ಬ್ರಿಸ್ಟೋಲ್, ಮೇ 28: ಶೇಯ್ ಹೋಪ್ (101) ಅವರ ಶತಕದೊಂದಿಗೆ ಬ್ಯಾಟಿಂಗ್ ಪರಾಕ್ರಮ ಮೆರೆದ ವೆಸ್ಟ್ ಇಂಡೀಸ್ ತಂಡ ಇಲ್ಲಿ ನಡೆದ ನ್ಯೂಜಿಲೆಂಡ್ ವಿರುದ್ಧದ ಐಸಿಸಿ ಏಕದಿನ ಕ್ರಿಕೆಟ್ ವಿಶ್ವಕಪ್ ಅಭ್ಯಾಸ ಪಂದ್ಯದಲ್ಲಿ ಬಲಿಷ್ಠ ನ್ಯೂಜಿಲೆಂಡ್ ವಿರುದ್ಧ 91 ರನ್ಗಳ ಭರ್ಜರಿ ಜಯ ದಾಖಲಿಸಿತು.
ವಿಶ್ವಕಪ್ ವೇಳಾಪಟ್ಟಿ / ಮುಖಾಮುಖಿ ದಾಖಲೆಗಳು / ಪ್ರಿಡಿಕ್ಷನ್
2019ರ ಐಸಿಸಿ ಏಕದಿನ ಕ್ರಿಕೆಟ್ ವಿಶ್ವಕಪ್ ಟೂರ್ನಿಯ ಲೇಟೆಸ್ಟ್ ಸುದ್ದಿಗಳು
ಇಲ್ಲಿನ ಕೌಂಟಿ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ವೆಸ್ಟ್ ಇಂಡೀಸ್ ತಂಡ 49.2 ಓವರ್ಗಳಲ್ಲಿ ತನ್ನೆಲ್ಲಾ ವಿಕೆಟ್ಗಳನ್ನು ಕಳೆದುಕೊಂಡರೂ ಬರೋಬ್ಬರಿ 421 ರನ್ಗಳ ಬೃಹತ್ ಮೊತ್ತವನ್ನೇ ದಾಖಲಿಸಿತ್ತು. ಎಲ್ಲಾ ಬೌಲರ್ಗಳು ಬೆಂಡೆತ್ತಿಸಿಕೊಂಡರೆ, ಗಮನಾರ್ಹ ಬೌಲಿಂಗ್ ಪ್ರದರ್ಶಿಸಿದ ಎಡಗೈ ವೇಗಿ ಟ್ರೆಂಟ್ ಬೌಲ್ಟ್ 50ಕ್ಕೆ 4 ವಿಕೆಟ್ಗಳನ್ನು ಉರುಳಿಸಿ ವಿಶ್ವಕಪ್ಗೆ ಭರ್ಜರಿ ಸಿದ್ದತೆ ಕೈಗೊಂಡಿದ್ದಾರೆ.
ವಿಶ್ವಕಪ್ ಉದ್ಘಾಟನಾ ಪಂದ್ಯದಿಂದ ದಕ್ಷಿಣ ಆಫ್ರಿಕಾದ ಈ ವೇಗಿ ಔಟ್!
ಬಳಿಕ ಗೆಲುವು ಅಸಾಧ್ಯವಾಗಿದ್ದ ಗುರಿಯನ್ನು ಬೆನ್ನತ್ತಿದ ಕಳೆದ ಬಾರಿ ವಿಶ್ವಕಪ್ ರನ್ನರ್ಸ್ಅಪ್ ತಂಡ ನ್ಯೂಜಿಲೆಂಡ್, 47.2 ಓವರ್ಗಳಲ್ಲಿ 330 ರನ್ಗಳಿಗೆ ಆಲ್ಔಟ್ ಆಯಿತು. ನ್ಯೂಜಿಲೆಂಡ್ ತನ್ನ ಮೊದಲ ಅಭ್ಯಾಸ ಪಂದ್ಯದಲ್ಲಿ ಈ ಬಾರಿಯ ಪ್ರಶಸ್ತಿ ಫೇವರಿಟ್ ಭಾರತ ವಿರುದ್ಧ 6 ವಿಕೆಟ್ ಜಯ ದಾಖಲಿಸಿತ್ತು. ಆದರೆಮ ವೆಸ್ಟ್ ಇಂಡೀಸ್ನ ಬ್ಯಾಟಿಂಗ್ ವೈಭವದ ಎದುರು ಮಂಗಳವಾರ ಸೋಲೊಪ್ಪಿಕೊಂಡಿತು.
ವಿಶ್ವಕಪ್ ಇತಿಹಾಸದಲ್ಲಿನ ಹ್ಯಾಟ್ರಿಕ್-ವಿಕೆಟ್ಗಳ ದಾಖಲೆಗಳಿವು!
ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಪರ ಶೇಯ್ ಹೋಪ್, 86 ಎಸೆತಗಳಲ್ಲಿ 8 ಫೋರ್ ಮತ್ತು 4 ಸಿಕ್ಸರ್ಗಳನ್ನು ಒಳಗೊಂಡ 11 ರನ್ಗಳನ್ನು ಸಿಡಿಸಿ , ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್ನಲ್ಲಿ ತಮ್ಮ ಸದ್ಭುತ ಫಾರ್ಮ್ ಮುಂದುವರಿಸಿದ್ದಾರೆ. ಮತ್ತೊಂದೆಡೆ ನ್ಯೂಜಿಲೆಂಡ್ ಪರ ವಿಕೆಟ್ಕೀಪರ್ ಬ್ಯಾಟ್ಸ್ಮನ್ ಟಾಮ್ ಬ್ಲಂಡಲ್ 89 ಎಸೆತಗಳಲ್ಲಿ 8 ಫೋರ್ ಮತ್ತು 5 ಸಿಕ್ಸರ್ಗಳನ್ನು ಒಳಗೊಂಡ 106 ರನ್ಗಳನ್ನು ಸಿಡಿಸಿದರಾದರೂ, ತಂಡವನ್ನು ಗೆಲುವಿನ ದಡ ಮುಟ್ಟಿಸಲು ಸಾಧ್ಯವಾಗಲಿಲ್ಲ.
ವಿಶ್ವಕಪ್ನಲ್ಲಿ ಬ್ಯಾಟ್ಸ್ಮನ್ಗಳು ಹರಿಸಿದ ರನ್ ಹೊಳೆಯ ದಾಖಲೆಗಳಿವು
ವಿಶ್ವಕಪ್ ಟೂರ್ನಿಯಲ್ಲಿ ನ್ಯೂಜಿಲೆಂಡ್ ತಂಡ ಜೂನ್ 1ರಂದು (ಶನಿವಾರ) ಶ್ರೀಲಂಕಾ ವಿರುದ್ಧ ತನ್ನ ಮೊದಲ ಪಂದ್ಯವನ್ನು ಆಡಲಿದ್ದು, ವೆಸ್ಟ್ ಇಂಡೀಸ್ ತಂಡ ಮೇ 31ರಂದು (ಶುಕ್ರವಾರ) ಪಾಕಿಸ್ತಾನ ವಿರುದ್ಧ ತನ್ನ ವಿಶ್ವಕಪ್ ಅಭಿಯಾನ ಆರಂಭಿಸಲಿದೆ.
ವೆಸ್ಟ್ ಇಂಡೀಸ್: 49.2 ಓವರ್ಗಳಲ್ಲಿ 421/10 (ಕ್ರಿಸ್ ಗೇಲ್ 36, ಎವಿನ್ ಲೂಯಿಸ್ 50, ಶೇಯ್ ಹೋಪ್ 101, ಜೇಸನ್ ಹೋಲ್ಡರ್ 47, ಆಂಡ್ರೆ ರಸೆಲ್ 54; ಟ್ರೆಂಟ್ ಬೌಲ್ಟ್ 50ಕ್ಕೆ 4).
ನ್ಯೂಜಿಲೆಂಡ್: 47.2 ಓವರ್ಗಳಲ್ಲಿ 330/10 (ಕೇನ್ ವಿಲಿಯಮ್ಸನ್ 85, ಟಾಮ್ ಬ್ಲಂಡಲ್ 106, ಇಶ್ ಸೋಧಿ 39; ಕಾರ್ಲೋಸ್ ಬ್ರಾತ್ವೇಟ್ 75ಕ್ಕೆ 3, ಫಾಬಿಯಾನ್ ಆಲೆನ್ 47ಕ್ಕೆ 2).
Century for Shai Hope!
— Cricket World Cup (@cricketworldcup) May 28, 2019
It's come from just 84 balls – West Indies are on track for a massive total!#WIvNZ | #CWC19
FOLLOW ➡️ https://t.co/rHK0W7ltlP pic.twitter.com/72eNu41gXo