ಮಾಸ್ಕೋ, ಜೂ. 27: ರಷ್ಯಾದ ಕಝಾನ್ ಅರೇನಾದಲ್ಲಿ ನಡೆದ ಫೀಫಾ ವಿಶ್ವಕಪ್ ಎಫ್ ಗ್ರೂಪಿನ ಸೌತ್ ಕೊರಿಯಾ-ಜರ್ಮನಿ ಪಂದ್ಯದಲ್ಲಿ ಸೌತ್ ಕೊರಿಯಾ 2-0ರ ಗೆಲುವು ಸಾಧಿಸಿದೆ. ಪಂದ್ಯದ ದ್ವಿತೀಯಾರ್ಧದಲ್ಲಿ 6 ಹೆಚ್ಚುವರಿ ನಿಮಿಷಗಳನ್ನು ಸೇರಿಸಿದಾಗ ಕೊರಿಯಾ ಗೋಲ್ ದಾಖಲಿಸಿ ಬಲಿಷ್ಟ ಜರ್ಮನಿಗೆ ಆಘಾತವನ್ನು ನೀಡಿತು. ಈ ಪಂದ್ಯದ ಸೋಲಿನೊಂದಿಗೆ ಹಾಲಿ ಚಾಂಪಿಯನ್ ಜರ್ಮನಿ ಪಂದ್ಯಾಟದಿಂದ ಹೊರಬಿದ್ದಿದೆ.
90+2ನೇ ನಿಮಿಷದಲ್ಲಿ ದಕ್ಷಿಣ ಕೊರಿಯಾದ ಕಿಮ್ ಯಂಗ್ ಗ್ವಾನ್ ಅವರು ಮೊದಲ ಗೋಲ್ ದಾಖಲಿಸಿ ಕೊರಿಯಾ ಗೆಲುವಿನ ಮುನ್ಸೂಚನೆ ನೀಡಿದರು. ಎದುರಾಳಿಯಿಂದ ಅಂತಿಮ ಕ್ಷಣದಲ್ಲಿ ಗೋಲ್ ದಾಖಲಾಗಿದ್ದು ಜರ್ಮನಿಗೆ ಒತ್ತಡವನ್ನು ನೀಡಿತು. ಅದಾಗಿ ಕೊನೇಕ್ಷಣ ಅಂದರೆ 90+6ನೇ ನಿಮಿಷದಲ್ಲಿ ಕೊರಿಯಾ ಮತ್ತೊಂದು ಗೋಲ್ ಬಾರಿಸಿತು.
#KOR 2-0 #GER FT:
— Squawka News (@SquawkaNews) June 27, 2018
South Korea beat reigning #WorldCup holders Germany 2-0 however it is not enough as both teams crash out of the tournament. pic.twitter.com/DlmgYOwbk3
ಪಂದ್ಯಾರಂಭವಾಗಿ 19ನೇ ನಿಮಿಷದಲ್ಲೇ ಕೊರಿಯಾ ಮೊದಲ ಗೋಲ್ ಬಾರಿಸುವುದರಲ್ಲಿತ್ತು. ಆದರೆ ಜರ್ಮನಿಯ ಗೋಲ್ ಕೀಪರ್ ಮ್ಯಾನುಯೆಲ್ ನ್ಯೂಯರ್ ಎದುರಾಳಿಪರ ಗೋಲ್ ದಾಖಲಾಗದಂತೆ ನೋಡಿಕೊಂಡರು.
BREAKING: South Korea beat Germany. South Korea 2-0 Germany#fifaworldcup2018 #football #russiaworldcup2018 #worldcup2018 #Germany #southkorea #germanyvssouthkorea pic.twitter.com/IJx62xFrWI
— Gulf Daily News (@GDNonline) June 27, 2018
ಇದಾಗಿ ದ್ವಿತೀಯಾರ್ಧದ 51ನೇ ನಿಮಿಷಲದಲ್ಲಿ ಜರ್ಮನಿಯ ಟಿಮೊ ವರ್ನರ್ ಅವರು ಗೋಲ್ ಬಾರಿಸಿ ಜರ್ಮನಿಗೆ ಮುನ್ನಡೆ ಕೊಡುವುದರಲ್ಲಿದ್ದರು. ಆದರೆ ಅವರ ಪ್ರಯತ್ನ ವಿಫಲವಾಯಿತು. ಒದ್ದ ಚೆಂಡು ಕೊರಿಯಾ ಗೋಲ್ ಪೋಸ್ಟ್ ನ ಹೊರಗಿಂದಾಗಿ ಹಾದುಹೋಯಿತು. ಅಂತಿಮವಾಗಿ ಹಾಲಿ ಚಾಂಪಿಯನ್ ಜರ್ಮನಿಗೆ ಮುಖಭಂಗ ಅನುಭವಿಸುವಂತಾಯ್ತು.