ಮೆಕ್ಸಿಕೋ ಎದುರು ಆಕರ್ಷಕ ಆಟ: ನೇಮರ್ ಬಳಗ ಕ್ವಾ.ಫೈನಲ್ ಗೆ ಲಗ್ಗೆ

ಮಾಸ್ಕೋ, ಜು. 2: ಫೀಫಾ ವಿಶ್ವಕಪ್ ಅಂತಿಮ 16ರ ಸುತ್ತಿಗಾಗಿ ರಷ್ಯಾದ ಸಮರಾ ಅರೆನಾದಲ್ಲಿನ ಬ್ರೆಜಿಲ್-ಮೆಕ್ಸಿಕೋ ಮುಖಾಮುಖಿಯಲ್ಲಿ ಬ್ರೆಜಿಲ್ 2-0 ಅಂತರದ ಗೆಲುವು ಸಾಧಿಸಿದೆ. ಉತ್ತಮ ಆಟ ಪ್ರದರ್ಶಿಸಿದ ಬ್ರೆಜಿಲ್ ಈ ಗೆಲುವಿನೊಂದಿಗೆ ಕ್ವಾರ್ಟರ್ ಫೈನಲ್ ಗೆ ಪ್ರವೇಶಿಸಿದೆ.

ಪಂದ್ಯದ ಸ್ಕೋರ್ ಕಾರ್ಡ್, ಕಾಮೆಂಟರಿಗಾಗಿ ಕ್ಲಿಕ್ ಮಾಡಿ

ಪಂದ್ಯದ ದ್ವಿತೀಯಾರ್ಧದಲ್ಲಿ ಬ್ರೆಜಿಲ್ ಪರ 51ನೇ ನಿಮಿಷದಲ್ಲಿ ಗೋಲ್ ಬಾರಿಸಿದ ನೇಮರ್ ತಂಡಕ್ಕೆ 1-0ಯ ಮುನ್ನಡೆ ಕೊಟ್ಟರು. ಅದಾಗಿ ರಾಬರ್ಟೋ ಫಿರ್ಮಿನೋ 88ನೇ ನಿಮಿಷದಲ್ಲಿ ಮತ್ತೊಂದು ಗೋಲ್ ಬಾರಿಸಿ ಬ್ರೆಜಿಲ್ ಗೆಲುವನ್ನು ಸಾರಿದರು.

#WorldCup: Brazil Beat Mexico 2-0 to enter Quarterfinals. #BRAMEXhttps://t.co/VxAubj7EX4

— News18 Sports (@News18Sports) July 2, 2018

ಪಂದ್ಯದಲ್ಲಿ ಮೆಕ್ಸಿಕೋ ಕೂಡ ಪ್ರಬಲ ಪೈಪೋಟಿಯನ್ನೇ ನೀಡಿತು. ಬಲಿಷ್ಟ ಬ್ರೆಜಿಲ್ ಗೆ ಪಂದ್ಯದ ಪ್ರಥಮಾರ್ಧದಲ್ಲಿ ಗೋಲ್ ದಾಖಲಿಸಲು ಸಾಧ್ಯವಾಗದಿದ್ದುದೇ ಇದಕ್ಕೆ ಸಾಕ್ಷಿ. ಆದರೆ ಎದುರಾಳಿ ಮೆಕ್ಸಿಕೋ ಗೋಲ್ ದಾಖಲಿಸದಂತೆ ಬ್ರೆಜಿಲ್ ನೋಡಿಕೊಂಡಿತು. ಈ ಮೂಲಕ ಬ್ರೆಜಿಲ್ ತಾನು ಮತ್ತೆ ಫಾರ್ಮ್ ಗೆ ಮರಳಿರುವುದನ್ನು ತೋರಿಕೊಂಡಿತು.

FIFA World Cup 2018: Brazil beat Mexico 2-0 to enter quarters | Football News - The Times of India https://t.co/xcwQCnZvn8

— Val Rods 🌞 (@valleyrods) July 2, 2018

ಪಂದ್ಯದ ವೇಳೆ ಇತ್ತಂಡಗಳಿಂದ ಒಟ್ಟು ಆರುಬಾರಿ ಆಟಗಾರರ ಬದಲಾವಣೆ ನಡೆಯಿತು. ಮೆಕ್ಸಿಕೋ ಆಟಗಾರರ ವಿರುದ್ಧ ಒಟ್ಟು ನಾಲ್ಕುಬಾರಿ, ಬ್ರೆಜಿಲ್ ಆಟಗಾರರ ವಿರುದ್ಧ ಎರಡು ಬಾರಿ ಯೆಲ್ಲೋ ಕಾರ್ಡ್ ಪ್ರದರ್ಶಿಸಲ್ಪಟ್ಟಿತು. ಗಾಯಾಳು ಆಟಗಾರರ ಬದಲಾವಣೆಗಾಗಿ ಪಂದ್ಯ ನಿಲುಗಡೆಯಾಗಿದ್ದಕ್ಕಾಗಿ 6 ಹೆಚ್ಚುವರಿ ನಿಮಿಷಗಳನ್ನು ದ್ವಿತೀಯಾರ್ಧದಲ್ಲಿ ಸೇರಿಸಲಾಯ್ತು.