟುಡೇ ಶೋ 'ಇನ್ಸ್‌ಪೈರೇಶನ್'ನಲ್ಲಿ ಮಾತನಾಡಿದ ಡೇವಿಡ್ ವಾರ್ನರ್, ಕೊಹ್ಲಿ ಮತ್ತು ಸ್ಮಿತ್ ಇಬ್ಬರೂ ಎಲ್ಲಾ ಮೂರು ಮಾದರಿಯಲ್ಲೂ ಬೆಸ್ಟ್ ಬ್ಯಾಟ್ಸ್‌ಮನ್‌ಗಳು ಎಂದಿದ್ದಾರೆ. 'ಕೊಹ್ಲಿಯೊಂದಿಗೆ ಸ್ಮಿತ್ ಹೋಲಿಸಿದರೆ, ಇಬ್ಬರೂ ಮೂರೂ ಮಾದರಿಗಳಲ್ಲೂ ವಿಶ್ವದ ಅತ್ಯುತ್ತಮ ಬ್ಯಾಟ್ಸ್‌ಮನ್‌ಗಳು. ಜನರು ನಿರೀಕ್ಷಿಸಿದರೆ ಅವರ ನಡುವೆ ದೊಡ್ಡ ಯುದ್ಧವಾಗಲಿದೆ,' ಎಂದು ವಾರ್ನರ್ ಹೇಳಿದ್ದಾರೆ.
ಗೆದ್ದು ಇತಿಹಾಸ ನಿರ್ಮಿಸಿದ್ದ ಭಾರತ
ಈ ಬಾರಿ ಅಕ್ಟೋಬರ್‌‌ನಲ್ಲಿ ಕೊಹ್ಲಿ ಪಡೆ ಆಸ್ಟ್ರೇಲಿಯಾಕ್ಕೆ ಪ್ರವಾಸ ಕೈಗೊಳ್ಳಲಿದೆ. ಅಲ್ಲಿ 3 ಟಿ20ಐ ಪಂದ್ಯಗಳು, 4 ಟೆಸ್ಟ್ ಪಂದ್ಯಗಳು, 3 ಏಕದಿನ ಪಂದ್ಯಗಳನ್ನಾಡಲಿದೆ. ಕಳೆದ ಬಾರಿ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಭಾರತ ಟೆಸ್ಟ್ ಸರಣಿಯನ್ನು 2-1ರಿಂದ ಗೆದ್ದು ಇತಿಹಾಸ ನಿರ್ಮಿಸಿತ್ತು. ಆದರೆ ಆಗ ಆಸೀಸ್ ತಂಡದಲ್ಲಿ ಸ್ಮಿತ್, ವಾರ್ನರ್ ಇರಲಿಲ್ಲ.
ವೈಯಕ್ತಿಕ ಕಾದಾಟವಿಲ್ಲ
'ನಮಗೆ ಕಾದಾಟವಿದ್ದರೆ ಅದು ಭಾರತ vs ಆಸ್ಟ್ರೇಲಿಯಾ. ನಾವು ವೈಯಕ್ತಿಕ ಕಾದಾಟಕ್ಕೆ ಎದುರು ನೋಡುವುದಿಲ್ಲ. ಅದನ್ನೂ ವೈಯಕ್ತಿಕವಾಗಿ ತೆಗೆದುಕೊಳ್ಳಬೇಕು ಅಂದರೆ ಅದು ಬೌಲರ್ vs ಬ್ಯಾಟ್ಸ್‌ಮನ್ ಕದನವಾಗಿರುತ್ತದೆಯಷ್ಟೇ,' ಎಂದು ವಾರ್ನರ್ ಭಾರತ vs ಆಸ್ಟ್ರೇಲಿಯಾ ಪ್ರವಾಸ ಸರಣಿಯ ಬಗೆಗಿನ ಪ್ರಶ್ನಗೆ ಉತ್ತರಿಸುತ್ತ ವಿವರಿಸಿದರು.
ಟೀಮ್ ಇಂಡಿಯಾಕ್ಕೆ ಸಲಹೆ
ಮಾತು ಮುಂದುವರೆಸಿದ ವಾರ್ನರ್, 'ದಿನದ ಕೊನೆಯಲ್ಲಿ, ನಾವು ನಮ್ಮ ಸಂಶೋಧನೆಯನ್ನು ಚೆನ್ನಾಗಿ ಮಾಡಬೇಕು. ಆಸ್ಟ್ರೇಲಿಯಾದಲ್ಲಿ ಬೌಲಿಂಗ್ ಮಾಡಲು ನಮ್ಮ ಲೈನ್ ಮತ್ತು ಲೆಂತ್ ನಮಗೆ ತಿಳಿದಿವೆ. ನಮ್ಮ ಪರಿಸ್ಥಿತಿಗಳನ್ನು ಸರಿಯಾಗಿ ಬಳಸಿಕೊಳ್ಳಿ,' ಎಂದು ಭಾರತ ತಂಡಕ್ಕೆ ಸಲಹೆ ನೀಡಿದ್ದಾರೆ. ಭಾರತ vs ಆಸ್ಟ್ರೇಲಿಯಾ ಸರಣಿಗಳು ಅಕ್ಟೋಬರ್‌ 11ರಿಂದ ಆರಂಭಗೊಳ್ಳಲಿವೆ. ಸರಣಿಯು 3 ಟಿ20, 4 ಟೆಸ್ಟ್, 3 ಏಕದಿನ ಪಂದ್ಯಗಳನ್ನು ಒಳಗೊಂಡಿರಲಿದೆ.
