ಅದ್ಭುತ ಆಟಗಾರರಿವರು
'ಪಂತ್, ಶ್ರೇಯಸ್, ಗಿಲ್ ಈ ಮೂವರೂ ಅದ್ಭುತ ಆಟಗಾರರು. ಅವರಲ್ಲಿರುವ ಆತ್ಮ ವಿಶ್ವಾಸದ ಮಟ್ಟವನ್ನು ನೋಡುವಾಗ ತುಂಬಾ ಖುಷಿಯೆನಿಸುತ್ತೆ.. ಇದನ್ನು ನಾನು ಈ ಹಿಂದೆಯೇ ಸಾಕಷ್ಟು ಬಾರಿ ಹೇಳಿದ್ದೇನೆ, ಈಗಲೂ ಹೇಳುತ್ತಿದ್ದೇನೆ, 19-20ರ ಹರೆಯದಲ್ಲಿ ನಾವು ಇವರ ಅರ್ಧದಷ್ಟೂ ಇರಲಿಲ್ಲ,' ಎಂದು ಟೈಮ್ಸ್ ಇಂಡಿಯಾ ಜೊತೆ ಮಾತನಾಡುತ್ತ ಕೊಹ್ಲಿ ಹೇಳಿಕೊಂಡಿದ್ದಾರೆ.
ಕೌಶಲಗಳೂ ಸುಧಾರಿಸುತ್ತಿವೆ
'ಐಪಿಎಲ್ನಂತ ಟೂರ್ನಿಯಲ್ಲಿ ಅವಕಾಶ ದೊರೆತಿದ್ದರಿಂದ ಅವರ ಕೌಶಲಗಳೂ ಸುಧಾರಿಸುತ್ತಿವೆ. ಕೌಶಲಗಳ ಸುಧಾರಣೆ ಒಬ್ಬ ಕ್ರಿಕೆಟರ್ಗೆ ಬಹಳ ದೊಡ್ಡ ವಿಚಾರ' ಎಂದು ಕೊಹ್ಲಿ ಹೇಳಿದ್ದಾರೆ. ರಿಶಬ್ ಪಂತ್ (ಡೆಲ್ಲಿ ಕ್ಯಾಪಿಟಲ್ಸ್), ಶ್ರೇಯಸ್ (ಡೆಲ್ಲಿ ಕ್ಯಾಪಿಟಲ್ಸ್), ಶುಭ್ಮಾನ್ ಗಿಲ್ (ಕೋಲ್ಕತ್ತ ನೈಟ್ ರೈಡರ್ಸ್) ಪರ ಐಪಿಎಲ್ನಲ್ಲಿ ಮಿಂಚಿದ್ದರು.
ಆತ್ಮವಿಶ್ವಾಸ ಪ್ಲಸ್ ಪಾಯಿಂಟ್
'ಮೈದಾನಕ್ಕಿಳಿಯುವಾಗ ಈ ಮೂವರು ಯುವ ಆಟಗಾರರು ಬಹಳ ಆತ್ಮವಿಶ್ವಾಸ ಹೊಂದಿರುತ್ತಾರೆ. ತಪ್ಪುಗಳನ್ನೂ ಬಹಳ ಬೇಗ ತಿದ್ದುಕೊಂಡು ಆಟ ಕಲಿಯುತ್ತಿದ್ದಾರೆ. ಯಾಕೆಂದರೆ ಅವರು ಈಗಾಗಲೇ ಬಹಳಷ್ಟು ಆಟಗಾರರ ಎದುರು ಆಡಿದ್ದಾರೆ,' ಎಂದು ವಿರಾಟ್ ವಿವರಿಸಿದರು.
ದೇಶಕ್ಕಾಗಿ ಆಡುತ್ತಿದ್ದಾರೆ
ಎಲ್ಲದಕ್ಕಿಂತ ಹೆಚ್ಚಾಗಿ ಈ ಅವಕಾಶವನ್ನು ನಾನು ನನ್ನ ದೇಶಕ್ಕಾಗಿ ಬಳಸಿಕೊಳ್ಳುತ್ತಿದ್ದೇನೆ ಎಂದು ಅಂದುಕೊಂಡು ಇವರು ಆಡುತ್ತಿದ್ದಾರೆ. ನನ್ನ ಪ್ರಕಾರ ಈ ಯುವ ಬ್ಯಾಟ್ಸ್ಮನ್ಗಳು ಈಗ ಇಷ್ಟು ಉತ್ತಮ ಫಾರ್ಮ್ ಹೊಂದಿರೋದಕ್ಕೆ ಇದೇ ಕಾರಣ,' ಎಂದು ಕೊಹ್ಲಿ ಅಭಿಪ್ರಾಯಿಸಿದ್ದಾರೆ.