ಹಾಕಿ: ಬ್ರಿಟನ್ ವಿರುದ್ಧ ಭಾರತದ ಅಂಡರ್ -23 ಪುರುಷರಿಗೆ ಸೋಲು

ಆಂಟ್ವೆರ್ಪ್, ಜುಲೈ 16: ಬೆಲ್ಜಿಯಂನ ಆಂಟ್ವೆರ್ಪ್ ನಲ್ಲಿ ಭಾನುವಾರ ನಡೆದ ಅಂಡರ್ - 23 ವಯೋಮಾನದವರ ಐದು ರಾಷ್ಟ್ರಗಳ ಹಾಕಿ ಟೂರ್ನಮೆಂಟ್ ನಲ್ಲಿ ಭಾರತದ ಪುರುಷರ ತಂಡ ಗ್ರೇಟ್ ಬ್ರಿಟನ್ ವಿರುದ್ಧ 1-3 ಅಂತರದ ಸೋಲನುಭವಿಸಿದೆ.

ಕ್ರಿಕೆಟ್ : ಶ್ರೀಲಂಕಾದ ನಾಯಕ, ಕೋಚ್, ಮ್ಯಾನೇಜರ್ ಗೆ ನಿಷೇಧ

ಹಿಂದಿನ ಪಂದ್ಯದಲ್ಲಿ ಐರ್ಲೆಂಡ್ ತಂಡವನ್ನು 5-0 ಅಂತರದಿಂದ ಸೋಲಿಸಿದ್ದ ತಂಡ, ಆಂಗ್ಲರನ್ನು ಹಿಮ್ಮೆಟ್ಟಿಸಲು ವಿಫಲವಾಯಿತು. ಪಂದ್ಯದ ಫಸ್ಟ್ ಕ್ವಾರ್ಟರ್ ಅವಧಿ ಮುಗಿಯುತ್ತಲೇ ಬ್ರಿಟನ್ ನ ಟಿಮ್ ನರ್ಸ್ ಅವರು 19ನೇ ನಿಮಿಷದಲ್ಲಿ ಗೋಲ್ ಬಾರಿಸಿ ತಂಡಕ್ಕೆ ಮುನ್ನಡೆ ಕೊಟ್ಟರು.

#Hockey India U-23 men’s team thrashed 3-1 by Great Britain in five-nation tournament #Indiahttps://t.co/Nnz3NeFVNz pic.twitter.com/fLSUErN1Cj

— The Field (@thefield_in) July 16, 2018

34ನೇ ನಿಮಿಷದಲ್ಲಿ ಬ್ರಿಟನ್ ಮತ್ತೊಂದು ಗೋಲ್ ಬಾರಿಸಿ ಅಂತರವನ್ನು ಹೆಚ್ಚಿಸಿಕೊಂಡಿತು. ಡಂಕನ್ ಸ್ಕಾಟ್ ಸಿಡಿಸಿದ ಗೋಲ್ ಆಂಗ್ಲರನ್ನು ಬೆಂಬಲಿಸಿತು. ಅದಾಗಿ 50ನೇ ನಿಮಿಷದಲ್ಲಿ ಬ್ರಿಟನ್ ಪರ ಕ್ಯಾಮೆರಾನ್ ಗೋಲ್ಡ್ ಮೂರನೇ ಗೋಲ್ ಬಾರಿಸಿದರು. ಪಂದ್ಯ ಮುಗಿಯಲು ಇನ್ನೇನು 3 ನಿಮಿಷಗಳಿರುವಾಗ ಭಾರತದ ಪ್ರದೀಪ್ ಸಿಂಗ್ ಗೋಲ್ ದಾಖಲಿಸಿದರಾದರೂ ಅದು ತಂಡದ ನೆರವಿಗೆ ಬರಲಿಲ್ಲ. ಜುಲೈ 16ರಂದು ಭಾರತ ಆತಿಥೇಯ ಬೆಲ್ಜಿಯಂ ಸವಾಲು ಸ್ವೀಕರಿಸಲಿದೆ.

Well the women took the revenge it's even now @TheHockeyIndia #Hockey #India @scroll_in https://t.co/LFgiWTUXCf

— Nila Madhab Panda (@nilamadhabpanda) July 16, 2018

ವನಿತಾ ತಂಡಕ್ಕೆ ಗೆಲುವು: ಭಾನುವಾರವೇ ನಡೆದ ಅಂಡರ್ -23ರ ಹರೆಯದ ಆರು ರಾಷ್ಟ್ರಗಳ ಜೂನಿಯರ್ ವನಿತಾ ವಿಭಾಗದ ಪಂದ್ಯದಲ್ಲಿ ಭಾರತ ತಂಡ ಗ್ರೇಟ್ ಬ್ರಿಟನನ್ನು 1-0 ಅಂತರದಿಂದ ಹಿಮ್ಮೆಟ್ಟಿಸಿದೆ. ಮೊದಲ ಪಂದ್ಯದಲ್ಲಿ ಈ ತಂಡ ಐರ್ಲೆಂಡನ್ನು 4-1 ಅಂತರದಿಂದ ಸೋಲಿಸಿತ್ತು.