ಥ್ರೋಡೌನ್ ಸ್ಪೆಶಲಿಸ್ಟ್ ಕಾರಣ ಎಂದ ಕೊಹ್ಲಿ
ಬ್ಯಾಟಿಂಗ್ ಅಭ್ಯಾಸದ ವೇಳೆ ವೇಗದ ಬೌಲಿಂಗ್ ಎದುರಿಸಲು ಸಹಾಯಕವಾಗುವಂತೆ ತಂಡಗಳು ಥ್ರೋಡೌನ್ ಸ್ಪೆಶಲಸ್ಟ್ಗಳನ್ನು ಹೊಂದಿರುತ್ತದೆ. ಇದೇ ಭಾರತ ತಂಡಕ್ಕೆ ಸಹಕಾರಿಯಾಗಿದೆ ಎಂದು ಕೊಹ್ಲಿ ಹೇಳಿದ್ದಾರೆ. ಅದರಲ್ಲೂ ಭಾರತ ತಂಡದ ಥ್ರೋ ಡೌನ್ ಸ್ಪೆಶಲಿಸ್ಟ್ ಸಾಮರ್ಥ್ಯವನ್ನು ಕೊಹ್ಲಿ ಮನಸಾರೆ ಹೊಗಳಿದ್ದಾರೆ.
ರಘು ಥ್ರೋಡೌನ್ ಬೌಲಿಂಗ್ ಕಾರಣ
ಟೀಮ್ ಇಂಡಿಯಾದ ಬ್ಯಾಟಿಂಗ್ ವೇಗದ ಬೌಲಿಂಗ್ ಎದುರು ಸುಧಾರಿಸಲು ರಘು ಅವರ ಥ್ರೋಡೌನ್ ಬೌಲಿಂಗ್ ಕಾರಣ ಎಂದು ಕೊಹ್ಲಿ ಹೇಳಿದ್ದಾರೆ. 2013ರ ಬಳಿಕ ಟೀಮ್ ಇಂಡಿಯಾ ಆಟಗಾರರು ವೇಗದ ಬೌಲಿಂಗ್ ಎದುರಿಸುವುದರಲ್ಲಿ ಸುಧಾರಿಸಿದ್ದರೆ ಅದಕ್ಕೆ ಕಾರಣ ರಘು ಅವರ ಪರಿಶ್ರಮ ಎಂದು ಕೊಹ್ಲಿ ಕನ್ನಡಿಗನನ್ನು ನೆನಪಿಸಿಕೊಂಡಿದ್ದಾರೆ.
150-155 ಕಿ.ಮೀ ವೇಗದಲ್ಲಿ ಬೌಲಿಂಗ್
ಥ್ರೋ ಡೌನ್ ಬೌಲಿಂಗ್ ವೇಳೆ ರಘು 150-155 ಕಿಮೀ ವೇಗದಲ್ಲಿ ಬೌಲಿಂಗ್ ಮಾಡುತ್ತಾರೆ. ರಘು ಅವರ ಅಪರೂಪದ ಪ್ರತಿಭೆಯ ನೆರವಿನಿಂದ ಟೀಮ್ ಇಂಡಿಯಾ ಆಟಗಾರರು ವೃಗಿಗಳ ಎದುರು ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಹೀಗಾಗಿ ಟೀಮ್ ಇಂಡಿಯಾಗೆ ರಘು ಕೊಡುಗೆ ಅಪಾರ ಎಂದು ವಿರಾಟ್ ಕೊಹ್ಲಿ ಬಾಂಗ್ಲಾದೇಶದ ಕ್ರಿಕೆಟಿಗ ತಮೀಮ್ ಇಕ್ಬಾಲ್ ಜೊತೆಗೆ ಫೇಸ್ಬುಕ್ ಸಂವಾದದ ಸಂದರ್ಭದಲ್ಲಿ ಹೇಳಿಕೊಂಡಿದ್ದಾರೆ.
ಸೈಡ್ ಆರ್ಮ್ ಬೌಲಿಂಗ್ನಲ್ಲಿ ಎಕ್ಸ್ಪರ್ಟ್
ರಘು ಸೈಡ್ ಆರ್ಮ್ ಬೌಲಿಂಗ್ನಲ್ಲಿ ಎಕ್ಸ್ಪರ್ಟ್ ಎನಿಸಿದ್ದಾರೆ. ಬ್ಯಾಟ್ಸ್ಮನ್ಗಳ ಕಾಲಿನ ಚಲನೆಯನ್ನು ಗಮನಿಸಿಕೊಂಡು ಬೌಲಿಂಗ್ ಮಾಡುತ್ತಾರೆ. ಇದು ಆಟಗಾರರಿಗೆ ನೈಜ ಪರಿಸ್ಥಿತಿಯಲ್ಲಿ ಬ್ಯಾಟಿಂಗ್ ಮಾಡುವಾಗ ಸಾಕಷ್ಟು ಸಹಕಾರಿಯಾಗುತ್ತದೆ ಎಂದು ಕೊಹ್ಲಿ ಈ ಸಂವಾದದಲ್ಲಿ ಹೇಳಿದ್ದಾರೆ