ಸ್ಫೋಟಕ ಅರ್ಧ ಶತಕ
ಮೊಹಾಲಿ ಪಂದ್ಯದಲ್ಲಿ ಕೊಹ್ಲಿ 52 ಎಸೆತಗಳಿಗೆ ಅಜೇಯ 72 ರನ್ ಸಿಡಿಸಿದರು. ಕೊಹ್ಲಿ, ಶಿಖರ್ ಧವನ್ (40 ರನ್) ಭರ್ಜರಿ ಬ್ಯಾಟಿಂಗ್ ನೆರವಿನಿಂದ ಪಂದ್ಯವನ್ನು ಭಾರತ 7 ವಿಕೆಟ್ಗಳಿಂದ ಗೆದ್ದುಕೊಂಡಿತು. ಮೊದಲು ಬ್ಯಾಟಿಂಗ್ ಮಾಡಿದ್ದ ಆಫ್ರಿಕಾ 20 ಓವರ್ಗೆ 5 ವಿಕೆಟ್ ಕಳೆದು 149 ರನ್ ಮಾಡಿದ್ದರೆ, ಭಾರತ 19 ಓವರ್ಗೆ 3 ವಿಕೆಟ್ ಕಳೆದು 151 ರನ್ ಗಳಿಸಿತು.
ರೋಹಿತ್ ದಾಖಲೆ ಬದಿಗೆ
ಟಿ20ಐನಲ್ಲಿ ಅತ್ಯಧಿಕ ರನ್ ಪಟ್ಟಿಯಲ್ಲಿ ಹಿಟ್ಮ್ಯಾನ್ ರೋಹಿತ್ ಮೀರಿಸಲು ಕೊಹ್ಲಿಗೆ ಕೇವಲ 54 ರನ್ಗಳು ಬೇಕಿದ್ದವು. ಮೊಹಾಲಿಯಲ್ಲಿ ಕೊಹ್ಲಿ 72 ರನ್ ಬಾರಿಸಿದ್ದರಿಂದ ಸದ್ಯ ಕೊಹ್ಲಿ 66 ಇನ್ನಿಂಗ್ಸ್ಗಳಲ್ಲಿ 2441 ಟಿ20ಐ ರನ್ನಿಂದ ಮೊದಲ ಸ್ಥಾನ ಅಲಂಕರಿಸಿದ್ದಾರೆ.
12 ರನ್ಗೆ ರೋಹಿತ್ ಔಟ್
ಈ ಪಂದ್ಯಕ್ಕೂ ಮುನ್ನ 2422 ರನ್ ಗಳಿಸಿದ್ದ ರೋಹಿತ್ ಟಿ20ಐ ಅತ್ಯಧಿಕ ರನ್ಗಾಗಿ ಅಗ್ರ ಸ್ಥಾನದಲ್ಲಿದ್ದರು. ಆದರೆ ಮೊಹಾಲಿ ಪಂದ್ಯದಲ್ಲಿ ರೋಹಿತ್ 12 ರನ್ ಬಾರಿಸಿ ಔಟಾಗಿದ್ದರಿಂದ ಸದ್ಯ 89 ಟಿ20ಐ ಇನ್ನಿಂಗ್ಸ್ಗಳಲ್ಲಿ 2434 ರನ್ಗಳೊಂದಿಗೆ ಅತ್ಯಧಿಕ ರನ್ ಸಾಲಿನಲ್ಲಿ ಹಿಟ್ಮ್ಯಾನ್ ದ್ವಿತೀಯ ಸ್ಥಾನದಲ್ಲಿದ್ದಾರೆ.
ಗಪ್ಟಿಲ್ಗೆ 3ನೇ ಸ್ಥಾನ
ಟಿ20ಐ ಅತ್ಯಧಿಕ ರನ್ ಪಟ್ಟಿಯಲ್ಲಿ ನ್ಯೂಜಿಲೆಂಡ್ನ ಮಾರ್ಟಿನ್ ಗಪ್ಟಿಲ್ (2283 ರನ್) 3ನೇ ಸ್ಥಾನ, ಪಾಕಿಸ್ತಾನದ ಶೋಯೆಬ್ ಮಲ್ಲಿಕ್ (2263) 4ನೇ ಸ್ಥಾನ, ನ್ಯೂಜಿಲೆಂಡ್ನ ಬ್ರೆಂಡನ್ ಮೆಕಲಮ್ (2283) 5ನೇ ಸ್ಥಾನ ಪಡೆದುಕೊಂಡಿದ್ದಾರೆ.