ತಾರತಮ್ಯ ವಿರೋಧಿ ಅಭಿಯಾನ
ಭಾರತದ ಮಹಿಳಾ ಕ್ರಿಕೆಟ್ ತಂಡಕ್ಕೆ ಶುಭ ಕೋರಿ ಕೊಹ್ಲಿ ಲಿಂಗ ತಾರತಮ್ಯ ವಿರೋಧಿ '#JerseyKnowsNoGender' ಅಭಿಯಾನ ಶುರು ಮಾಡಿದ್ದಾರೆ. 'ಜೆರ್ಸಿ ಒಂದೇ ಗೊತ್ತು, ಲಿಂಗ ಗೊತ್ತಿಲ್ಲ' ಎನ್ನುವ ಈ ಅಭಿಯಾನ, 'ಭಾರತದ ಜೆರ್ಸಿಯೊಂದಿಗೆ ಆಡುವ ಎಲ್ಲರೂ ನಮ್ಮವರೇ; ಅಲ್ಲಿ ಲಿಂಗ ಬೇಧವಿಲ್ಲ, ಜಾತಿಬೇಧವಿಲ್ಲ, ಮೇಲು-ಕೀಳಿಲ್ಲ' ಎಂಬರ್ಥವನ್ನು ಸಾರುತ್ತಿದೆ.
ಸೋಲಿಲ್ಲದ ತಂಡ
ಐಸಿಸಿ ಮಹಿಳಾ ವಿಶ್ವ ಟಿ20ಯಲ್ಲಿ ಆಡುತ್ತಿರುವ ಭಾರತ ತಂಡ ಟೂರ್ನಿಯಲ್ಲಿ ಸೋಲು ಕಂಡಿಲ್ಲ. ಭಾರತ ಎರಡು ಪಂದ್ಯಗಳನ್ನಾಡಿದ್ದು, ಕ್ರಮವಾಗಿ ನ್ಯೂಜಿಲ್ಯಾಂಡ್ ವಿರುದ್ಧ ಮತ್ತು ಪಾಕಿಸ್ತಾನ ವಿರುದ್ಧ ಜಯ ಸಾಧಿಸಿತ್ತು. ಆರಂಭಿಕ ಪಂದ್ಯದಲ್ಲಿ ನಾಯಕಿ ಹರ್ಮನ್ಪ್ರೀತ್ ಕೌರ್ ಮಿಂಚಿದ್ದರೆ, ಎರಡನೇ ಪಂದ್ಯದಲ್ಲಿ ಮಿಥಾಲಿ ಆಕರ್ಷಣೆ ಮೂಡಿಸಿದ್ದರು.
ಅತೀವ ಹೆಮ್ಮೆಯೆನಿಸಯತ್ತೆ
ಅಭಿಯಾನದ ಬಗ್ಗೆ ಮಾತನಾಡುತ್ತ ಕೊಹ್ಲಿ, 'ನಾವು ಧರಿಸುವ ಬಣ್ಣದ, ಅದೇ ರೀತಿಯ ಜೆರ್ಸಿ ಧರಿಸಿ ನಮ್ಮ ದೇಶಕ್ಕಾಗಿ ಆಡುವ ಮಹಿಳಾ ತಂಡವನ್ನು ನೋಡುವಾಗ ನನಗೆ ಅತೀವ ಹೆಮ್ಮೆಯೆನಿಸುತ್ತೆ. ಭಾರತವನ್ನು ಪ್ರತಿನಿಧಿಸಿ ಈ ಜರ್ಸಿ ಧರಿಸೋದೇ ಒಂದು ಹೆಮ್ಮೆಯ ಕ್ಷಣ' ಎಂದರು.
ನೀವ್ಯಾರೋ ಕೇಳೋಲ್ಲ
'ನಾವು ಧರಿಸುತ್ತೇವಲ್ಲ ಈ ಭಾರತದ ಜೆರ್ಸಿ? ಇದು ನೀನ್ಯಾರು ಅಂತ ಕೇಳಲ್ಲ. ಎಲ್ಲಿಂದ ಬಂದಿದ್ದೀಯ ಎಂದಾಗಲಿ, ನೀನು ಗಂಡೋ-ಹೆಣ್ಣೋ ಎಂದಾಗಲಿ ಕೇಳೋದೇಯಿಲ್ಲ. ಈ ಜೆರ್ಸಿ ನೀನು ಭಾರತೀಯ ಎಂಬ ಹೆಮ್ಮೆಯೊಂದನ್ನಷ್ಟೇ ಪಿಸುಗುಡುತ್ತಿರುತ್ತೆ' ಎಂದು ಕೊಹ್ಲಿ ಹೇಳಿದರು.