ಇದೇ ಫಾರ್ಮ್ನಲ್ಲಿ ಮುಂದುವರಿದರೆ ಸಾಧ್ಯ
ಭಾರತದ ಮಾಜಿ ಕ್ರಿಕೆಟಿಗ ವಾಸಿಮ್ ಜಾಫರ್ ಇಂಗ್ಲೆಂಡ್ ಮಾಜಿ ನಾಯಕ ಜೋ ರೂಟ್ ಇದೇ ಫಾರ್ಮ್ನಲ್ಲಿ ಮುಂದುವರಿದರೆ ಟೆಸ್ಟ್ ಕ್ರಿಕೆಟ್ನಲ್ಲಿ ದಾಖಲೆ ಬರೆಯಬಹುದು ಎಂದಿದ್ದಾರೆ. ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚಿನ ರನ್ಗಳಿಸಿರುವ ದಾಖಲೆ ಸದ್ಯ ಸಚಿನ್ ತೆಂಡೂಲ್ಕರ್ ಹೆಸರಿನಲ್ಲಿದ್ದು ಇದೇ ಪ್ರದರ್ಶನ ಮುಂದಿನ ಐದರಿಂದ ಆರು ವರ್ಷ ವರ್ಷಗಳ ಕಾಲ ಬಂದರೆ ಜೋ ರೂಟ್ ಸಚಿನ್ ತೆಂಡೂಲ್ಕರ್ ದಾಖಲೆ ಮುರಿಯುವ ಅವಕಾಶವಿದೆ ಎಂದಿದ್ದಾರೆ.
ರೂಟ್ಗೆ ಉತ್ತಮ ಅವಕಾಶವಿದೆ
ಜೋ ರೂಟ್ ಸುದೀರ್ಘ ಕಾಲ ಆಡಿದರೆ ಈ ದಾಖಲೆ ಮುರಿಯುವ ಅವಕಾಶವಿದೆ. ಅವರಿಗಿನ್ನೂ ಕೇವಲ 31 ವರ್ಷ ವಯಸ್ಸು. ಆದರೆ ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯನ್ ಆಟಗಾರರು ಸುದೀರ್ಘ ಕಾಲ ವೃತ್ತಿ ಜೀವನದಲ್ಲಿ ಮುಂದುವರಿಯುವುದಿಲ್ಲ ಎಂಬುದು ನಮಗೆ ಗೊತ್ತಿದೆ. ಆದರೆ ಜೋ ಉಟ್ ಮುಂದಿನ ಐದಾರು ವರ್ಷಗಳ ಕಾಲ ಆಡಿ ಇದೇ ರೀತಿಯ ಪ್ರದರ್ಶನ ಮುಂದುವರಿಸಿದರೆ ಈ ದಾಖಲೆ ಮುರಿಯಬಹುದು" ಎಂದಿದ್ದಾರೆ ಭಾರತದ ಮಾಜಿ ಕ್ರಿಕೆಟಿಗ ವಾಸಿಮ್ ಜಾಫರ್.
ಕೊಹ್ಲಿ, ಸ್ಮಿತ್ ಹಿಂದಿಕ್ಕಿದ ಜೋ ರೂಟ್
ಬರ್ಮಿಂಗ್ಹ್ಯಾಮ್ನಲ್ಲಿ ನಡೆದ ಟೆಸ್ಟ್ ಪಂದ್ಯದಲ್ಲಿ ಶತಕ ಗಳಿಸುವ ಮೂಲಕ ಜೋ ರೂಟ್ ಮತ್ತೊಂದು ಸಾಧನೆ ಮಾಡಿದ್ದಾರೆ. ಟೆಸ್ಟ್ ಕ್ರಿಕೆಟ್ನಲ್ಲಿ 18 ಶತಕಗಳಿಸುವ ಮೂಲಕ ಹಾಶಿಂ ಆಮ್ಲ ಹಾಗೂ ಮೈಕಲ್ ಕ್ಲಾರ್ಕ್ ಶತಕದ ಸಾಧನೆಯನ್ನು ಸರಿಗಟ್ಟಿದ್ದಾರೆ. ಇಷ್ಟು ಮಾತ್ರವಲ್ಲದೆ ಪ್ರಸ್ತುತ ವಿಶ್ವದ ನಂಬರ್ 1 ಬ್ಯಾಟರ್ ಎನಿಸಿಕೊಂಡಿರುವ ರೂಟ್ ಭಾರತದ ದಿಗ್ಗಜ ಆಟಗಾರ ವಿರಾಟ್ ಕೊಹ್ಲಿ ಹಾಗೂ ಆಸ್ಟ್ರೇಲಿಯಾದ ಆಟಗಾರ ಸ್ಟೀವ್ ಸ್ಮಿತ್ ಅವರ 27 ಶತಕಗಳ ಸಾಧನೆಯನ್ನು ಹಿಂದಿಕ್ಕಿದ್ದಾರೆ.
ಟೆಸ್ಟ್ನಲ್ಲಿ ರೂಟ್ ಸಾಧನೆ
ಜೋ ರೂಟ್ ಈವರೆಗೆ 121 ಟೆಸ್ಟ್ ಪಂದ್ಯಗಳನ್ನು ಆಡಿದ್ದು 10,458 ರನ್ಗಳಿಸಿದ ಸಾಧನೆ ಮಾಡಿದ್ದಾರೆ. ಈ ಮೂಲಕ ಫ್ಯಾಬ್ 4 ಎನಿಸಿಕೊಂಡಿರುವ ಆಟಗಾರರ ಪೈಕಿ ಅಗ್ರ ಸ್ಥಾನದಲ್ಲಿದ್ದಾರೆ. ಇನ್ನು ಟೆಸ್ಟ್ ಕ್ರಿಕೆಟ್ನಲ್ಲಿ ದಿಗ್ಗಜ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ 15,921 ರನ್ಗಳಿಸಿದ್ದು ಈ ಬೃಹತ್ ದಾಖಲೆ ಮುರಿಯಲು ರೂಟ್ ಈಗಿನ ಫಾರ್ಮ್ನ್ಲಲಿ ಸುದೀರ್ಘ ಕಾಲ ಮುಂದುವರಿಯಬೇಕಿದೆ ಎಂಬುದು ನಿಜ.