ಸಂಜು ಸ್ಯಾಮ್ಸನ್ ಮತ್ತೆ ವಿಫಲ
ರಾಹುಲ್ ಜೊತೆ ಓಪನರ್ ಆಗಿ ಬಂದ ಸಂಜು ಸ್ಯಾಮ್ಸನ್ ಎರಡನೇ ಓವರ್ ನಲ್ಲೇ ಪೆವಲಿಯನ್ ಸೇರಿದರು. ಒನ್ ಡೌನ್ ಆಗಿ ಬಂದ, ಹಂಗಾಮಿ ನಾಯಕ ರೋಹಿತ್ ಶರ್ಮಾ ಮತ್ತು ರಾಹುಲ್, ತಮ್ಮ ಎಂದಿನ ಬ್ಯಾಟಿಂಗ್ ಪ್ರದರ್ಶಿಸಿ, ಸ್ಕೋರ್ ಬೋರ್ಡ್ ಒಂದೇ ಸಮನೆ ಏರುವಂತೆ ಮಾಡಿದರು.
ರೋಹಿತ್ ಶರ್ಮಾ ರಿಟೈರ್ಡ್ ಹರ್ಟ್
ಉತ್ತಮವಾಗಿ ಆಡುತ್ತಿದ್ದ ರಾಹುಲ್ (33 ಬಾಲ್ 45 ರನ್) ಹನ್ನೆರಡನೇ ಓವರ್ ನಲ್ಲಿ ಬೆನ್ನೆಟ್ ಗೆ ವಿಕೆಟ್ ಒಪ್ಪಿಸಿದರು. ಇದಾದ ನಂತರ ರೋಹಿತ್ ಶರ್ಮಾ ಮತ್ತು ಶ್ರೇಯಸ್ ಅಯ್ಯರ್ ನಡುವೆ ಉತ್ತಮ ಜೊತೆಯಾಟ ಮುಂದುವರಿಯಿತು. ಈ ನಡುವೆ, ಹದಿನೇಳನೇ ಓವರ್ ನಲ್ಲಿ ರೋಹಿತ್ ಶರ್ಮಾ ರಿಟೈರ್ಡ್ ಹರ್ಟ್ ಆಗಿ ಗ್ರೌಂಡ್ ಬಿಟ್ಟು ತೆರಳಿದರು.
ರಾಹುಲ್ ಹಂಗಾಮಿ ನಾಯಕ
ನ್ಯೂಜಿಲ್ಯಾಂಡ್ ಚೇಸಿಂಗ್ ವೇಳೆಯೂ ರೋಹಿತ್ ಶರ್ಮಾ ಮೈದಾನಕ್ಕೆ ಇಳಿಯಲಾಗಲಿಲ್ಲ. ಅತ್ತ ನಾಯಕ ವಿರಾಟ್ ಕೊಹ್ಲಿ ಕೂಡಾ ಇಲ್ಲ, ಇತ್ತ ರೋಹಿತ್ ಶರ್ಮಾ ಕೂಡಾ ಇಲ್ಲ. ತುರ್ತಾಗಿ ಮೀಟಿಂಗ್ ಮಾಡಿದ ನಂತರ ತಂಡವನ್ನು ಮುನ್ನಡೆಸಲು ಕೆ.ಎಲ್. ರಾಹುಲ್ ಗೆ ಸೂಚಿಸಲಾಯಿತು. ಅಲ್ಲಿಗೆ ನಾಯಕನಾಗಬೇಕು ಎನ್ನುವ ಕನಸು ಎಲ್ಲಾ ಕ್ರಿಕೆಟಿಗರಿಗೂ ಇರುತ್ತದೆ, ಆದರೆ, ರಾಹುಲ್ ಗೆ ಈ ಹುದ್ದೆ ಹುಡುಕಿಕೊಂಡು ಬಂತು.
ಕೊಟ್ಟ ಜವಾಬ್ದಾರಿಯನ್ನು ಸಮರ್ಥವಾಗಿ ನಿಭಾಯಿಸಿದ ರಾಹುಲ್
ಕೊಟ್ಟ ಜವಾಬ್ದಾರಿಯನ್ನು ಸಮರ್ಥವಾಗಿ ನಿಭಾಯಿಸಿದ ರಾಹುಲ್, ಮೊದಲ ಓವರ್ ಬೌಲ್ ಮಾಡಲು ವಾಷಿಂಗ್ಟನ್ ಸುಂದರ್ ಗೆ ನೀಡಿದರು. ಎಲ್ಲಾ ಬೌಲರ್ ಗೆ ಸರಿಯಾದ ವೇಳೆ, ಬೌಲಿಂಗ್ ಚೇಂಚ್ ಮಾಡುತ್ತಾ, ವಿಕೆಟ್ ಹಿಂದೆಯೂ ಸಮರ್ಥನೀಯ ಕೆಲಸವನ್ನು ಮಾಡಿದರು. ಅಲ್ಲಿಗೆ, ಪಾರ್ಟ್ ಟೈಂ ನಾಯಕತ್ವ, ರಾಹುಲ್ ಗೆ ಒಲಿದು ಬಂದ ಕ್ಷಣವಾಗಿತ್ತದ್ದದು.