ನವದೆಹಲಿ, ಏಪ್ರಿಲ್ 25: ಕ್ರಿಕೆಟ್ ದಂತಕತೆಗಳಾದ ರಿಕಿ ಪಾಂಟಿಂಗ್ ಮತ್ತು ಸೌರವ್ ಗಂಗೂಲಿಯಂತವರಿಂದ ಸಾಕಷ್ಟನ್ನು ಕಲಿತಿದ್ದೇನೆ. ಹೀಗೆ ಕಲಿತಿದ್ದನ್ನು ಮುಂಬರಲಿರುವ ವಿಶ್ವಕಪ್ ವೇಳೆ ಬಳಸಿಕೊಳ್ಳುವೆ ಎಂದು ಟೀಮ್ ಇಂಡಿಯಾದ ಆರಂಭಿಕ ಆಟಗಾರ ಶಿಖರ್ ಧವನ್ ಹೇಳಿದ್ದಾರೆ.
ಧವನ್ ಸದ್ಯ ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಪರ ಆಡುತ್ತಿದ್ದಾರೆ. ಡೆಲ್ಲಿ ತಂಡಕ್ಕೆ ಆಸ್ಟ್ರೇಲಿಯಾ ಮಾಜಿ ನಾಯಕ ಪಾಂಟಿಂಗ್ ಮುಖ್ಯ ತರಬೇತುದಾರರಾಗಿದ್ದರೆ, ಭಾರತ ಕ್ರಿಕೆಟ್ ತಂಡದ ಮಾಜಿ ಕಪ್ತಾನ ಗಂಗೂಲಿ, ಫ್ರಾಂಚೈಸಿಯ ಮಾರ್ಗದರ್ಶಕ ಜವಾಬ್ದಾರಿಯಲ್ಲಿದ್ದಾರೆ.
Gabbar's on it, kid ❤️💪🏼#DCvKXIP #ThisIsNewDelhi #DelhiCapitals @SDhawan25 pic.twitter.com/9cTuOwS5XF
— Delhi Capitals (@DelhiCapitals) April 20, 2019
'ರಿಕಿ ಪಾಂಟಿಂಗ್ ಮತ್ತು ಸೌರವ್ ಗಂಗೂಲಿ ಜೊತೆ ಕೆಲಸ ಮಾಡುತ್ತಿರುವುದಕ್ಕೆ ನಾನು ನಿಜಕ್ಕೂ ಅದೃಷ್ಟಶಾಲಿ. ಅವರಿಬ್ಬರೂ ಶ್ರೇಷ್ಠ ನಾಯಕರು. ಡೆಲ್ಲಿ ತಂಡದ ಮೂಲಕ ಅವರ ಹತ್ತಿರದಲ್ಲಿರುವುದರಿಂದ ಅವರ ಒಳನೋಟ, ಮನಸ್ಥಿತಿಯ ಬಗ್ಗೆ ಅರಿತುಕೊಳ್ಳಬಲ್ಲೆ' ಎಂದು ಧವನ್ ಎಂದಿದ್ದಾರೆ.
ಐಪಿಎಲ್: ಪಾರ್ಥಿವ್ ಪಟೇಲ್ ಫೋರ್ಗೆ 'ಫ**' ಎಂದ ಕೆಎಲ್ ರಾಹುಲ್
ಮಾತು ಮುಂದುವರೆಸಿದ ಧವನ್, ' ಕ್ರಿಕೆಟ್ಗೆ ಸಂಬಂಧಿಸಿ ನಾನು ಅವರಿಂದ ಸಾಕಷ್ಟು ವಿಚಾರಗಳನ್ನು ಕಲಿಯುತ್ತಿದ್ದೇನೆ. ಅದು ನನ್ನ ಸಹಾಯಕ್ಕೂ ಬಂದಿದೆ. ನಾನದಕ್ಕೆ ಅಭಾರಿಯೂ ಆಗಿದ್ದೇನೆ. ಐಪಿಎಲ್ನಲ್ಲಿ ಅವರಿಂದ ಏನೆಲ್ಲ ಕಲಿತಿದ್ದೇನೋ ಅವನ್ನು ವಿಶ್ವಕಪ್ ವೇಳೆ ಬಳಸಿಕೊಳ್ಳುತ್ತೇನೆ ಎಂಬ ವಿಶ್ವಾಸ ನನಗಿದೆ' ಎಂದರು.