ನಾರ್ತ್ಸೌಂಡ್ (ಆ್ಯಂಟಿಗುವಾ), ಫೆಬ್ರವರಿ 4: ಸೇಂಟ್ ಲೂಸಿಯಾದ ಗ್ರಾಸ್ ಐಲೆಟ್ನಲ್ಲಿರುವ ಡ್ಯಾರೆನ್ ಸಮಿ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯಲಿರುವ ಪ್ರವಾಸಿ ಇಂಗ್ಲೆಂಡ್ ವಿರುದ್ಧದ 3ನೇ ಟೆಸ್ಟ್ನಿಂದ ವೆಸ್ಟ್ ಇಂಡೀಸ್ ನಾಯಕ ಜೇಸನ್ ಹೋಲ್ಡರ್ ಅಮಾನತಾಗಿದ್ದಾರೆ.
ಭಾರತ vs ನ್ಯೂಜಿಲ್ಯಾಂಡ್ ಏಕದಿನ: ಔಟ್ ಅಲ್ಲದ ರಾಸ್ ಟೇಲರ್ ಔಟಾದರು!
ನಾರ್ತ್ಸೌಂಡ್ನಲ್ಲಿರುವ ಸರ್ ವಿವಿಯನ್ ರಿಚರ್ಡ್ಸ್ ಸ್ಟೇಡಿಯಂನಲ್ಲಿ ಫೆಬ್ರವರಿ 3ರಂದು ಮುಕ್ತಾಯಗೊಂಡ ವೆಸ್ಟ್ ಇಂಡೀಸ್-ಇಂಗ್ಲೆಂಡ್ ದ್ವಿತೀಯ ಟೆಸ್ಟ್ನಲ್ಲಿ ವಿಂಡೀಸ್ ತಂಡದ ಸ್ಲೋ ಓವರ್ಗಾಗಿ ಜೇಸನ್ ಹೋಲ್ಡರ್ ಅವರನ್ನು ಇಂಟರ್ ನ್ಯಾಷನಲ್ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಅಮಾನತುಗೊಳಿಸಿದೆ.
West Indies captain Jason Holder suspended for 3rd Test over slow over rate pic.twitter.com/42RXBXlry1
— johnny barran (@johnnybarran) February 3, 2019
ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ 10 ವಿಕೆಟ್ ಭರ್ಜರಿ ಗೆಲುವನ್ನಾಚರಿಸಿತು. ಅಲ್ಲದೆ 3 ಪಂದ್ಯಗಳ ಟೆಸ್ಟ್ ಸರಣಿಯನ್ನು 2-0 ಗೆಲುವೂ ಸಾಧಿಸಿದೆ. ಆದರೆ ಫೆಬ್ರವರಿ 9ರಂದು ನಡೆಯಲಿರುವ 3ನೇ ಮತ್ತು ಅಂತಿಮ ಟೆಸ್ಟ್ ನಲ್ಲಿ ಜೇಸನ್ ಹೊರತಾಗಿ ವೆಸ್ಟ್ ಇಂಡೀಸ್ ತಂಡ ಕಣಕ್ಕಿಳಿಯಲಿದೆ. 3ನೇ ಪಂದ್ಯದಲ್ಲಿ ಉಪನಾಯಕ ಕ್ರೇಗ್ ಬ್ರಾಥ್ವೈಟ್ ತಂಡವನ್ನು ಮುನ್ನಡೆಸಲಿದ್ದಾರೆ.