ಆ್ಯಮ್ಸ್ಸ್ಟರ್ಡ್ಯಾಮ್: ನೆದರ್ಲ್ಯಾಂಡ್ಸ್ನ ಆ್ಯಮ್ಸ್ಸ್ಟರ್ಡ್ಯಾಮ್ನಲ್ಲಿರುವ ಜೋಹಾನ್ ಕ್ರೂಜ್ಫ್ ಅರೆನಾದಲ್ಲಿ ಸೋಮವಾರ (ಜೂನ್ 21) ನಡೆದ ಯೂರೋ 2020 ಗ್ರೂಪ್ ಸಿ ಪಂದ್ಯದಲ್ಲಿ ನಾರ್ತ್ ಮ್ಯಾಸಿಡೋನಿಯಾ ವಿರುದ್ಧ ನೆದರ್ಲ್ಯಾಂಡ್ಸ್ 3-0ಯ ಗೆಲುವು ದಾಖಲಿಸಿದೆ.
ಭಾರತೀಯ ಕ್ರಿಕೆಟ್ ಇತಿಹಾಸದ ಈ ಕಾಕತಾಳೀಯ ಸಂಗತಿ ನಿಮ್ಮನ್ನು ಅಚ್ಚರಿಗೀಡುಮಾಡುತ್ತೆ!
ಮೆಂಫಿಸ್ ಡಿಪೇ ಮೊದಲಾರ್ಧದಲ್ಲಿ ಅಂದರೆ 24ನೇ ನಿಮಿಷದಲ್ಲಿ ಮತ್ತು ದ್ವಿತೀಯಾರ್ಧದಲ್ಲಿ ಜಾರ್ಜಿನಿಯೊ ವಿಜ್ನಾಲ್ಡಮ್ (51 ಮತ್ತು 58ನೇ ನಿಮಿಷದಲ್ಲಿ) ಗೋಲ್ ಬಾರಿಸಿ ತಂಡದ ಭರ್ಜರಿ ಗೆಲುವಿಗೆ ಕಾರಣರಾದರು. ಈ ಗೆಲುವಿನೊಂದಿಗೆ ಸಿ ಗ್ರೂಪ್ನಲ್ಲಿ ನೆದರ್ಲ್ಯಾಂಡ್ಸ್ ಬಲಿಷ್ಠ ತಂಡವಾಗಿ ಹೊರಹೊಮ್ಮಿದೆ.
ಈ ಪಂದ್ಯದೊಂದಿಗೆ ಗ್ರೂಪ್ ಸಿಯಲ್ಲಿ ಆಡಿದ ಮೂರೂ ಪಂದ್ಯಗಳಲ್ಲಿ ನೆದರ್ಲ್ಯಾಂಡ್ಸ್ ಮೂರರಲ್ಲೂ ಜಯ ಗಳಿಸಿದೆ. ಗ್ರೂಪ್ ಸಿ ಪಾಯಿಂಟ್ಸ್ ಟೇಬಲ್ನಲ್ಲಿ ನೆದರ್ಲ್ಯಾಂಡ್ಸ್ ಅಗ್ರಸ್ಥಾನದಲ್ಲಿದ್ದರೆ, ಆಸ್ಟ್ರಿಯಾ, ಉಕ್ರೇನ್ ತಂಡಗಳು ಅನಂತರದ ಸ್ಥಾನಗಳಲ್ಲಿವೆ.
ಇಂಥ ಪ್ರಮುಖ ಪಂದ್ಯ ಯುಕೆಯಲ್ಲಿ ನಡೆಯಬಾರದಿತ್ತು: ಕೆವಿನ್ ಪೀಟರ್ಸನ್
ಯೂರೋ 2020 ಒಟ್ಟಾರೆ ಪಾಯಿಂಟ್ಸ್ ಟೇಬಲ್ನಲ್ಲಿ ಗ್ರೂಪ್ ಎಯಲ್ಲಿ ಇಟಲಿ, ಗ್ರೂಪ್ ಬಿಯಲ್ಲಿ ಬೆಲ್ಜಿಯಂ, ಗ್ರೂಪ್ ಸಿಯಲ್ಲಿ ನೆದರ್ಲ್ಯಾಂಡ್ಸ್, ಗ್ರೂಪ್ ಡಿಯಲ್ಲಿ ಝೆಕ್ ರಿಪಬ್ಲಿಕ್, ಗ್ರೂಪ್ ಇಯಲ್ಲಿ ಸ್ವೀಡನ್, ಗ್ರೂಪ್ ಎಫ್ನಲ್ಲಿ ಫ್ರಾನ್ಸ್ ತಂಡಗಳು ಮೊದಲ ಸ್ಥಾನ ಪಡೆದುಕೊಂಡಿವೆ.