ಸುಝೌ, ಅಕ್ಟೋಬರ್ 13: ಚೀನಾದ ಸುಝೌ ಒಲಿಂಪಿಕ್ ಕ್ರೀಡಾ ಕೇಂದ್ರ ಕ್ರೀಡಾಂಗಣದಲ್ಲಿ ಇಂದು (ಅಕ್ಟೋಬರ್ 13) ಸೌಹಾರ್ದ ಫುಟ್ಬಾಲ್ ಪಂದ್ಯಕ್ಕಾಗಿ ಭಾರತ ಮತ್ತು ಚೀನಾ ತಂಡಗಳು ಮುಖಾಮುಖಿಯಾಗಿದ್ದು, ಪಂದ್ಯ 0-0ಯ ಸಮಬಲ ದೊಂದಿಗೆ ಅಂತ್ಯಗೊಂಡಿದೆ.
ಐಎಸ್ಎಲ್ 2018: ಬೆಂಗಳೂರು ಎಫ್ಸಿ vs ಎಟಿಕೆ ಪಂದ್ಯಗಳಲ್ಲಿ ಬದಲಾವಣೆ
ಸುಮಾರು 21 ವರ್ಷಗಳ ನಂತರ ಇದೇ ಮೊದಲ ಬಾರಿಗೆ ಚೀನಾ ಅಂತಾರಾಷ್ಟ್ರೀಯ ಸೌಹಾರ್ದ ಫುಟ್ಬಾಲ್ ಪಂದ್ಯ ಆಯೋಜಿಸಿತ್ತು. ಇಂದಿನ ಪಂದ್ಯ ಸಾಕಷ್ಟು ಕುತೂಹಲ ಮೂಡಿಸಿತ್ತು. ಮೊದಲಾರ್ಧ ಮುಕ್ತಾಯದ ವೇಳೆಯೂ ಇತ್ತಂಡಗಳ ಅಂಕ 0-0ಯಲ್ಲಿತ್ತು. ದ್ವಿತೀಯಾರ್ಧದ ಬಳಿಕ ಹೆಚ್ಚುವರಿ (90+6) ನಿಮಿಷಗಳನ್ನು ಸೇರಿಸಲಾಯಿತಾದರೂ ಅಂಕ 0-0ಯಿಂದ ಬದಲಾಗಲಿಲ್ಲ.
China 🇨🇳 vs. 🇮🇳 , the football match with 2.7 billion supporters, just kicked-off 🤓⚽️😊#CHNvIND #CHNIND pic.twitter.com/VgP06AJtCZ
— Xavier Brochart (@xbrochart) October 13, 2018
ಪ್ರಮುಖಾಕರ್ಷಣೆಯಾಗಿ ಭಾರತದ ಫುಟ್ಬಾಲ್ ಹೆಮ್ಮೆ ಸುನಿಲ್ ಛೆಟ್ರಿ ಅವರು ಮೂಲಕ ಮೊದಲಾರ್ಧದಲ್ಲಿ ಭಾರತಕ್ಕೆ ಸಿಗಲಿದ್ದ ಮುನ್ನಡೆಯ ಗೋಲ್ ಸ್ವಲ್ಪದರಲ್ಲಿ ತಪ್ಪಿತ್ತು. ಪಂದ್ಯವನ್ನು ಗೆದ್ದುಕೊಳ್ಳವ ನೆಲೆಯಲ್ಲಿ ಭಾರತ ಆಟವಾಡಿತಾದರೂ ಅತ್ತ ಚೀನಾ ಕೂಡ ಉತ್ತಮ ಪೈಪೋಟಿ ನೀಡಿದ್ದರಿಂದ ಎರಡೂ ತಂಡಗಳಿಂದ ಗೋಲ್ ದಾಖಲಾಗಲಿಲ್ಲ.
ಭಾರತ ತಂಡ: ಗುರ್ಪ್ರೀತ್ ಸಿಂಗ್ (ಜಿಕೆ), ನಾರಾಯಣ್ ದಾಸ್, ಸುಭಾಶಿಶ್ ಬೋಸ್, ಸಂದೇಶ್ ಜಿಂಗ್ಯಾನ್ (ಸಿ), ಪ್ರೀತಮ್ ಕೊಟಾಲ್, ಹಾಲಿಚರನ್ ನರ್ಜಾರಿ, ಅನಿರುದ್ಧ್ ಥಾಪಾ, ಪ್ರಣಯ್ ಹಾಲ್ಡರ್, ಉದಂಟ ಸಿಂಗ್, ಸುನಿಲ್ ಛೆಟ್ರಿ, ಜೆಜೆ ಲಾಲ್ಪೆಕ್ಲುವಾ.