ಲಂಡನ್, ಆಗಸ್ಟ್ 7: ಆರಂಭಿಕ ಆ್ಯಷಸ್ ಟೆಸ್ಟ್ನಲ್ಲಿ ಇಂಗ್ಲೆಂಡನ್ನು 251 ರನ್ನಿಂದ ಮಣಿಸಿರುವ ಆಸ್ಟ್ರೇಲಿಯಾ, ಆಗಸ್ಟ್ 14ರಂದು ಆತಿಥೇಯರ ವಿರುದ್ಧ ಲಾರ್ಡ್ಸ್ ಕ್ರಿಕೆಟ್ ಗ್ರೌಂಡ್ನಲ್ಲಿ ದ್ವಿತೀಯ ಟೆಸ್ಟ್ ಪಂದ್ಯವನ್ನಾಡಲಿದೆ. ಈ ಪಂದ್ಯಕ್ಕೂ ಮುನ್ನ ಲಾರ್ಡ್ಸ್ ಕ್ರಿಕೆಟ್ ಮೈದಾನದಲ್ಲಿ 1948ರಲ್ಲಿ ನಡೆದಿದ್ದ ಆ್ಯಷಸ್ ಟೆಸ್ಟ್ ವಿಡಿಯೋವೊಂದನ್ನು ಲಾರ್ಡ್ಸ್ ಕ್ರಿಕೆಟ್ ಗ್ರೌಂಡ್ ಫೇಸ್ ಬುಕ್ ಪೇಜ್ ಹಾಕಿಕೊಂಡಿದೆ.
ಭಾರತ vs ವೆಸ್ಟ್ ಇಂಡೀಸ್: ಟಿ20ಐ ದಾಖಲೆ ಬರೆದ ದೀಪಕ್ ಚಹಾರ್
ಮೊದಲ ಆ್ಯಷಸ್ ಟೆಸ್ಟ್ನ ಎರಡೂ ಇನ್ನಿಂಗ್ಸ್ಗಳಲ್ಲಿ ಆಸೀಸ್ ಬ್ಯಾಟ್ಸ್ಮನ್ ಸ್ಟೀವ್ ಸ್ಮಿತ್ ಶತಕ ಬಾರಿಸಿದ್ದರು. ಈ ಶತಕಗಳೊಂದಿಗೆ ಸ್ಮಿತ್, ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿವೇಗದಲ್ಲಿ 25 ಶತಕ (119 ಇನ್ನಿಂಗ್ಸ್) ಬಾರಿಸಿದ ಎರಡನೇ ಆಟಗಾರರಾಗಿ ಡಾನ್ ಬ್ರಾಡ್ಮನ್ ಬಳಿಕ (68 ಇನ್ನಿಂಗ್ಸ್ಗಳಲ್ಲಿ 25 ಶತಕ) ಗುರುತಿಸಿಕೊಂಡಿದ್ದರು.
ಟೆಸ್ಟ್ ವೇಗದ 24 ಶತಕ: ಕೊಹ್ಲಿ ಹಿಂದಿಕ್ಕಿದ ಆಸೀಸ್ ಕ್ರಿಕೆಟರ್ ಸ್ಟೀವ್ ಸ್ಮಿತ್!
ಕ್ರಿಕೆಟ್ ಕಾಶಿ ಲಾರ್ಡ್ಸ್ನಲ್ಲಿ ಆಸ್ಟ್ರೇಲಿಯಾ ದ್ವಿತೀಯ ಆ್ಯಷಸ್ ಟೆಸ್ಟ್ನಲ್ಲಿ ಆಡುವುದಕ್ಕೂ ಮೊದಲು, ಲಾರ್ಡ್ಸ್ ಕ್ರಿಕೆಟ್ ಗ್ರೌಂಡ್ ಎಫ್ಬಿ ಪೇಜ್, 1948ರಲ್ಲಿ ಲಾರ್ಡ್ಸ್ ಸ್ಟೇಡಿಯಂನಲ್ಲಿ ನಡೆದಿದ್ದ ಆ್ಯಷಸ್ ಎರಡನೇ ಟೆಸ್ಟ್ನ ವಿಡಿಯೋ ಹಾಕಿಕೊಂಡಿದೆ. ಈ ಪಂದ್ಯದಲ್ಲಿ ಬ್ರಾಡ್ಮನ್ ಆಸ್ಟ್ರೇಲಿಯಾ ತಂಡವನ್ನು ಮುನ್ನಡೆಸಿದ್ದರು.
1948 ಜೂನ್ 24-29ರ ವರೆಗೆ ಲಾರ್ಡ್ಸ್ನಲ್ಲಿ ನಡೆದಿದ್ದ ದ್ವಿತೀಯ ಆ್ಯಷಸ್ ಟೆಸ್ಟ್ನಲ್ಲಿ ಇಂಗ್ಲೆಂಡ್ ವಿರುದ್ಧ ಆಸೀಸ್ 409 ರನ್ಗಳಿಂದ ಗೆದ್ದಿತ್ತು. ಆಸ್ಟ್ರೇಲಿಯಾ ಮೊದಲ ಇನ್ನಿಂಗ್ಸ್ನಲ್ಲಿ 350 ರನ್, ದ್ವಿತೀಯ ಇನ್ನಿಂಗ್ಸ್ನಲ್ಲಿ 460 ರನ್ ಗಳಿಸಿ ಡಿಕ್ಲೇರ್ ಘೋಷಿಸಿತ್ತು. ಇಂಗ್ಲೆಂಡ್ 215+186 ರನ್ ಬಾರಿಸಿ ಸೋತಿತ್ತು. ಆಸೀಸ್ ನಾಯಕ ಬ್ರಾಡ್ಮನ್ ಈ ಪಂದ್ಯದಲ್ಲಿ 38+89 ರನ್ ಗಳಿಸಿದ್ದರು.