ಮೆಲ್ಬರ್ನ್, ಫೆಬ್ರವರಿ 27: ಮೆಲ್ಬರ್ನ್ನ ಜಂಕ್ಷನ್ ಓವಲ್ನಲ್ಲಿ ಗುರುವಾರ (ಫೆಬ್ರವರಿ 27) ನಡೆದ ಮಹಿಳಾ ಟಿ20 ವಿಶ್ವಕಪ್ನ ನ್ಯೂಜಿಲೆಂಡ್ ವನಿತಾ ತಂಡದ ವಿರುದ್ಧದ ಪಂದ್ಯದಲ್ಲಿ ಭಾರತದ ಮಹಿಳಾ ತಂಡ 4 ರನ್ ರೋಚಕ ಜಯ ಗಳಿಸಿದೆ. ಇದರೊಂದಿಗೆ ಭಾರತ ಸೆಮಿಫೈನಲ್ಗೆ ಪ್ರವೇಶ ಗಿಟ್ಟಿಸಿಕೊಂಡಿದೆ.
ಐಪಿಎಲ್: ಸನ್ ರೈಸರ್ಸ್ ಹೈದರಾಬಾದ್ಗೆ ಮತ್ತೆ ಡೇವಿಡ್ ವಾರ್ನರ್ ನಾಯಕ
ನ್ಯೂಜಿಲೆಂಡ್ ವಿರುದ್ಧದ ಗೆಲುವಿನೊಂದಿಗೆ ಟೀಮ್ ಇಂಡಿಯಾ ವನಿತೆಯರು ಸತತ 3 ಗೆಲುವು ದಾಖಲಿಸಿದಂತಾಗಿದೆ. ಇದಕ್ಕೂ ಮುನ್ನ ಹರ್ಮನ್ಪ್ರೀತ್ ಕೌರ್ ನಾಯಕತ್ವದ ತಂಡ, ಬಾಂಗ್ಲಾದೇಶದ ವಿರುದ್ಧ 18 ರನ್ ಗೆಲುವು, ಆಸ್ಟ್ರೇಲಿಯಾ ವಿರುದ್ಧ 17 ರನ್ ಜಯ ಗಳಿಸಿತ್ತು.
ಭಾರತ vs ನ್ಯೂಜಿಲೆಂಡ್: ಪೃಥ್ವಿ ಶಾಗೆ ಕಾಲುನೋವು, ಅಭ್ಯಾಸಕ್ಕೆ ಅಲಭ್ಯ
ಗುರುವಾರದ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಭಾರತ ತಂಡ, ಶೆಫಾಲಿ ವರ್ಮಾ 46 (34 ಎಸೆತ), ಸ್ಮೃತಿ ಮಂಧಾನ 11, ತಾನಿಯಾ ಭಾಟಿಯಾ 23, ಜೆಮಿಮಾ ರೋಡ್ರಿಗಸ್ 10, ಶಿಖಾ ಪಾಂಡೆ 10, ರಾಧಾ ಯಾದವ್ 14 ರನ್ ಕೊಡುಗೆಯಿಂದ 20 ಓವರ್ನಲ್ಲಿ 8 ವಿಕೆಟ್ ಕಳೆದು 133 ರನ್ ಕಲೆ ಹಾಕಿತು.
ಭಾರತೀಯ ಮೂಲದ ಗೆಳತಿಯ ಜೊತೆ ಗ್ಲೆನ್ ಮ್ಯಾಕ್ಸ್ವೆಲ್ ನಿಶ್ಚಿತಾರ್ಥ
ಗುರಿ ಬೆಂಬತ್ತಿದ ನ್ಯೂಜಿಲೆಂಡ್ ವನಿತೆಯರು, ರಾಚೆಲ್ ಪ್ರೀಸ್ಟ್ 12, ಸೋಫಿ ಡಿವೈನ್ 14, ಮ್ಯಾಡಿ ಗ್ರೀನ್ 24, ಕೇಟಿ ಮಾರ್ಟಿನ್ 25, ಅಮೆಲಿಯಾ ಕೆರ್ ಅಜೇಯ 34 ರನ್ನೊಂದಿಗೆ 20 ಓವರ್ಗಳಲ್ಲಿ 6 ವಿಕೆಟ್ ಕಳೆದು 129 ರನ್ ಗಳಿಸಲು ಶಕ್ತರಾದರು. ಸ್ಫೋಟಕ ಬ್ಯಾಟಿಂಗ್ಗಾಗಿ ಶೆಫಾಲಿ ವರ್ಮಾ ಪಂದ್ಯಶ್ರೇಷ್ಠೆ ಪ್ರಶಸ್ತಿ ಪಡೆದುಕೊಂಡರು.