ಕೇಶ ಮುಂಡನ ಮಾಡಿ ಬೆಂಬಲ
ಡೇವಿಡ್ ವಾರ್ನರ್ ತಮ್ಮ ತಲೆಕೂದಲನ್ನು ಸಂಪೂರ್ಣ ಬೋಳಿಸಿಕೊಂಡು ತಮ್ಮ ಬೆಂಬಲವನ್ನು ವೈದ್ಯಕೀಯ ಸಿಬ್ಬಂದಿಗಳಿಗೆ ಘೋಷಿಸಿದ್ದಾರೆ. ಈ ಮೂಲಕ ಕೊರೊನಾ ವೈರಸ್ ವಿರುದ್ಧ ನೇರವಾಗಿ ಹೋರಾಡುತ್ತಿರುವವರಿಗೆ ನೈತಿಕ ಬಲವನ್ನು ತುಂಬುವ ಪ್ರಯತ್ನ ಮಾಡಿದ್ದಾರೆ. ಈ ಮೂಲಕ '#ಶೇವ್ ಮೈ ಹೆಡ್' ಅಭಿಯಾನ ಆರಂಭಿಸಿದ್ದಾರೆ.
ಇನ್ಸ್ಟಾಗ್ರಾಮ್ನಲ್ಲಿ ವಾರ್ನರ್ ವಿಡಿಯೋ
ಡೇವಿಡ್ ವಾರ್ನರ್ ಮಂಗಳವಾರ ಬೆಳಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಕೇಶಮುಂಡನ ಮಾಡಿಕೊಳ್ಳುತ್ತಿರುವ ವೀಡಿಯೋವನ್ನು ಹಾಕಿಕೊಂಡಿದ್ದಾರೆ. ಇದರ ಉದ್ದೇಶವನ್ನು ಕೂಡ ಈ ವಿಡಿಯೋದ ಜೊತೆಗೆ ಡೇವಿಡ್ ವಾರ್ನರ್ ಬರೆದುಕೊಂಡಿದ್ದಾರೆ.
ಬೆಂಬಲ ಕೋರಿ ಸವಾಲು ಹಾಕಿದ ವಾರ್ನರ್
ಡೇವಿಡ್ ವಾರ್ನರ್ ತಾವು ಮಾತ್ರವೇ ವಿಶಿಷ್ಟ ರೀತಿಯಲ್ಲಿ ವೈದ್ಯಕೀಯ ಸಿಬ್ಬಂದಿಗೆ ಬೆಂಬಲವನ್ನು ನೀಡುತ್ತಿಲ್ಲ. ಈ ಸಂದರ್ಭದಲ್ಲಿ ವಾರ್ನರ್ ಅನೇಕರಿಗೆ ಈ ಸವಾಲನ್ನು ಸ್ವೀಕರಿಸುವಂತೆ ಮನವಿಯನ್ನು ಮಾಡಿಕೊಂಡಿದ್ದಾರೆ. ಆಸ್ಟ್ರೇಲಿಯಾದ ಕ್ರಿಕೆಟಿಗರ ಜೊತೆಗೆ ಟೀಮ್ ಇಂಡಿಯಾ ನಾಯಕನಿಗೂ ಈ ಚಾಲೆಂಜ್ ಹಾಕಲಾಗಿದೆ.
ಕೊಹ್ಲಿಗೆ ವಾರ್ನರ್ ಸವಾಲು
ಈ ವಿಡಿಯೋವನ್ನು ಹಂಚಿಕೊಂಡಿರುವ ವಾರ್ನರ್ ವಿಡಿಯೋ ಜೊತೆಗೆ ಟೀಮ್ ಇಂಡಿಯಾ ನಾಯಕನಿಗೂ ಈ ಸವಾಲನ್ನು ಸ್ವೀಕರಿಸುವಂತೆ ಸವಾಲು ಹಾಕಿದ್ದಾರೆ. ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಆಸ್ಟ್ರೇಲಿಯಾ ಮಾಜಿ ನಾಯಕ ಸ್ಟೀವ್ ಸ್ಮಿತ್, ಪ್ಯಾಟ್ ಕಮ್ಮಿನ್ಸ್ ಸೇರಿದಂತೆ ಅನೇಕರಿಗೆ ಈ ಸವಾಲೆಸೆದಿದ್ದಾರೆ ಡೇವಿಡ್ ವಾರ್ನರ್.
ಆಸ್ಟ್ರೇಲಿಯಾದಲ್ಲೂ ಕೊರೊನಾ ಕಾಟ
ಕೊರೊನಾ ವೈರಸ್ ಆಸ್ಟ್ರೇಲಿಯಾದಲ್ಲು ಸಾಕಷ್ಟು ವ್ಯಾಪಿಸಿದೆ. ಇಂದು ಮುಂಜಾನೆಯ ವೇಳೆಗೆ ಆಸ್ಟ್ರೇಲಿಯಾದಲ್ಲಿ ಕೊರೊನಾ ವೈರಸ್ಗೆ ತುತ್ತಾದವರ ಸಂಖ್ಯೆ 4460 ಆಗಿದೆ. ಕೊರೊನಾ ವೈರಸ್ಗೆ ಆಸ್ಟ್ರೇಲಿದಲ್ಲಿ ಈವರೆಗೆ 19 ಮಂದಿ ಮೃತಪಟ್ಟಿದ್ದಾರೆ.