Click it and Unblock the Notifications
15 ಕೋಟಿ ರೂಪಾಯಿಗೆ ಕೊಹ್ಲಿ ರೀಟೈನ್
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಐಪಿಎಲ್ 15ನೇ ಸೀಸನ್‌ ಹರಾಜಿಗೂ ಮುನ್ನ ಮೂವರು ಆಟಗಾರರನ್ನ ರೀಟೈನ್ ಮಾಡಿಕೊಂಡಿದೆ. ವಿರಾಟ್ ಕೊಹ್ಲಿಗೆ 15 ಕೋಟಿ ರೂಪಾಯಿ, ಆಸ್ಟ್ರೇಲಿಯಾದ ಆಲ್‌ರೌಂಡರ್ ಗ್ಲೆನ್ ಮ್ಯಾಕ್ಸ್‌ವೆಲ್‌ಗೆ 11 ಕೋಟಿ ರೂಪಾಯಿ, ಮೊಹಮ್ಮದ್ ಸಿರಾಜ್‌ಗೆ 6 ಕೋಟಿ ರೂಪಾಯಿಯಂತೆ ರೀಟೈನ್ ಮಾಡಿಕೊಂಡಿದೆ.
ಇನ್ನು ಉಳಿದಂತೆ 57 ಕೋಟಿ ರೂಪಾಯಿ ಹಣದಲ್ಲಿ ಉಳಿದ ಆಟಗಾರರನ್ನ ಆರ್‌ಸಿಬಿ ಖರೀದಿಸಬೇಕಿದೆ. ಇದುವರೆಗೂ ರನ್ನರ್‌ ಆಪ್‌ ಆಗಿಯೇ ತೃಪ್ತಿಪಟ್ಟಿರುವ ಆರ್‌ಸಿಬಿ ಒಂದು ಬಾರಿಯು ಟ್ರೋಫಿ ಗೆಲ್ಲಲು ಸಾಧ್ಯವಾಗಿಲ್ಲ. ಕೊಹ್ಲಿ ನೇತೃತ್ವದಲ್ಲಿ ಆರ್‌ಸಿಬಿ ಕಪ್ ಗೆಲ್ಲದಿದ್ದರೂ ವಿರಾಟ್‌ಗಿರುವ ಅಭಿಮಾನಿಗಳ ಬೆಂಬಲಕ್ಕೆ ಯಾವುದೇ ಅಡೆತಡೆಯಿಲ್ಲ.
2021ರ ಐಪಿಎಲ್ ಸೀಸನ್‌ನಲ್ಲಿ ಕೊನೆಯ ಬಾರಿಗೆ ನಾಯಕತ್ವ
ಕಳೆದ ಐಪಿಎಲ್ ಸೀಸನ್‌ನಲ್ಲಿ ಆರ್‌ಸಿಬಿ ಪರ ಕೊನೆಯ ಬಾರಿಗೆ ನಾಯಕತ್ವ ಎಂದು ಘೋಷಿಸಿದ್ದ ವಿರಾಟ್ ಕೊಹ್ಲಿ ತಂಡವನ್ನ ಫೈನಲ್‌ಗೆ ಕೊಂಡೊಯ್ಯಲು ಸಾಧ್ಯವಾಗಲಿಲ್ಲ. ಹೀಗಾಗಿ ಇದೇ ಕೊನೆಯ ಬಾರಿಗೆ ನಾನು ಆರ್‌ಸಿಬಿಯನ್ನ ಮುನ್ನಡೆಸುತ್ತೇನೆ ಎಂದು ಆರಂಭದಲ್ಲೇ ವಿರಾಟ್ ಘೋಷಿಸಿದ್ರು. ಆದ್ರೆ ಐಪಿಎಲ್ ಆಡುವವರೆಗೂ ಆರ್‌ಸಿಬಿ ತಂಡದಲ್ಲೇ ಉಳಿಯುವೇ ಎಂದು ಪ್ರಮಾಣಿಸಿದ್ದರು.
ಕ್ರಿಸ್‌ಗೇಲ್‌, ಜಾಂಟಿರೋಡ್ಸ್‌ಗೆ ಗಣರಾಜ್ಯೋತ್ಸವದ ಶುಭಾಶಯ ತಿಳಿಸಿದ ಪ್ರಧಾನಿ ಮೋದಿ
2008ರಿಂದ ಆರ್‌ಸಿಬಿ ತಂಡದಲ್ಲೇ ಇರುವ ವಿರಾಟ್
ಐಪಿಎಲ್ ಇತಿಹಾಸದಲ್ಲಿ ಚೊಚ್ಚಲ ಸೀಸನ್‌ನಿಂದ ಒಂದೇ ತಂಡದಲ್ಲಿ ಇರುವ ಏಕೈಕ ಆಟಗಾರ ಅಂದ್ರೆ ಅದು ವಿರಾಟ್ ಕೊಹ್ಲಿ ಅಲ್ಲದೆ ಮತ್ಯಾರು ಅಲ್ಲ. ವಿರಾಟ್ 2008ರ ಉದ್ಘಾಟನಾ ಸೀಸನ್‌ನಿಂದ ಇದುವರೆಗೂ 207 ಐಪಿಎಲ್ ಪಂದ್ಯಗಳಿಂದ 6283 ರನ್ ಕಲೆಹಾಕಿದ್ದಾರೆ. ವಿರಾಟ್ ಬ್ಯಾಟ್‌ನಿಂದ ಒಂದೇ ಸೀಸನ್‌ನಲ್ಲಿ (2016) ನಾಲ್ಕು ಶತಕಗಳು ಸಿಡಿದಿವೆ. ಇದೇ ಆವೃತ್ತಿಯಲ್ಲಿ ಆರ್‌ಸಿಬಿ ಫೈನಲ್ ಕೂಡ ಪ್ರವೇಶಿಸಿತ್ತು. ಆದ್ರೆ ಕಪ್ ಗೆಲ್ಲಲು ಆರ್‌ಸಿಬಿ ಸಾಧ್ಯವಾಗಲಿಲ್ಲ.
ಗುಡ್‌ನ್ಯೂಸ್: ಫಿಟ್ನೆಸ್ ಟೆಸ್ಟ್ ಪಾಸ್ ಮಾಡಿದ ರೋಹಿತ್ ಶರ್ಮಾ, ಮುಂದಿನ ಸರಣಿಗೆ ಆಯ್ಕೆ ಗ್ಯಾರೆಂಟಿ
ವಿರಾಟ್ ಐಪಿಎಲ್ ನಾಯಕತ್ವ ಸಾಧನೆ
ಐಪಿಎಲ್‌ನಲ್ಲಿ ವಿರಾಟ್ ಕೊಹ್ಲಿ ಆರ್‌ಸಿಬಿ ನಾಯಕನಾಗಿ ಒಟ್ಟು 140 ಪಂದ್ಯಗಳನ್ನ ಮುನ್ನಡೆಸಿದ್ದು, ಇದರಲ್ಲಿ 66 ಗೆಲುವು ಮತ್ತು 70 ಸೋಲುಗಳನ್ನ ಕಾಣಬಹುದು. ಮುಂದಿನ ಐಪಿಎಲ್ ಸೀಸನ್‌ಗೂ ವಿರಾಟ್‌ರನ್ನೇ ನಾಯಕನನ್ನಾಗಿ ಕಾಣಲು ಫ್ರಾಂಚೈಸಿ ಬಯಸುತ್ತಿದೆ. ಈ ಬಾರಿ ಪ್ರಬಲ ತಂಡವನ್ನ ಕಟ್ಟುವ ವಿಶ್ವಾಸದಲ್ಲಿದೆ. ಈಗಾಗಲೇ ಮೂವರು ಆಟಗಾರರನ್ನ ತಂಡದಲ್ಲಿ ಉಳಿಸಿಕೊಂಡಿದ್ದು, ಕೊಹ್ಲಿಯನ್ನ ಮತ್ತೆ ನಾಯಕನಾಗಿ ನೋಡಲು ಅಭಿಮಾನಿಗಳು ಎದುರು ನೋಡುತ್ತಿದ್ದಾರೆ.
ಕೊಹ್ಲಿ ಒಪ್ಪಿದರೆ ಮತ್ತೆ ನಾಯಕತ್ವ ಪಟ್ಟ
ವಿರಾಟ್ ಕೊಹ್ಲಿ ಒಪ್ಪಿಗೆ ಸೂಚಿಸಿದರೆ ಅವರೇ ಆರ್‌ಸಿಬಿ ನಾಯಕ ಆಗಲಿದ್ದಾರೆ. ಇಲ್ಲವಾದ್ರೆ ಹರಾಜಿನಲ್ಲಿ ಸೂಕ್ತ ನಾಯಕನ ಖರೀದಿ ಮಾಡಲಿದ್ದೇವೆ ಎಂದು ಆರ್‌ಸಿಬಿ ಮೂಲಗಳು ತಿಳಿಸಿವೆ. ಈಗಾಗಲೇ ಟೀಂ ಇಂಡಿಯಾದ ಎಲ್ಲಾ ಫಾರ್ಮೆಟ್‌ ನಾಯಕತ್ವದಿಂದ ಮುಕ್ತನಾಗಿರುವ ವಿರಾಟ್ ಯಾವುದೇ ಒತ್ತಡವಿಲ್ಲದೆ ಉಳಿದಿದ್ದಾರೆ. ಹೀಗಾಗಿ ವಿರಾಟ್ ಆರ್‌ಸಿಬಿಯ ಆಫರ್ ಅನ್ನು ಒಪ್ಪಿಕೊಳ್ಳಲಿದ್ದಾರೆಯೇ ಎಂಬುದನ್ನ ಕಾದು ನೋಡಬೇಕಿದೆ.
