ಲೀಡ್ಸ್, ಜೂನ್ 30: ಲೀಡ್ಸ್ ನ ಹೆಡಿಂಗ್ಲಿಯಲ್ಲಿ ಶನಿವಾರ (ಜೂನ್ 29) ನಡೆದ ವಿಶ್ವಕಪ್ ಪಂದ್ಯದಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಪಾಕಿಸ್ತಾನ ರೋಚಕ ಗೆಲುವನ್ನಾಚರಿಸಿತ್ತು. ಆದರೆ ಪಂದ್ಯದ ವೇಳೆ ಪಾಕ್-ಅಫ್ಘಾನ್ ತಂಡಗಳ ಕಾಳಗಕ್ಕಿಂತಲೂ ಇತ್ತಂಡಗಳ ಅಭಿಮಾನಿಗಳ ಗುದ್ದಾಟ ಗಮನ ಹೆಚ್ಚು ಸುದ್ದಿಯಾಗಿದೆ.
ಕುತೂಹಲಕಾರಿ ಸ್ಟೋರಿಗಳು, ಅಂಕಿ-ಅಂಶಗಳು 'ಐಸಿಸಿ ಕ್ರಿಕೆಟ್ ವಿಶ್ವಕಪ್ 2019' ವಿಶೇಷ ಮುಖಪುಟದಲ್ಲಿವೆ
ಪಾಕ್-ಅಫ್ಘಾನ್ ಪಂದ್ಯ ಶುರುವಾಗಲು ಸ್ವಲ್ಪ ಸಮಯ ಇದೆ ಎನ್ನುವಾಗ ಹೆಡಿಂಗ್ಲಿ ಸ್ಟೇಡಿಯಂನ ಹೊರ ಭಾಗದಲ್ಲಿ ನೆರೆದಿದ್ದ ಪಾಕಿಸ್ತಾನ ಮತ್ತು ಅಫ್ಘಾನಿಸ್ತಾನ ತಂಡಗಳ ಅಭಿಮಾನಿಗಳು ಪರಸ್ಪರ ಗುದ್ದಾಡಿಕೊಂಡಿದ್ದರು. ವರದಿಯ ಪ್ರಕಾರ ಫೈಟ್ ಮಾಡಿದ ಅಭಿಮಾನಿಗಳನ್ನು ಸ್ಟೇಡಿಯಂನಿಂದ ಹೊರ ಕಳುಹಿಸಲಾಗಿದೆ ಎನ್ನಲಾಗಿದೆ.
Afghan fans clash with security officials and Pakistani Fans.
— Anas Saeed (@anussaeed1) June 29, 2019
Also harass Pakistani media personnel.@cricketworldcup @TheRealPCB @ACBofficials pic.twitter.com/ayUvFWqBy0
ಕಾರ್ನೆಗೀ ಪೆವಿಲಿಯನ್ ಸ್ಟ್ಯಾಂಡ್ ಬಳಿಯಿದ್ದ ಅಫ್ಘಾನಿಸ್ತಾನ ಮತ್ತು ಪಾಕಿಸ್ತಾನ ಅಭಿಮಾನಿಗಳು ಎರಡೂ ತಂಡಗಳ ಪಂದ್ಯ ಆರಂಭಗೊಳ್ಳಲು ಒಂದು ಗಂಟೆ ಬಾಕಿಯಿದ್ದಾಗ ಜಗಳ ಶುರುವಿಟ್ಟುಕೊಂಡಿದ್ದರು. ಮತ್ತೆ ಜಗಳ ಗುದ್ದಾಟಕ್ಕೆ ಹೋಗಿತ್ತು. ಅನಂತರ ಬಂದ ಭದ್ರತಾ ಸಿಬ್ಬಂದಿಗಳು ಆ ಅಭಿಮಾನಿಗಳನ್ನು ಪೆವಿಲಿಯನ್ನಿಂದ ಹೊರ ಕಳುಹಿಸಿದರು.
ವಿಶ್ವಕಪ್ ಇನ್ನುಳಿದ ಪಂದ್ಯಗಳನ್ನು ಟೀಮ್ ಇಂಡಿಯಾ ಬೇಕೆಂದೇ ಸೋಲುತ್ತಾ?!
'ಇಬ್ಬರು ಕ್ರಿಕೆಟ್ ಅಭಿಮಾನಿಗಳ ಮಧ್ಯೆ ಗಲಾಟೆ ನಡೆದಿದ್ದರ ಬಗ್ಗೆ ಅರಿವಿದೆ. ಅಲ್ಲಿ ಹೆಚ್ಚಿನ ತೊಂದರೆಯೇನೂ ಸಂಭವಿಸಿಲ್ಲ ಎನ್ನುವುದನ್ನು ಖಾತರಿಪಡಿಸಲು ನಾವು ಸ್ಥಳೀಯ ಪೊಲೀಸ್, ವೆಸ್ಟ್ ಯಾರ್ಕ್ ಶೈರ್ ಪೊಲೀಸರೊಂದಿಗೆ ಮಾತನಾಡುತ್ತಿದ್ದೇವೆ' ಎಂದು ಐಸಿಸಿ ವಕ್ತಾರರು ತಿಳಿಸಿದ್ದಾರೆ.
Afghanistan fans beating a supporter of Pakistan cricket team outside the cricket stadium in Leeds. 🏟
— Danyal Gilani (@DanyalGilani) June 29, 2019
#PAKvAFG #CWC19
Via: Azhar Javed pic.twitter.com/ZTlGNW5Tz5
ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಅಫ್ಘಾನಿಸ್ತಾನ ತಂಡ 50 ಓವರ್ಗೆ 9 ವಿಕೆಟ್ ಕಳೆದು 227 ರನ್ ಬಾರಿಸಿತ್ತು. ಗುರಿ ಬೆನ್ನತ್ತಿದ ಪಾಕಿಸ್ತಾನ, ಇಮಾದ್ ವಾಸಿಮ್ ಅವರ ಅಜೇಯ 49 ರನ್ ನೆರವಿನಿಂದ 49.4 ಓವರ್ಗೆ 7 ವಿಕೆಟ್ ನಷ್ಟದಲ್ಲಿ 230 ರನ್ ಪೇರಿಸಿ ಗೆಲುವಾಚರಿಸಿತು.