ಏಕದಿನದಲ್ಲಿ 2 ಶತಕಗಳು
ವೆಸ್ಟ್ ಇಂಡೀಸ್ ಪ್ರವಾಸದಲ್ಲಿರುವ ಭಾರತ, ಗುರುವಾರ (ಆಗಸ್ಟ್ 22) ಮೊದಲ ಟೆಸ್ಟ್ ಪಂದ್ಯವನ್ನಾಡುತ್ತಿದೆ. ಇತ್ತೀಚೆಗೆ ಮುಕ್ತಾಯಗೊಂಡ ಏಕದಿನ ಸರಣಿಯ ಎರಡು ಪಂದ್ಯಗಳಲ್ಲಿ ಕೊಹ್ಲಿ ಎರಡು ಶತಕಗಳನ್ನು ಬಾರಿಸಿದ್ದರು. ಈಗ ಏಕದಿನದಲ್ಲಿ ಒಟ್ಟು 43 ಶತಕಗಳನ್ನು ಸಿಡಿಸಿರುವ ಕೊಹ್ಲಿಗೆ ತೆಂಡೂಲ್ಕರ್ ಏಕದಿನ ದಾಖಲೆ ಮುರಿಯಲು 7 ಶತಕಗಳು ಬೇಕು.
ಸಚಿನ್ 49 ಶತಕ ದಾಖಲೆ
ತೆಂಡೂಲ್ಕರ್ ಒಟ್ಟು 452 ಏಕದಿನ ಇನ್ನಿಂಗ್ಸ್ಗಳಲ್ಲಿ 49 ಶತಕಗಳ ದಾಖಲೆ ಹೊಂದಿದ್ದಾರೆ. ಏಕದಿನದಲ್ಲಿ ಸಚಿನ್ 44.83ರ ಸರಾಸರಿಯಂತೆ 18426 ಸಾಧನೆ ಹೊಂದಿದ್ದರೆ, ಕೊಹ್ಲಿ 230 ಇನ್ನಿಂಗ್ಸ್ಗಳಲ್ಲಿ 60.31ರ ಸರಾಸರಿಯಲ್ಲಿ 11520 ರನ್ ಗಳಿಸಿದ್ದಾರೆ.
ಯಾರೂ ಮುರಿಯಲಾಗದು
'ಸಚಿನ್ ತೆಂಡೂಲ್ಕರ್ ಹೆಸರಿನಲ್ಲಿರುವ ಒಂದು ದಾಖಲೆಯನ್ನು ಯಾರೂ ಮುರಿಯಲು ಸಾಧ್ಯವಿಲ್ಲ. ಅದು ಯಾವುದೆಂದರೆ 200 ಟೆಸ್ಟ್ ಪಂದ್ಯಗಳ ದಾಖಲೆ. ತೆಂಡೂಲ್ಕರ್ ಆಡಿರುವ 200 ಟೆಸ್ಟ್ ಪಂದ್ಯಗಳ ದಾಖಲೆ ಯಾರಾದರೂ ಮುರಿಯಬಲ್ಲರು ಎಂದು ನನಗನ್ನಿಸುತ್ತಿಲ್ಲ,' ಎಂದು ಹೆಹ್ವಾಗ್ ಅಭಿಪ್ರಾಯಿಸಿದ್ದಾರೆ.
ಅತ್ಯಧಿಕ ಪಂದ್ಯ, ಇನ್ನಿಂಗ್ಸ್ಗಳು
ಟೆಸ್ಟ್ನಲ್ಲಿ ಸಚಿನ್ ತೆಂಡೂಲ್ಕರ್ 200 ಪಂದ್ಯ, 329 ಇನ್ನಿಂಗ್ಸ್ಗಳಲ್ಲಿ 15921 ರನ್ ಬಾರಿಸಿದ್ದಾರೆ. ಇದರಲ್ಲಿ 51 ಶತಕ, 6 ದ್ವಿಶತಕಗಳು ಸೇರಿವೆ. ಅದೇ ಕೊಹ್ಲಿ 77 ಟೆಸ್ಟ್ ಪಂದ್ಯಗಳಲ್ಲಿ 131 ಇನ್ನಿಂಗ್ಸ್ಗಳಲ್ಲಿ 25 ಶತಕ, 6 ದ್ವಿಶತಕಗಳು ಸೇರಿ 6613 ರನ್ ಗಳಿಸಿದ್ದಾರೆ.