ಕತಾರ್ನ ಅಲ್ ರಯ್ಯಾನ್ನಲ್ಲಿ ಹೊಸದಾಗಿ ನಿರ್ಮಾಣವಾಗಿರುವ ಅಹ್ಮದ್ ಬಿನ್ ಅಲಿ ಫುಟ್ಬಾಲ್ ಸ್ಟೇಡಿಯಮ್ ಅತ್ಯಂತ ಅದ್ಧೂರಿಯಾಗಿ ಅನಾವರಣಗೊಂಡಿದೆ. ಕತಾರ್ ರಾಷ್ಟ್ರೀಯ ದಿನದಂದು 48ನೇ ಅಮೀರ್ ಕಪ್ಗೆ ಆತಿಥ್ಯ ವಹಿಸಲಿರುವ ಈ ಸುಸಜ್ಜಿತ ಕ್ರೀಡಾಂಗಣ 2022ರಲ್ಲಿ ಕತಾರ್ನಲ್ಲಿ ನಡೆಯುವ ಫುಟ್ಬಾಲ್ ವಿಶ್ವಕಪ್ನ ನಾಲ್ಕನೇ ಕ್ರೀಡಾಂಗಣವಾಗಿದೆ.
ಭಾರತದ ಬೃಹತ್ ನಿರ್ಮಾಣ ಸಂಸ್ಥೆಯಾಗಿರುವ ಲರ್ಸನ್ & ಟರ್ಬೋ ಲಿಮಿಟೆಡ್ ಕತಾರಿ ಕಾಂಟ್ರಾಕ್ಟರ್ ಹಾಗೂ ಅಲ್ ಬಲಗ್ ಟ್ರೇಡಿಂಗ್ & ಕಾಂಟ್ರಾಕ್ಟಿಂಗ್ ಕಂಪನಿಗಳ ಜೊತೆ ಸೇರಿಕೊಂಡು ಈ ಬೃಹತ್ ಸುಜಜ್ಜಿತ ಸ್ಟೇಡಿಯಮ್ ನಿರ್ಮಾಣ ಮಾಡಿದೆ.
ಫ್ಲ್ಯಾಶ್ಬ್ಯಾಕ್ 2020: 143 ವರ್ಷಗಳಲ್ಲಿ ಮೊದಲ ಬಾರಿಗೆ ನಡೆಯಿತು ಪ್ರೇಕ್ಷಕರಿಲ್ಲದೆ ಟೆಸ್ಟ್ ಪಂದ್ಯ
ಅಹ್ಮದ್ ಬಿನ್ ಅಲಿ ಸ್ಟೇಡಿಯಮ್ 40,000 ಪ್ರೇಕ್ಷಕರ ಸಾಮರ್ಥ್ಯವನ್ನು ಹೊಂದಿದ್ದು 2022ರ ಕತಾರ್ ವಿಶ್ವಕಪ್ನಲ್ಲಿ 7 ಪಂದ್ಯಗಳಿಗೆ ಆತಿಥ್ಯವನ್ನು ವಹಿಸಲಿದೆ. ಈ ಮೂಲಕ ಮಧ್ಯ ಪ್ರಾಛ್ಯ ಹಾಗೂ ಅರಬ್ ದೇಶ ಮೊಟ್ಟ ಮೊದಲ ಫುಟ್ಬಾಲ್ ವಿಶ್ವಕಪ್ ಆಯೋಜನೆಗೆ ಸಜ್ಜಾಗಿದೆ.
ಈ ಕ್ರೀಡಾಂಗಣದ ಉದ್ಘಾಟನಾ ಕಾರ್ಯಕ್ರಮ ಭಾರೀ ಅದ್ಧೂರಿಯಾಗಿ ನಡೆದಿದೆ. ಸಂಗೀತ, ಸಾಂಪ್ರದಾಯಿಕ ನೃತ್ಯಗಳ ಜೊತೆಗೆ ಮಂತ್ರಮುಗ್ಧಗೊಳಿಸುವ ದೃಶ್ಯ ವೈಭವ ನಿಬ್ಬೆರಗಾಗುವಂತೆ ಮಾಡಿತು. ಕ್ರೀಡಾಂಗಣ ಉದ್ಘಾಟನೆ ಜೊತೆ ನಡೆದ ಆಮಿರ್ ಕಪ್ ಪಂದ್ಯಕ್ಕೆ 50ಶೇಕಡಾದಷ್ಟು ಜನರಿಗೆ ಕ್ರೀಡಾಂಗಣಕ್ಕೆ ಅವಕಾಶವನ್ನು ನೀಡಲಾಗಿತ್ತು.