ಬೆಂಗಳೂರು, ಸೆಪ್ಟೆಂಬರ್ 22: ಪ್ರಸ್ತುತ ಏಷ್ಯಾಕಪ್ ಸರಣಿಯಲ್ಲಿ ಭಾರತ ಏಕಮೇವಾಧಿಪತ್ಯ ಮೆರೆಯುತ್ತಿದೆ. ಆದರೆ ಅದರ ಜೊತೆಗೆ ಅಫ್ಘಾನಿಸ್ತಾನ ಸಹ ತನ್ನ ಅದ್ಭುತ ಆಟದಿಂದ ಗಮನ ಸೆಳೆಯುತ್ತಿದೆ.
ಹೌದು, ಅಫ್ಘಾನಿಸ್ತಾನವು ಬಾಂಗ್ಲಾ, ಶ್ರೀಲಂಕಾ ತಂಡಗಳನ್ನು ಸೋಲಿಸಿ ಭಾರಿ ವೇಗದಲ್ಲಿ ಮುನ್ನುಗ್ಗುತ್ತಿದೆ. ಅಫ್ಘಾನ್ ಆಟಗಾರರ ಫಿಟ್ನೆಸ್ ಲೆವೆಲ್ ಸಹ ಅದ್ಭುತವಾಗಿದೆ. ಆದರೆ ಆ ಪ್ರತಿಭಾನ್ವಿತರ ಪಡೆಯ ಫಿಟ್ನೆಸ್ಗೆ ಸ್ಪೂರ್ತಿ ನಮ್ಮ ಭಾರತೀಯ ಕ್ರಿಕೆಟಿಗ ಎಂದರೆ ನಂಬಲೇ ಬೇಕು.
ಅಫ್ಘಾನ್ ಆಟಗಾರರ ಪಿಟ್ನೆಸ್ಗೆ ಭಾರತದ ವಿರಾಟ್ ಕೊಹ್ಲಿಯನ್ನು ಸ್ಪೂರ್ತಿಯಾಗಿ ಇರಿಸಿಕೊಂಡಿದ್ದಾರೆ. ಕೊಹ್ಲಿಯನ್ನು ಆದರ್ಶವಾಗಿಟ್ಟುಕೊಂಡು ಅಫ್ಘಾನ್ ಆಟಗಾರರೂ ಸಹ ಫಿಟ್ನೆಸ್ ಕಡೆ ಗಮನಕೊಟ್ಟಿದ್ದಾರಂತೆ.
ಕಳೆದ ಆರು ತಿಂಗಳಿಂದಲೂ ಅಫ್ಘಾನ್ ತಂಡದ ಫಿಸಿಯೋ ಮತ್ತು ಕಂಡಿಶನಿಂಗ್ ಕೋಚ್ಗಳು ಸಹ ಕೊಹ್ಲಿ ಅನುಸರಿಸುವ ಫಿಟ್ನೆಸ್ ತಂತ್ರಗಳನ್ನೇ ಆಟಗಾರರ ಮೇಲೂ ಪ್ರಯೋಗಿಸಿದ್ದಾರೆ ಹಾಗಾಗಿ ಎಲ್ಲ ಆಟಗಾರ ಫಿಟ್ನೆಸ್ನಲ್ಲೂ ಸಾಕಷ್ಟು ಪ್ರಗತಿ ಕಂಡಿದೆ ಎನ್ನುತ್ತಾರೆ ಅಫ್ಘಾನ್ ತಂಡದ ವ್ಯವಸ್ಥಾಪಕ.
ಕಳೆದ ಆರು ತಿಂಗಳಿನಿಂದ ಅಫ್ಘಾನಿಸ್ತಾನ ತಂಡವು ಅತ್ಯುತ್ತಮ ಪ್ರದರ್ಶನ ತೋರುತ್ತಿದೆ. ಜಿಂಬಾಬ್ವಯನ್ನು 4-1 ರಿಂದ ಸೋಲಿಸಿತು. ಬಾಂಗ್ಲಾ ವಿರುದ್ಧ ಸರಣಿ ಗೆದ್ದಿತು. ವಿಶ್ವಕಪ್ ಕ್ವಾಲಿಫೈಯರ್ ಸರಣಿಯಲ್ಲಿ ವೆಸ್ಟ್ ಇಂಡೀಸ್ ತಂಡವನ್ನು ಸೋಲಿಸಿತು.
ಏಷ್ಯಾಕಪ್ನಲ್ಲಿ ಈ ವರೆಗೆ ಪ್ರಬಲ ತಂಡಗಳಾದ ಶ್ರೀಲಂಕಾ ಮತ್ತು ಬಾಂಗ್ಲಾವನ್ನು ಸೋಲಿಸಿದೆ. ಶುಕ್ರವಾರ ನಡೆದ ಪಂದ್ಯದಲ್ಲಿ ಪಾಕಿಸ್ತಾನದ ವಿರುದ್ಧ ಕಠಿಣ ಹೋರಾಟ ನೀಡಿ ಸೋಲು ಕಂಡಿದೆ. ಅಫ್ಘಾನಿಸ್ತಾನವು ಭಾರತದ ವಿರುದ್ಧ ಸೆಪ್ಟೆಂಬರ್ 25 ರಂದು ಆಡಲಿದೆ.