ಕೋಲ್ಕತ್ತಾ, ಮಾರ್ಚ್ 20: ಬುಧವಾರ (ಮಾರ್ಚ್ 20) ನಡೆದ ಸೌಹಾರ್ದ ಪಂದ್ಯದ ವೇಳೆ ಕೋಲ್ಕತ್ತಾದ ಯುವ ಕ್ಲಬ್ ಕ್ರಿಕೆಟರ್ ಮೈದಾನದಲ್ಲೇ ಕುಸಿದುಬಿದ್ದು ಮೃತರಾಗಿದ್ದಾರೆ. ಬ್ಯಾಲಿಗಂಜ್ ಸ್ಪೋರ್ಟಿಂಗ್ ಕ್ಲಬ್ನ 22ರ ಹರೆಯದ ಸೋನು ಯಾದವ್ ಮೃತ ಆಟಗಾರ.
ಆಸೀಸ್ ವಿರುದ್ಧ ಭಾರತ ಏಕದಿನ ಸರಣಿ ಸೋತಿದ್ದು ಒಳ್ಳೇದೆ ಆಯ್ತು: ದ್ರಾವಿಡ್
ಕೋಲ್ಕತ್ತಾದ ಬಾಟಾ ಕ್ಲಬ್ ಗ್ರೌಂಡ್ನಲ್ಲಿ ನಡೆದ ಬೆಂಗಾಲ್ ಕ್ರಿಕೆಟ್ ಅಸೋಸಿಯೇಶನ್ನ ಸೆಕೆಂಡ್ ಡಿವಿಷನ್ ಲೀಗ್ ಸೌಹಾರ್ದ ಪಂದ್ಯದಲ್ಲಿ ಈ ಘಟನೆ ನಡೆದಿದೆ. ಮೈದಾನದಲ್ಲಿದ್ದವರ ಪ್ರಕಾರ, ವಿಕೆಟ್ ಕೀಪರ್ ಕಮ್ ಬ್ಯಾಟ್ಸ್ಮನ್ ಆಗಿದ್ದ ಸೋನು ಬ್ಯಾಟಿಂಗ್ ಮುಗಿಸಿ ಟೆಂಟ್ಗೆ ತೆರಳುತ್ತಿದ್ದವರು ಇದ್ದಕ್ಕಿದ್ಹಾಗೆ ಕುಸಿದುಬಿದ್ದರು.
#EiSamay Bullygunge Sporting Club cricketer Sonu Yadav(22), resident of Ekbalpore suddenly felt ill while practising cricket in #KolkataMaidan today noon. He was brought to SSKM Hospital in an ambulance provided by CAB. He was declared brought dead by the on duty doctors.
— Joy Saha (@Joysaha_ES) March 20, 2019
ಮೈದಾನಕ್ಕುರುಳಿದ ಸೋನು ಯಾದವ್ ಅವರನ್ನು ತಕ್ಷಣ ಸ್ಥಳೀಯ ಎಸ್ಎಸ್ಕೆಎಂ ಆಸ್ಪತ್ರೆಗೆ ಕೊಂಡೊಯ್ಯಲಾಯಿತಾದರೂ ಆಸ್ಪತ್ರೆಯಲ್ಲಿ ವೈದ್ಯಾಧಿಕಾರಿಗಳು ಆಟಗಾರ ಮೃತನಾಗಿರುವುದಾಗಿ ತಿಳಿಸಿದರು ಎಂದು ತಿಳಿದುಬಂದಿದೆ. ಕೆಲ ವರ್ಷಗಳ ಹಿಂದೆ ಮತ್ತೊಬ್ಬ ಕಿರಿಯ ಬೆಂಗಾಲ್ ಕ್ರಿಕೆಟಿಗ ಅಂಕಿತ್ ಶರ್ಮಾ ಕೂಡ ಪೈಕ್ಪರಾ ಮೈದಾನದಲ್ಲಿ ಕುಸಿದುಬಿದ್ದು ಸಾವನ್ನಪ್ಪಿದ್ದರು.