ಸಿಕ್ಸರ್ ಬಾರಿಸುವ ಮೂಲಕ ತಮ್ಮ ಖಾತೆ ಓಪನ್ ಮಾಡಿದ ರಿಷಬ್ ಅವರು 24ರನ್ ಗಳಿಸಿ ಔಟಾಗಿ ನಿರಾಶೆ ಮೂಡಿಸಿದರು. 307 ಸ್ಕೋರಿನಿಂದ ಮುಂದುವರೆಸಿದ ಭಾರತವು ಭಾನುವಾರದ ದಿನದ ಆರಂಭದಲ್ಲೇ ರಿಷಪ್ ಪಂತ್ ವಿಕೆಟ್ ಕಳೆದುಕೊಂಡಿತು. ಆಫ್ ಸ್ಟಂಪಿನಿಂದ ಹೊರಗೆ ಹೋಗುತ್ತಿದ್ದ ಚೆಂಡನ್ನು ಕೆಣಕಲು ಹೋಗಿ ಇನ್ ಸೈಡ್ ಎಡ್ಜ್ ಮಾಡಿಕೊಂಡು ಬ್ರಾಡ್ ಎಸೆತದಲ್ಲಿ ಬೋಲ್ಡ್ ಆಗಿ ಪೆವಿಲಿಯನ್ ಸೇರಿದರು. 94.5 ಓವರ್ ಗಳಲ್ಲಿ 329ಕ್ಕೆ ಭಾರತ ಆಲೌಟ್ ಆಯಿತು.
ವಿದೇಶಿ ನೆಲದಲ್ಲಿ ರನ್ ಗಳಿಕೆ : ನಾಯಕನಾಗಿ ಕೊಹ್ಲಿ ದಾಖಲೆ!
* ಈ ಮೂಲಕ ಸಿಕ್ಸ್ ಬಾರಿಸಿ ಟೆಸ್ಟ್ ಕ್ರಿಕೆಟ್ ನಲ್ಲಿ ರನ್ ಖಾತೆ ತೆರೆದ ಭಾರತದ ಮೊದಲ ಬ್ಯಾಟ್ಸ್ಮನ್ ಹಾಗೂ ವಿಶ್ವದ 12ನೇ ಬ್ಯಾಟ್ಸ್ಮನ್ ಎಂಬ ಸಾಧನೆ ಮಾಡಿದರು.
* 20 ವರ್ಷ 318ದಿನಗಳು ವಯಸ್ಸಿನ ಪಂತ್ ಅವರು ಭಾರತದ ಪರ ಚೊಚ್ಚಲ ಟೆಸ್ಟ್ ಆಡುತ್ತಿರುವ ಐದನೇ ಅತಿ ಕಿರಿಯ ಆಟಗಾರ ಎನಿಸಿಕೊಂಡಿದ್ದಾರೆ.
* ಪಾರ್ಥೀವ್ ಪಟೇಲ್ ಅವರು 17 ವರ್ಷ ಹಾಗೂ 152 ದಿನಗಳಾಗಿದ್ದಾಗ ಮೊದಲ ಟೆಸ್ಟ್ ಪಂದ್ಯವಾಡಿದ್ದರು.
* 12 ಆಟಗಾರರ ಪೈಕಿ ನ್ಯೂಜಿಲೆಂಡಿನ ಮಾರ್ಕ್ ಕ್ರೇಗ್ ಮೊದಲ ಎಸೆತ, ಆಸ್ಟ್ರೇಲಿಯಾದ ಎರಿಕ್ ಫ್ರೀಮನ್ ಹಾಗೂ ಪಂತ್ 2ನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿದ್ದಾರೆ.