ಬರ್ಡೇ ಗಿಫ್ಟ್ ನೀಡಿದ ಗೂಗಲ್
ಸಿಕ್ಸರ್ ಕಿಂಗ್ ಯುವರಾಜ್ ಇವತ್ತು ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಈ ವಿಶೇಷ ಸಂದರ್ಭದಲ್ಲಿ ಗೂಗಲ್ ಈ ಅಂಕಿಅಂಶಗಳನ್ನು ಬಿಡುಗಡೆಗೊಳಿಸಿದ್ದು ಅಭಿಮಾನಿಗಳಿಗೆ ಮತ್ತಷ್ಟು ಸಂಭ್ರಮವನ್ನು ಹೆಚ್ಚಿಸಿದೆ.
ಅಂತರಾಷ್ಟ್ರೀಯ ಕ್ರಿಕೆಟ್ಗೆ ಗುಡ್ಬೈ ಹೇಳಿದ ಯುವಿ
ಯುವರಾಜ್ ಸಿಂಗ್ ಇದೇ ವರ್ಷ ತಮ್ಮ ಸುದೀರ್ಘ ಅಂತರಾಷ್ಟ್ರೀಯ ಕ್ರಿಕೆಟ್ ಜೀವನಕ್ಕೆ ನಿವೃತ್ತಿಯನ್ನು ಹೇಳಿದ್ದಾರೆ. ಮಾತ್ರವಲ್ಲದೆ ಐಪಿಎಲ್ನಿಂದಲೂ ನಿವೃತ್ತಿಯನ್ನು ಪಡೆದುಕೊಂಡರು. ಬಳಿಕ ಯುವರಾಜ್ ಕೆನಡಾ ಟಿ20 ಲೀಗ್ನಲ್ಲಿ ಭಾಗಿಯಾದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ.
ಯುವರಾಜ್ ಜೊತೆ ಪಂಜಾಬಿ ಮಾತನಾಡಿದ ವಾಲ್ಟನ್: ತಮಾಷೆಯ ವಿಡಿಯೋ
ಒಟ್ಟಾರೆ ಹುಡುಕಾಟದಲ್ಲೂ ಯುವಿಗೆ ಸ್ಥಾನ
ಯುವರಾಜ್ ಸಿಂಗ್ ಕೇವಲ ಕ್ರೀಡಾಪಟುಗಳ ವಿಭಾಗದಲ್ಲಿ ಮಾತ್ರವೇ ಟಾಪ್ ಅನಿಸಿಕೊಂಡಿಲ್ಲ. ಒಟ್ಟಾರೆ ಹುಡುಕಾಟದಲ್ಲಿ 3ನೇ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಮೊದಲ ಸ್ಥಾನವನ್ನು ಭಾರತೀಯ ವಾಯುಸೇನೆಯ ಫೈಲಟ್ ವಿಂಗ್ ಕಮಾಂಡರ್ ಅಭಿನಂದನ್ ವರ್ತಮಾನ್ ಪಡೆದರೆ ಎರಡನೇ ಸ್ಥಾನದಲ್ಲಿ ಹಿರಿಯ ಗಾಯಕಿ ಲತಾ ಮಂಗೇಷ್ಕರ್ ಇದ್ದಾರೆ.
ಅತಿಹೆಚ್ಚು ಸರ್ಚ್ಗೆ ಒಳಗಾಗದ ಕ್ರೀಡಾಕೂಟ
ವಿಶ್ವಕಪ್ ಟೂರ್ನಿ ಅತಿಹೆಚ್ಚು ಹುಡುಕಾಡಿದ ಕ್ರೀಡಾಕೂಟದಲ್ಲಿ ಮೊದಲ ಸ್ಥಾನದಲ್ಲಿದೆ. ಅದಾದ ಬಳಿಕ ಪ್ರೋಕಬ್ಬಡ್ಡಿ ಟೂರ್ನಿ ಹೆಚ್ಚು ಹುಡುಕಾಟವಾಗಿದೆ. ಆಶ್ವರ್ಯ ಏನೆಂದರೆ ಗೂಗಲ್ ಇಂಡಿಯಾ ನೀಡಿರುವ ಈ ವರದಿಯ ಪ್ರಕಾರ ಐಪಿಎಲ್ ಮೊದಲ ಹತ್ತರಲ್ಲಿ ಸ್ಥಾನವನ್ನೇ ಪಡೆದಿಲ್ಲ.