ಇಸ್ಲಮಾಬಾದ್, ಜುಲೈ 27: ಪಾಕಿಸ್ತಾ ಕ್ರಿಕೆಟ್ ತಂಡದ ಮಾಜಿ ಆಟಗಾರರಾದ ವಾಸಿಮ್ ಅಕ್ರಮ್ ಮತ್ತು ಶೋಯೆಬ್ ಅಖ್ತರ್ ಅವರು ಟೆಸ್ಟ್ ಕ್ರಿಕೆಟ್ಗೆ ಮೊಹಮ್ಮದ್ ಅಮೀರ್ ನಿವೃತ್ತಿ ಘೋಷಿಸಿದ್ದಕ್ಕೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಯುವಕರಾಗಿದ್ದೂ ಅಮೀರ್ ಟೆಸ್ಟ್ ನಿವೃತ್ತಿ ಹೇಳಿದ್ದಕ್ಕೆ ಇಬ್ಬರೂ ಬೇಸರ ವ್ಯಕ್ತಪಡಿಸಿದ್ದಾರೆ.
ಶಹಬಾಝ್ಗೆ 10 ವಿಕೆಟ್, ವೆಸ್ಟ್ ಇಂಡೀಸ್ 'ಎ' ವಿರುದ್ಧ ಗೆಲುವಿನತ್ತ ಭಾರತ 'ಎ'
ಶುಕ್ರವಾರ (ಜುಲೈ 26) ಮೊಹಮ್ಮದ್ ಅಮೀರ್ ಟೆಸ್ಟ್ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದರು. ಇತ್ತೀಚೆಗೆ ಇಂಗ್ಲೆಂಡ್ ಮತ್ತು ವೇಲ್ಸ್ನಲ್ಲಿ ಮುಕ್ತಾಯಗೊಂಡ ಐಸಿಸಿ ವಿಶ್ವಕಪ್ 2019ರಲ್ಲಿ ಪಾಕಿಸ್ತಾನ ತಂಡದ ಪರ ಅಮೀರ್ ಅತ್ಯಧಿಕ ವಿಕೆಟ್ ಪಡೆದಿದ್ದರು. ಎಂಟು ಪಂದ್ಯಗಳಲ್ಲಿ ಅಮೀರ್ 17 ವಿಕೆಟ್ ಮುರಿದಿದ್ದರು. ಅವರಿಗೀಗ 27ರ ಹರೆಯ.
To me Mohammad Amir retiring from Test cricket is a bit surprising because you peak at 27-28 and Test cricket is where you are judged against the best, it’s the ultimate format. Pakistan will need him in two Tests in Australia and then three in England.
— Wasim Akram (@wasimakramlive) July 26, 2019
ಅಮೀರ್ ನಿವೃತ್ತಿಗೆ ಬೇಸರಿಸಿ ಟ್ವೀಟ್ ಮಾಡಿರುವ ಅಕ್ರಮ್, 'ನನಗೆ ಮೊಹಮ್ಮದ್ ಅಮೀರ್ ಟೆಸ್ಟ್ ಕ್ರಿಕೆಟ್ನಿಂದ ನಿವೃತ್ತಿ ಹೊಂದುತ್ತಿರುವುದನ್ನು ಕೇಳಿ ಅಚ್ಚರಿಯಾಯ್ತು. ಯಾಕೆಂದರೆ 27-28ರ ವಯಸ್ಸಿನಲ್ಲೇ ನೀವು ಸಾಧಿಸಲು ಒಳ್ಳೆಯ ಹರೆಯ. ಅಲ್ಲದೆ ಟೆಸ್ಟ್ ಕ್ರಿಕೆಟ್ ವಿರುದ್ಧ ಹೀಗೆ ನಿರ್ಧಾರಕ್ಕೆ ಬಂದಿದ್ದು ತಪ್ಪು. ಯಾಕೆಂದರೆ ಇದೊಂದು ಅದ್ಭುತ ಕ್ರಿಕೆಟ್ ಮಾದರಿ' ಎಂದು ಬರೆದುಕೊಂಡಿದ್ದಾರೆ.
Verified#MohammadAmir resigns from International Test Series at just 27.
— Shoaib Akhtar (@shoaib100mph) July 26, 2019
Are Hasan Ali and Wahab Riaz next?
Watch the full video on my YouTube channel: https://t.co/6Gqt90FYjh
#ShoaibAkhtar #MohammadAmir #HasanAli #Cricket #TestSeries pic.twitter.com/sP4sdFvWn6
ತನ್ನ ಯೂಟ್ಯೂಬ್ ಚಾನೆಲ್ನಲ್ಲಿ ಮಾತನಾಡಿರುವ ಅಖ್ತರ್, 'ಮೊಹಮ್ಮದ್ ಅಮೀರ್ ನಿವೃತ್ತಿಯ ಬಳಿಕ ಬಹುಶಃ ಹಸನ್ ಅಲಿ, ವಹಾಬ್ ರಿಯಾಝ್, ಜುನೈದ್ ಖಾನ್ ಕೂಡ ಟೆಸ್ಟ್ಗೆ ನಿವೃತ್ತಿ ಘೋಷಿಸಬಹುದು. ಪಾಕಿಸ್ತಾನ ಕ್ರಿಕೆಟ್ ತಂಡದಲ್ಲಿ ಏನಾಗುತ್ತಿದೆ ಅನ್ನೋದೇ ನನಗೆ ಅರ್ಥವಾಗುತ್ತಿಲ್ಲ. 27ರ ಹರೆಯದಲ್ಲಿ ಅಮೀರ್ ಅದು ಹೇಗೆ ನಿವೃತ್ತಿ ನೀಡಿದರು?' ಎಂದು ಪ್ರಶ್ನಿಸಿದ್ದಾರೆ.