Click it and Unblock the Notifications
ಸತತ ಮೂರು ವರ್ಷ ವಿಶ್ವಕಪ್
ಮುಂದಿನ ಮೂರು ವರ್ಷಗಳಲ್ಲಿ ಮೂರು ವಿಶ್ವಕಪ್‌ಗಳು ನಡೆಯಲಿದೆ. 2021 ಹಾಗೂ 2022ರಲ್ಲಿ ಟಿ20 ವಿಶ್ವಕಪ್ ಕ್ರಮವಾಗಿ ಭಾರತ ಹಾಗೂ ಆಸ್ಟ್ರೇಲಿಯಾದಲ್ಲಿ ಆಯೋಜನೆಯಾಗಲಿದೆ. ಬಳಿಕ 2023ರಲ್ಲಿ ಏಕದಿನ ವಿಶ್ವಕಪ್ ನಡೆಯಲಿದ್ದು ಭಾರತವೇ ಇದನ್ನು ಆಯೋಜನೆ ಮಾಡಲಿದೆ.
ಒಂದೊಂದು ಪಂದ್ಯವನ್ನೇ ಪರಿಗಣಿಸುತ್ತೇನೆ
"ನನಗೆ ಈ ಬಗ್ಗೆ ಏನನ್ನೂ ಹೇಳಲಾಗಿಲ್ಲ. ತಂಡವಾಗಿ ನಾವು ಅಷ್ಟು ದೂರದ ಆಲೋಚನೆಯನ್ನು ಮಾಡುವುದಿಲ್ಲ. ವಿಶ್ವಕಪ್ ಎಂಬುದು ಪ್ರತಿ ತಂಡಕ್ಕೂ ಮುಖ್ಯ ಹಾಗೂ ಆ ಬಗ್ಗೆ ಎಲ್ಲರೂ ಚಿತ್ತ ನೆಟ್ಟಿರುತ್ತಾರೆ. ಆದರೆ ನಾನು ಒಂದೊಂದು ಪಂದ್ಯವನ್ನೇ ಪರಿಗಣಿಸುತ್ತೇನೆ ಎಂದು ಕೆಎಲ್ ರಾಹುಲ್ ಹೇಳಿದ್ದಾರೆ.
ಸ್ಥಿರ ಪ್ರದರ್ಶನ ನೀಡುವ ಗುರಿ
"ಪ್ರತಿಯೊಂದು ಪಂದ್ಯದಲ್ಲೂ ನಾನು ಬ್ಯಾಟ್ಸ್‌ಮನ್ ಹಾಗೂ ವಿಕೆಟ್ ಕೀಪರ್ ಆಗಿ ಸ್ಥಿರ ಪ್ರದರ್ಶನ ನೀಡುತ್ತಾ ಹೋದರೆ ಅದು ತಂಡಕ್ಕೆ ಇನ್ನೋರ್ವ ಬ್ಯಾಟ್ಸ್‌ಮನ್ ಅಥವಾ ಬೌಲರ್‌ನನ್ನು ಸೇರಿಸಿಕೊಳ್ಳಲು ಅವಕಾಶ ನೀಡುತ್ತದೆ. ಮುಂದಿನ ಮೂರು ವಿಶ್ವಕಪ್‌ಗಳಲ್ಲಿ ಕೀಪಿಂಗ್ ಮಾಡುವ ಅವಕಾಶ ದೊರೆತರೆ ನಾನು ಅದನ್ನು ದೇಶಕ್ಕಾಗಿ ನಿರ್ವಹಿಸಲು ಇಷ್ಟಪಡುತ್ತೇನೆ" ಎಂದು ಮಾಧ್ಯಮ ಸಂವಾದದಲ್ಲಿ ಕೆಎಲ್ ರಾಹುಲ್ ಹೇಳಿದ್ದಾರೆ.
ಮಾದರಿಗೆ ಅನುಗುಣವಾಗಿ ಕ್ರಮಾಂಕ
ಇನ್ನು ಇದೇ ಸಂದರ್ಭದಲ್ಲಿ ಆಸ್ಟ್ರೇಲಿಯಾ ವಿರುದ್ದದ ಸರಣಿಯಲ್ಲಿ ಕೆಎಲ್ ರಾಹುಲ್ ಅವರ ಬ್ಯಾಟಿಂಗ್ ಕ್ರಮಾಂಕದ ಬಗ್ಗೆ ಪ್ರಶ್ನೆಗಳು ಎದುರಾಯಿತು. ಅದಕ್ಕೆ ಕೆಎಲ್ ರಾಹುಲ್ ತಂಡ ಆಡುವ ಮಾದರಿಗಳಿಗೆ ಅನುಗುಣವಾಗಿ ಆಟದ ಕ್ರಮಾಂಕವನ್ನು ನಿರ್ವಹಿಸಲಾಗುತ್ತದೆ ಎಂದರು. ಆಸ್ಟ್ರೇಲಿಯಾ ಹಾಗೂ ಭಾರತ ಮೂರು ಏಕದಿನ ಮೂರು ಟಿ20 ಹಾಗೂ ನಾಲ್ಕು ಟೆಸ್ಟ್ ಸರಣಿಯಲ್ಲಿ ಕಣಕ್ಕಿಳಿಯಲಿದೆ.
