ಮಾಸ್ಕೋ, ಜೂ. 16: ಫೀಫಾ ವಿಶ್ವಕಪ್ 2018ರ ಸಿ ಗ್ರೂಪ್ ನ ಪೆರು ಮತ್ತು ಡೆನ್ಮಾರ್ಕ್ ಮುಖಾಮುಖಿಯಲ್ಲಿ ಡೆನ್ಮಾರ್ಕ್ 1-0 ಅಂತರದ ಗೆಲುವು ಸಾಧಿಸಿದೆ. 59ನೇ ನಿಮಿಷದಲ್ಲಿ ಯೂಸುಫ್ ಪೌಲ್ಸೆನ್ ಸಿಡಿಸಿದ ಗೋಲ್ ನೆರವಿನಿಂದ ಡೆನ್ಮಾರ್ಕ್ ಗೆಲುವನ್ನು ಸಂಭ್ರಮಿಸಿತು.
ಪಂದ್ಯದ ಗೋಲ್ ವಿವರ, ಕಾಮೆಂಟರಿಗಾಗಿ ಲಿಂಕ್ ಕ್ಲಿಕ್ ಮಾಡಿ
ಮೊರ್ಡೋವಿಯಾ ಅರೇನಾದಲ್ಲಿ ನಡೆದ ಈ ಪಂದ್ಯದಲ್ಲಿ 13ನೇ ನಿಮಿಷದ ಮುಕ್ತಾಯಕ್ಕೆ ತಂಡಗಳ ಪಾಯಿಂಟ್ 0-0 ಇದ್ದು ಪಂದ್ಯ ಕುತೂಹಲ ಮೂಡಿಸಿತ್ತು. ಈ ಸಂದರ್ಭ ಪೆರು ಗೋಲ್ ಗಾಗಿ ಪ್ರಯತ್ನಿಸಿತಾದರೂ ಡೆನ್ಮಾರ್ಕ್ ಗೋಲ್ ಕೀಪರ್ ಷ್ಮೆಚೆಲ್ ತಡೆದರು.
46ನೇ ನಿಮಿಷದಲ್ಲಿ ಪೆರುವಿನ ಕ್ರಿಶ್ಚಿಯನ್ ಕ್ಯೂವಾ ಅವರು ಗೋಲ್ ಬಾರಿಸುವುದರಲ್ಲಿದ್ದರು. ಆದರೆ ಇದು ಸ್ವಲ್ಪದರಲ್ಲೇ ತಪ್ಪಿಹೋಯಿತು. ಆದರೆ 59ನೇ ನಿಮಿಷದಲ್ಲಿ ಡೆನ್ಮಾರ್ಕ್ ನ ಯೂಸುಫ್ ಗೋಲ್ ಸಿಡಿಸಿ ತಂಡಕ್ಕೆ ಮುನ್ನಡೆ ತಂದು ಕೊಟ್ಟರು.
Denmark beat Peru 1-0 in teams' first match at FIFA #WorldCup https://t.co/EoHouHQqSE pic.twitter.com/elQLe9p5VS
— Sputnik (@SputnikInt) June 16, 2018
62ನೇ ನಿಮಿಷದಲ್ಲಿ ಪೆರು, 67ನೇ ನಿಮಿಷದಲ್ಲಿ ಡೆನ್ಮಾರ್ಕ್ ತನ್ನ ಆಟಗಾರರನ್ನು ಬದಲಿಸಿಕೊಂಡಿತು. ನಂತರ ಇತ್ತಂಡಗಳ ನಡುವೆ ಗೋಲ್ ಗಾಗಿ ಭರ್ಜರಿ ಕಾದಾಟ ನಡೆಯಿತು. 87ನೇ ನಿಮಿಷದಲ್ಲಿ ಡೆನ್ಮಾರ್ಕ್ ನ ಥೋಮಸ್ ಡೆಲಾನೆ ಅವರಿಗೆ ಯೆಲ್ಲೋ ಕಾರ್ಡ್ ಪ್ರದರ್ಶಿಸಲಾಯಿತು.
ಗೋಲ್ ಗಾಗಿ ಪೆರು ಎಷ್ಟು ಸೆಣಸಾಡಿದರೂ ಗೋಲ್ ದಾಖಲಿಸಲಾಗಲಿಲ್ಲ. ಕಾಲಾವಧಿ ಮುಗಿಯುತ್ತಾ ಬಂದಿದ್ದರಿಂದ ಕೊನೆಗೆ ಪೆರು ಗೋಲ್ ಇಲ್ಲದೆ ಡೆನ್ಮಾರ್ಕ್ ಎದುರು ಶರಣಾಯಿತು.
🇩🇰 Congratulations to @ChrisEriksen8 who provided an assist as Denmark beat Peru 1-0 in their opening @FIFAWorldCup game. 👏#WorldCup pic.twitter.com/4fhZpKxhip
— Tottenham Hotspur (@SpursOfficial) June 16, 2018
ಶನಿವಾರದ ಮೊದಲ ಪಂದ್ಯದಲ್ಲಿ ಸಿ ಗ್ರೂಪ್ ನ ಆಸ್ಟ್ರೇಲಿಯಾ-ಫ್ರಾನ್ಸ ತಂಡಗಳು ಕಾದಾಡಿದ್ದವು. ಇದರಲ್ಲಿ ಫ್ರಾನ್ಸ್ 2-1 ಅಂತರದಿಂದ ಗೆದ್ದಿತ್ತು. ಅರ್ಜೆಂಟೀನಾ ಮತ್ತು ಐಸ್ ಲ್ಯಾಂಡ್ ತಂಡಗಳ ಎರಡನೇ ಪಂದ್ಯ 1-1ರ ಡ್ರಾದೊಂದಿಗೆ ಅಂತ್ಯಗೊಂಡಿತ್ತು.