ಕೋಲ್ಕತ್ತಾ, ಮೇ 21: ಬಲಿಷ್ಠ ಮೋಹನ್ ಬಗಾನ್ ಗೆ ಬರಾಬತಿ ಸ್ಟೇಡಿಯಂನಲ್ಲಿ 0-2 ಅಂತರದಲ್ಲಿ ಸೋಲುಣಿಸಿ ದೇಶದ ಪ್ರತಿಷ್ಠಿತ ಫುಟ್ಬಾಲ್ ಕಪ್ ಗಳಲ್ಲಿ ಒಂದೆನಿಸಿರುವ ಫೆಡೆರೇಷನ್ ಕಪ್ ಎತ್ತಿ ಬೆಂಗಳೂರು ಎಫ್ ಸಿ ಜಯಭೇರಿ ಬಾರಿಸಿದೆ.
ಭಾನುವಾರ(ಮೇ 21) ನಡೆದ ಪಂದ್ಯದಲ್ಲಿ ಬೆಂಗಳೂರು ಪರ ಎರಡು ಗೋಲುಗಳು ಹೆಚ್ಚಿನ ಅವಧಿಯಲ್ಲಿ ಬದಲಿ ಆಟಗಾರ ವಿನೀತ್ ಗಳಿಸಿದ್ದು ಎಂಬುದು ವಿಶೇಷ. ಪಂದ್ಯದ ನಿಗದಿತ ಅವಧಿಯಲ್ಲಿ ಎರಡು ತಂಡಗಳು 0-0ರಲ್ಲಿ ಸಮಬಲ ಕಂಡಿದ್ದವು, ಪಂದ್ಯದ ಹೆಚ್ಚುವರಿ ಅವಧಿಯಲ್ಲಿ ಬದಲಿ ಆಟಗಾರನಾಗಿ ಕಣಕ್ಕಿಳಿದ ಸಿ.ಕೆ ವಿನೀತ್ 107 ಹಾಗೂ 118ನೇ ನಿಮಿಷದಲ್ಲಿ ಗೋಲು ಗಳಿಸಿ ಕಪ್ ಗೆಲ್ಲಿಸಿಕೊಟ್ಟರು.
ಈ ಬಾರಿಯ ಐ ಲೀಗ್ ಚಾಂಪಿಯನ್ ಐಜ್ವಾಲ್ ಫುಟ್ಬಾಲ್ ಕ್ಲಬ್ ತಂಡವನ್ನು ಏಕೈಕ ಗೋಲಿನಿಂದ ಸೋಲಿಸಿದ ಬೆಂಗಳೂರು ಫುಟ್ಬಾಲ್ ಕ್ಲಬ್ ಫೆಡೆರೆಷನ್ ಕಪ್ ಫೈನಲಿಗೇರಿತ್ತು.
It's party time in Cuttack! Blues are the 2017 Federation Cup Champions. #FourInFour pic.twitter.com/u1nJNcvIPd
— Bengaluru FC (@bengalurufc) May 21, 2017