ಕೊಹ್ಲಿ ಪತ್ನಿ ಅನುಷ್ಕಾಳಲ್ಲಿ ವಿನಮ್ರ ವಿನಂತಿ ಮಾಡಿದ ಯುಜುವೇಂದ್ರ ಚಾಹಲ್

ನವದೆಹಲಿ, ಏಪ್ರಿಲ್ 21: ಮಂಗಾಟಿಕೆಗಾಗಿ ಟೀಮ್ ಇಂಡಿಯಾದ ಸ್ಪಿನ್ನರ್ ಯುಜುವೇಂದ್ರ ಚಾಹಲ್ ಹೆಚ್ಚು ಫೇಮಸ್ಸು. ಭಾರತ ತಂಡದಲ್ಲಿ ಬೌಲಿಂಗ್ ಬಲವಾಗಿ ನಿಲ್ಲುವ ಚಾಹಲ್ ಆಗೀಗ ತರ್ಲೆ ತಮಾಷೆಗಾಗಿಯೂ ಸುದ್ದಿಯಲ್ಲಿರುತ್ತಾರೆ. ಈ ಬಾರಿ ಚಾಹಲ್, ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾಳಲ್ಲಿ ವಿನಮ್ರ ವಿನಂತಿಯೊಂದು ಮಾಡಿ ಗಮನ ಸೆಳೆದಿದ್ದಾರೆ.

ಭಾರತದ ಬೆಸ್ಟ್ ನಾಯಕ, ವಿಶ್ವದ ಬ್ಯಾಟ್ಸ್‌ಮನ್, ಬೌಲರ್ ಹೆಸರಿಸಿದ ಶ್ರೀಶಾಂತ್

ನಿಜ ಹೇಳಬೇಕೆಂದರೆ ಚಾಹಲ್‌ನಂತ ತರಲೆಯನ್ನು ಕೆದಕಿದ್ದು ಒಂದರ್ಥದಲ್ಲಿ ಅನುಷ್ಕಾಳೆ. ಅನುಷ್ಕಾ ಶರ್ಮಾ, ತಮಾಷೆಯಾಗಿ ಒಂದು ವೀಡಿಯೋ ಮಾಡಿ ತನ್ನ ಇನ್‌ಸ್ಟಾಗ್ರಾಮ್‌ ನಲ್ಲಿ ಶೇರ್ ಮಾಡಿಕೊಂಡಿದ್ದರು. ಅದರಲ್ಲಿ, 'ಕೊಹ್ಲಿ.. ಏಯ್ ಕೊಹ್ಲಿ.. ಚೌಕ ಮಾರ್ನಾ ಚೌಕ.. (ಕೊಹ್ಲಿ.. ಸಿಕ್ಸ್ ಹೊಡೆಯೋ ಸಿಕ್ಸ್ ಹೊಡಿ..) ಎಂದು ತಮಾಷೆಯಾಗಿ ಹೇಳಿದ್ದರು.

'ನನ್ನ ಬಳಿ ಅಕ್ರಮ್ ಫಿಕ್ಸಿಂಗ್ ಮಾಡಲು ಹೇಳಿದ್ದರೆ ಆತನನ್ನು ಮುಗಿಸುತ್ತಿದ್ದೆ' : ಶೋಯೆಬ್ ಅಖ್ತರ್

ಅನುಷ್ಕಾ ಹಾಕಿದ್ದ ಈ ವೀಡಿಯೋಗೆ ಚಾಹಲ್ ತಮಾಷೆಯಾಗಿ ರಿಪ್ಲೆ ಮಾಡಿದ್ದಾರೆ. 'ಅತ್ತಿಗೆ, ದಯವಿಟ್ಟು ಮುಂದಿನ ಸಾರಿ ನನ್ನನ್ನು ಓಪನಿಂಗ್ ಬ್ಯಾಟಿಂಗ್‌ಗೆ ಕಳಿಸೋಕೆ ಕೊಹ್ಲಿಯಲ್ಲಿ ಹೇಳಿ. ಬಹುಶಃ ಕೊಹ್ಲಿ ನಿಮ್ಮ ಮಾತು ಹೇಳುತ್ತಾನೆ,' ಎಂದು ತಮಾಷೆಯಾಗಿ ರಿಪ್ಲೆ ಮಾಡಿ ವಿನಂತಿಸಿಕೊಂಡಿದ್ದರು.

View this post on Instagram

I thought he must be missing being on the field. Along with the love he gets from millions of fans, he must be especially missing this one particular type of fan too. So I gave him the experience 😜😂🏏

A post shared by AnushkaSharma1588 (@anushkasharma) on Apr 17, 2020 at 12:54am PDT

ಕೊರೊನಾವೈರಸ್‌ನಿಂದ ಎಲ್ಲಾ ಕ್ರಿಕೆಟಿಗರು ಈಗ ಬಿಡುವಿನಲ್ಲಿದ್ದಾರೆ. ಬಿಡುವಿನಲ್ಲಿರುವ ಕೊಹ್ಲಿ ದಂಪತಿಯೂ ತಮಾಷೆಗಾಗಿ ಸಾಮಾಜಿಕ ಜಾಲತಾಣದಲ್ಲಿ ಕಾಣಿಸಿಕೊಂಡಿದ್ದರು. ಅದಕ್ಕೆ ಅಷ್ಟೇ ತರ್ಲೆಯಾಗಿ ಚಾಹಲ್ ಪ್ರತಿಕ್ರಿಯಿಸಿದ್ದಾರೆ. ಸ್ಪಿನ್ನರ್ ಬೌಲರ್ ಆಗಿರುವ ಚಾಹಲ್‌ನನ್ನು ಓಪನಿಂಗ್ ಬ್ಯಾಟಿಂಗ್‌ಗೆ ಕಳಿಸಿದರೆ ಟೀಮ್ ಇಂಡಿಯಾದ ಕತೆಯೇನಾಗಬಹುದು? ಹ ಹ್ಹ..