ಐರ್ಲೆಂಡ್ ವಿರುದ್ಧದ ಸರಣಿಗೆ ವಿಭಿನ್ನ ತಂಡ
ಪ್ರಸ್ತುತ ದಕ್ಷಿಣ ಆಫ್ರಿಕಾ ವಿರುದ್ಧ ಐದು ಪಂದ್ಯಗಳ ಟಿ20 ಸರಣಿಯನ್ನು ಆಡುತ್ತಿರುವ ಟೀಂ ಇಂಡಿಯಾ ಜೂನ್ 19ರಂದು ಟಿ20 ಸರಣಿ ಮುಗಿದ ಬಳಿಕ ಐರ್ಲೆಂಡ್ಗೆ ಪ್ರವಾಸ ಬೆಳೆಸಲಿದೆ. ಜೂನ್ 26 ಮತ್ತು 28ರಂದು ಐರ್ಲೆಂಡ್ನಲ್ಲಿ ಚುಟುಕು ಸರಣಿಯಲ್ಲಿ ಭಾಗವಹಿಸಲಿದೆ. ಈ ತಂಡಕ್ಕೆ ಎನ್ಸಿಎ ಕೋಚ್ ವಿವಿಎಸ್ ಲಕ್ಷ್ಮಣ್ ಸೇರಿದಂತೆ ಎನ್ಸಿಎ ಕೋಚಿಂಗ್ ಸಿಬ್ಬಂದಿ ಜೊತೆಗೆ ಪ್ರಯಾಣ ಬೆಳೆಸಲಿದ್ದಾರೆ.
ಕಳೆದ ವರ್ಷ ಕೋವಿಡ್ ಕಾರಣಗಳಿಂದಾಗಿ ಇಂಗ್ಲೆಂಡ್ ಪ್ರವಾಸವನ್ನ ಮೊಟಕುಗೊಳಿಸಿ ಟೀಂ ಇಂಡಿಯಾ ವಾಪಸ್ ಬಂದಿತ್ತು. ಹೀಗಾಗಿ ಜುಲೈ 1ರಂದು ಉಳಿದ ಏಕೈಕ ಟೆಸ್ಟ್ ಪಂದ್ಯವನ್ನು ಭಾರತ ಆಡಲಿದೆ. ಹೀಗಾಗಿ ಬಿಸಿಸಿಐ ಐರ್ಲೆಂಡ್ ಮತ್ತು ಇಂಗ್ಲೆಂಡ್ಗೆ ಎರಡು ವಿಭಿನ್ನ ತಂಡಗಳನ್ನು ಕಳುಹಿಸಿಕೊಡಲಿದೆ.
ಮುಂದಿನ IPL ಸೀಸನ್ನಲ್ಲಿ ಧೋನಿ ಬದಲು CSK ತಂಡದ ನಾಯಕರಾಗಬಲ್ಲ ಐವರು ಆಟಗಾರರು
ಟೀಂ ಇಂಡಿಯಾದ 50 ಆಟಗಾರರು ಸಿದ್ಧರಿರಲಿದ್ದಾರೆ
ಸಮಯಕ್ಕೆ ಅನುಗುಣವಾಗಿ ಭವಿಷ್ಯದಲ್ಲಿ ಅಂತಹ ಸಂದರ್ಭಗಳು ಎದುರಾದ್ರೆ, ಎರಡು ತಂಡಗಳು ಒಂದೇ ಬಾರಿ ಕಣಕ್ಕಿಳಿಯಲಿದ್ದು, ಒಟ್ಟು 50 ಆಟಗಾರರ ತಂಡವನ್ನ ಬಿಸಿಸಿಐ ಸಿದ್ಧಪಡಿಸಲು ಮುಂದಾಲೋಚನೆ ಹೊಂದಿದೆ.
"ನಾನು ಎನ್ಸಿಎ ಮುಖ್ಯಸ್ಥ ವಿವಿಎಸ್ ಲಕ್ಷ್ಮಣ್ ಅವರೊಂದಿಗೆ ಚರ್ಚೆ ನಡೆಸಿದ್ದೇನೆ ಮತ್ತು ನಮ್ಮ ರೋಸ್ಟರ್ನಲ್ಲಿ ನಾವು ಯಾವಾಗಲೂ 50 ಆಟಗಾರರನ್ನು ಹೊಂದಿರುತ್ತೇವೆ. ಭವಿಷ್ಯದಲ್ಲಿ, ಭಾರತೀಯ ಟೆಸ್ಟ್ ತಂಡವು ಒಂದು ದೇಶದಲ್ಲಿ ಸರಣಿಯನ್ನು ಆಡುವ ಸಮಯದಲ್ಲಿಯೇ, ವೈಟ್-ಬಾಲ್ ತಂಡವು ಬೇರೆ ದೇಶದಲ್ಲಿ ಸರಣಿಯಲ್ಲಿ ತೊಡಗಿಸಿಕೊಳ್ಳುತ್ತದೆ. ನಾವು ಆ ದಿಕ್ಕಿನಲ್ಲಿ ಹೋಗುತ್ತಿದ್ದೇವೆ, ಅಲ್ಲಿ ನಾವು ಒಂದೇ ಸಮಯದಲ್ಲಿ ಎರಡು ರಾಷ್ಟ್ರೀಯ ತಂಡಗಳನ್ನು ಸಿದ್ಧಪಡಿಸುತ್ತೇವೆ "ಎಂದು ಜಯ್ ಶಾ ಹೇಳಿದ್ದಾರೆ.
ಮುಂದಿನ ವರ್ಷದಿಂದ ಅಭಿಮಾನಿಗಳ ಸಮ್ಮುಖದಲ್ಲಿ ವಿಭಿನ್ನ ಐಪಿಎಲ್ ಆಯೋಜನೆ; ಸೌರವ್ ಗಂಗೂಲಿ
ಐಪಿಎಲ್ಗೆ ಪ್ರತ್ಯೇಕ ವಿಂಡೋ ನೀಡಲು ಐಸಿಸಿಯೊಂದಿಗೆ ಚರ್ಚೆ
ಐಪಿಎಲ್ 2022ರ ಅವಧಿಯಲ್ಲಿ ಕೆಲವು ಅಂತರಾಷ್ಟ್ರೀಯ ಆಟಗಾರರು ತಮ್ಮ ರಾಷ್ಟ್ರೀಯ ತಂಡದ ಪರ ಆಡುವ ಸಲುವಾಗಿ ಟಿ20 ಲೀಗ್ನಲ್ಲಿ ಭಾಗವಹಿಸಲು ಹಿಂದೆ ಸರಿದರು. ಹೀಗಾಗಿ ಐಪಿಎಲ್ ಅವಧಿಯಲ್ಲಿ ಯಾವುದೇ ತೊಂದರೆ ಎದುರಾಗದಂತೆ ನೋಡಲು ಬಿಸಿಸಿಐ ಯೋಜನೆ ರೂಪಿಸಿದ್ದು, ಅಂತರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಜೊತೆಗೆ ಮಾತುಕತೆ ನಡೆಸುತ್ತಿದೆ.
ಕ್ಯಾಲೆಂಡರ್ ಇಯರ್ನಲ್ಲಿ ಐಪಿಎಲ್ಗೆ ಪ್ರತ್ಯೇಕವಾದ ವಿಂಡೋವನ್ನು ನೀಡಲು ಹಾಗೂ ಅಂತರಾಷ್ಟ್ರೀಯ ಕ್ಯಾಲೆಂಡರ್ನಲ್ಲಿ ಪ್ರತ್ಯೇಕ ಸಮಯ ಮೀಸಲಿಡಲು ಕೇಳಲಾಗಿದೆ.
"ಇದು ನಾವು ಕೆಲಸ ಮಾಡಿದ ಒಂದು ಅಂಶವಾಗಿದೆ. ಮುಂದಿನ ಐಸಿಸಿ ಎಫ್ಟಿಪಿ ಕ್ಯಾಲೆಂಡರ್ನಿಂದ, ಐಪಿಎಲ್ ಅಧಿಕೃತ ಎರಡೂವರೆ ತಿಂಗಳ ಅವಧಿಯನ್ನು ಹೊಂದಿರುತ್ತದೆ, ಇದರಿಂದಾಗಿ ಎಲ್ಲಾ ಉನ್ನತ ಅಂತರರಾಷ್ಟ್ರೀಯ ಕ್ರಿಕೆಟಿಗರು ಭಾಗವಹಿಸಬಹುದು. ನಾವು ವಿವಿಧ ಮಂಡಳಿಗಳು ಮತ್ತು ಐಸಿಸಿಯೊಂದಿಗೆ ಈ ಕುರಿತು ಚರ್ಚೆ ನಡೆಸಿದ್ದೇವೆ, "ಎಂದು ಜಯ್ ಶಾ ಹೇಳಿದರು.