ಮೈಸೂರು, ಸೆಪ್ಟೆಂಬರ್ 4: ಮೈಸೂರಿನ ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಮೈದಾನದಲ್ಲಿ ನಡೆದ ಮೊದಲ ಕೆಪಿಎಲ್ ಮಹಿಳಾ ಪ್ರದರ್ಶನ ಪಂದ್ಯದಲ್ಲಿ ಶಿವಮೊಗ್ಗ ಲಯನ್ಸ್ ವಿರುದ್ಧ ಮೈಸೂರು ವಾರಿಯರ್ಸ್ 4 ವಿಕೆಟ್ ಜಯ ಸಾಧಿಸಿದೆ. ಒಟ್ಟು ಎರಡು ಪ್ರದರ್ಶನ ಪಂದ್ಯಗಳಲ್ಲಿ ಒಂದು ಮುಕ್ತಾಯಗೊಂಡಿದೆ.
ಭಾರತ-ಇಂಗ್ಲೆಂಡ್ 5ನೇ ಟೆಸ್ಟ್: ಇಂಗ್ಲೆಂಡ್ ತಂಡ ಪ್ರಕಟ, ಕುಕ್ ಕೊನೇ ಆಟ!
ಅಂತಿಮ ಓವರ್ ನಲ್ಲಿ ಮೈಸೂರು ಗೆಲ್ಲಲು 7 ರನ್ ಗಳ ಅವಶ್ಯಕತೆಯಿತ್ತು. ಶಿವಮೊಗ್ಗ ಬೌಲರ್ ಮೋನಿಕಾ ಪಟೇಲ್ ಓವರ್ ನಲ್ಲಿ ಮೊದಲ ಎಸೆತಕ್ಕೆ ಮೈಸೂರಿನ ಆಕಾಂಕ್ಷಾ ಕೊಹ್ಲಿ ಸಿಕ್ಸ್ ಹೊಡೆದುಬಿಟ್ಟರು. ಬಳಿಕ ಒಂದು ರನ್ ಸೇರಿಸಿ ಮೈಸೂರು ಸುಲಭವಾಗಿ ಗೆಲುವಿನ ಗೆರೆ ದಾಟಿತು.
Akanksha from the @MysuruWarriors on her teams performance in the women’s exhibition match and how this is a good platform for women’s cricket! #NammaKPL #KPL2018 #BisiBisiCrickettu #ShivamoggavsMysuru #WomensCricket pic.twitter.com/QIE8cUUiaB
— Namma KPL (@KPLKSCA) September 4, 2018
ಟಾಸ್ ಗೆದ್ದು ಬ್ಯಾಟಿಂಗ್ ಗೆ ಇಳಿದ ಶಿವಮೊಗ್ಗ ಲಯನ್ಸ್ 20 ಓವರ್ ಗಳಲ್ಲಿ 6 ವಿಕೆಟ್ ಕಳೆದು 93 ರನ್ ಪೇರಿಸಿತ್ತು. ಗುರಿ ಬೆನ್ನಟ್ಟಿದ ಮೈಸೂರು ವಾರಿಯರ್ಸ್ 19.2 ಓವರ್ ಗಳಲ್ಲಿ 6 ವಿಕೆಟ್ ಕಳೆದು 94 ರನ್ ಪೇರಿಸಿತು. ಆಕಾಂಕ್ಷಾ ಅವರು ಅಜೇಯ 34 ರನ್ ಪೇರಿಸಿ ತಂಡದ ಗೆಲುವಿಗೆ ಕಾರಣರಾದರು.
ಬುಧವಾರ (ಸೆಪ್ಟೆಂಬರ್ 5) ಮಹಿಳಾ ಎರಡನೇ ಪ್ರದರ್ಶನ ಪಂದ್ಯದಲ್ಲಿ ಬಿಜಾಪುರ್ ಬುಲ್ಸ್ ಮತ್ತು ಬೆಳಗಾವಿ ಪ್ಯಾಂಥರ್ಸ್ ಮುಖಾಮುಖಿಯಾಗಲಿವೆ. ಬೆಳಗ್ಗೆ 11ಕ್ಕೆ ಈ ಪಂದ್ಯ ಮೈಸೂರು ಎಸ್ಡಿಎನ್ಆರ್ ಮೈದಾನದಲ್ಲಿ ನಡೆಯಲಿದೆ.