ಅದ್ಭುತ ಸಂವಹನ
‘ಅಂಗಣದಲ್ಲಿ ನಮ್ಮ ತಂಡದ ಆಟಗಾರರ ಸಂವಹನ ಬಹಳ ಉತ್ತಮವಾಗಿದೆ. ಆಂಗಿಕ ಭಾಷೆ ಉತ್ತಮವಾಗಿದೆ. ಕೇವಲ ನೋಟದಿಂದಲೇ ಇತರರು ಯಾವ ಯೋಚನೆ ಮಾಡುತ್ತಿದ್ದಾರೆ ಎಂಬುದನ್ನು ಊಹಿಸಬಲ್ಲೆವು. ಇದು ನಮ್ಮ ಲಿತಾಂಶಕ್ಕೆ ನೆರವಾಗುತ್ತದೆ. ಕಳೆದ ಬಾರಿ ನಾವು ಕಂಡುಕೊಂಡ ಈ ಯಶಸ್ಸನ್ನು ಈ ಬಾರಿಯೂ ಮುಂದುವಿರಸುತ್ತಿದ್ದೇವೆ,‘ ಎಂದು ಮಿಕು ಹೇಳಿದ್ದಾರೆ.
ಛೆಟ್ರಿ ಎದುರಾಳಿಯ ಡಿಫೆನ್ಸ್ ಮುರಿಯುತ್ತಾರೆ
ಮಿಕು ತಮ್ಮ ಆಟವನ್ನು ಆಡುತ್ತಿದ್ದರೆ, ಛೆಟ್ರಿ ಎದುರಾಳಿ ತಂಡದ ಡಿಫೆನ್ಸ್ ವಿಭಾಗವನ್ನು ಮುರಿಯುವ ಕೆಲಸ ಮಾಡುತ್ತಾರೆ. ಇದು ಬೆಂಗಳೂರು ತಂಡದ ಯಶಸ್ಸಿನ ಮೇಲೆ ಬಹಳ ಉತ್ತಮ ಪರಿಣಾಮ ಬೀರಿದೆ. ಬೆಂಗಳೂರು ತಂಡ ಇಡೀ ಐಎಸ್ಎಲ್ನಲ್ಲಿ ಒಂದು ಬಾರಿ ಮಾತ್ರ ಗೋಲು ಗಳಿಸುವಲ್ಲಿ ವಿಲವಾಗಿದೆ. (ಕಳೆದ ಋತುವಿನಲ್ಲಿ ಎಫ್ಸಿ ಪುಣೆ ಸಿಟಿ ವಿರುದ್ಧದ ಪಂದ್ಯದಲ್ಲಿ ಬೆಂಗಳೂರು ಗೋಲ ಗಳಿಸುವಲ್ಲಿ ವಿಲವಾಗಿ ಪಂದ್ಯ ಗೋಲಿಲ್ಲದೆ ಡ್ರಾ ಗೊಂಡಿತ್ತು).
ಸಾಕಷ್ಟು ಲಾಭವಾಗಿದೆ
‘ಮಿಕು ಅವರು ಟಾಪ್ ಕ್ಲಾಸ್ ಆಟಗಾರ. ಅವರು ಉತ್ತಮ ಗುಣಮಟ್ಟದ ಆಟಗಾರ ಎಂಬುದನ್ನು ಪ್ರತಿಯೊಂದು ಪಂದ್ಯದಲ್ಲಿ ಎಲ್ಲರಿಗೂ ಸಾಬೀತಾಗುವಂತೆ ಮಾಡುತ್ತಾರೆ. ಅವರಿಂದ ನಮಗೆ ಸಾಕಷ್ಟು ಲಾಭವಾಗಿದೆ,‘ ಎಂದು ಛೆಟ್ರಿ ಹೇಳಿದ್ದಾರೆ.
ಉತ್ತಮ ಉದಾಹರಣೆ
ಇಬ್ಬರೂ ಪರಿಸ್ಥಿತಿಯನ್ನು ಅರಿತು ಆಡುವ ಆಟಗಾರರು, ಅಲ್ಲದೆ ಉತ್ತಮ ಆಟಗಾರರು. ಇವರಿಬ್ಬರೂ ಗಳಿಸಿದ ಹೆಚ್ಚಿನ ಗೋಲುಗಳು ಪಂದ್ಯದ ಸಂದಿಗ್ಧ ಪರಿಸ್ಥಿತಿಯಲ್ಲಿ ಬಂದಿದೆ. ಎಟಿಕೆ ವಿರುದ್ಧ ಬೆಂಗಳೂರು 2-1 ಗೋಲಿನಿಂದ ಗೆದ್ದಿರುವ ಪಂದ್ಯ ಇದಕ್ಕೆ ಉತ್ತಮ ಉದಾಹರಣೆ. ಪ್ರಥಮಾರ್ಧದ ಆರಂಭದಲ್ಲಿ ಎಟಿಕೆ ಮೇಲುಗೈ ಸಾಧಿಸಿತ್ತು, ಮಿಕು ಕೊನೆಯ ಕ್ಷಣದಲ್ಲಿ ಗೋಲು ಗಳಿಸಿ ಸಮಬಲಗೊಳಿಸಿದರು. ನಂತರ ದ್ವಿತಿಯಾರ್ಧದಲ್ಲಿ ಎರಡನೇ ಗೋಲು ಗಳಿಸಿ ಪಂದ್ಯ ಗೆದ್ದುಕೊಟ್ಟರು.
ವಾರಗಳ ಕಾಲ ವಿಶ್ರಾಂತಿ
ಕೇರಳ ಬ್ಲಾಸ್ಟರ್ಸ್ ವಿರುದ್ಧದ ಪಂದ್ಯದಲ್ಲಿ ಗಾಯಗೊಂಡಿರುವ ಛೆಟ್ರಿ ಎರಡು ವಾರಗಳ ಕಾಲ ವಿಶ್ರಾಂತಿಯಲ್ಲಿರುತ್ತಾರೆ. ಜೋರ್ಡಾನ್ ವಿರುದ್ಧದ ಅಂತಾರಾಷ್ಟ್ರೀಯ ಸೌಹಾ‘ರ್ ಪಂದ್ಯದಿಂದಲೂ ಅವರು ಹೊರಗುಳಿದಿದ್ದಾರೆ. ಮುಂದಿನ ವಾರ ಆರಂಭಗೊಳ್ಳಲಿರುವ ಗೋವಾ ವಿರುದ್ಧದ ಐಎಸ್ಎಲ್ನ ರೋಚಕ ಪಂದ್ಯದಲ್ಲಿ ಅವರು ಅಂಗಣಕ್ಕಿಳಿಯಲಿದ್ದಾರೆ. ಇಂಥ ಸಂದರ್ಭದಲ್ಲಿ ತಮ್ಮ ಹೊಂದಾಣಿಕೆಯ ಆಟಗಾರ ಛೆಟ್ರಿ ಇಲ್ಲದೆ ಮಿಕು ಹೇಗೆ ಗೋಲು ಗಳಿಸುತ್ತಾರೆ ಎಂಬುದು ಕುತೂಹಲದ ಸಂಗತಿ.