ಕುಚೇಷ್ಠೆಯ ಸ್ಟಾರ್
'ಪಬ್ಜಿ ಆಡುವಾಗ ಅಥವಾ ಮಾತನಾಡುವಾಗ ನಾವು ಮಹಿ ಭಾಯಿ ಜೊತೆ ಮಾತನಾಡುತ್ತಿದ್ದೇವೆ ಎಂದು ಅನ್ನಿಸುವುದೇ ಇಲ್ಲ. ಆದರೆ ಮಹಿ ಭಾಯಿ ನಿಜಕ್ಕೂ ಕುಚೇಷ್ಠೆಯ ಸ್ಟಾರ್. ರೋಹಿತ್ ಭಯ್ಯನೂ ಹಾಗೇನೇ,' ಎಂದು ಚಾಹಲ್ ವಿವರಿಸಿದ್ದಾರೆ.
ಕೊಹ್ಲಿ ಸೈಲೆಂಟ್ ಕಿಲ್ಲರ್
ಮಾತು ಮುಂದುವರೆಸಿದ ಚಾಹಲ್, ವಿರಾಟ್ ಭಯ್ಯ ಒಬ್ಬ ಸೈಲೆಂಟ್ ಕಿಲ್ಲರ್. ಆತ ಇತರ ಕುಚೇಷ್ಠೆಗಳಲ್ಲಿ ಮಧ್ಯ ಪ್ರವೇಶಿಸುತ್ತಾನೆ. ಇತರ ಯಾರೂ ಆತನ ಕುಚೇಷ್ಠೆಗೆ ಪ್ರತಿಕ್ರಿಯಿಸುವುದಿಲ್ಲ ಅಂತ ಅವನಿಗೆ ಗೊತ್ತಿರುವುದರಿಂದ ಅವ ತನ್ನಷ್ಟಕ್ಕೆ ತಾನು ಏನೇನೋ ತರ್ಲೆಗಳನ್ನು ಮಾಡುತ್ತಿರುತ್ತಾನೆ,' ಎಂದರು.
ಉತ್ತಮ ಆಟಗಾರರಾಗುತ್ತೇವೆ
'ಮಾಂಸಾಹಾರಿಯಿಂದ ಸಸ್ಯಹಾರಿಯಾಗಿರುವುದೇ ವಿರಾಟ್ ಕೊಹ್ಲಿ ಬದ್ಧತೆಗೆ ಅತ್ಯುತ್ತಮ ಉದಾಹರಣೆ. 7-8 ಗಂಟೆ ಕೆಲಸದ (ಆಟ, ಶೂಟಿಂಗ್) ಹೊರತಾಗಿಯೂ ಆತ ಜಿಮ್ನಲ್ಲಿ ಕಳೆಯುವ ಜೀವನ ಶೈಲಿ ಹೊಂದಿದ್ದಾನೆ. ಅವನ ಗುಣಗಳಲ್ಲಿ ಶೇ. 30ರಷ್ಟನ್ನು ಮೈಗೂಡಿಸಿಕೊಂಡರೂ ನಾವು ಉತ್ತಮ ಆಟಗಾರರೆನಿಸುತ್ತೇವೆ,' ಎಂದು ಚಾಹಲ್ ನುಡಿದಿದ್ದಾರೆ.
ಚಾಹಲ್ ಆಡಿಲ್ಲ
ಯುಜುವೇಂದ್ರ ಚಾಹಲ್ ಅವರು ಭಾರತಕ್ಕೆ ದಕ್ಷಿಣ ಆಫ್ರಿಕಾ ಪ್ರವಾಸ ಮತ್ತು ಭಾರತದ ವೆಸ್ಟ್ ಇಂಡೀಸ್ ಪ್ರವಾಸ ಸರಣಿಗಳಲ್ಲಿ ತಂಡದಲ್ಲಿ ಆಡಿರಲಿಲ್ಲ. ಆದರೆ ಮಾಜಿ ನಾಯಕ ಸೌರವ್ ಗಂಗೂಲಿ ಚುಟುಕು ಮಾದರಿಗಾದರೂ ಚಾಹಲ್ ಅವನನ್ನು ತಂಡದಲ್ಲಿ ಸೇರಿಸಿಕೊಳ್ಳಬೇಕಿತ್ತು ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದರು.