ಡೆಲ್ಲಿಯಿಂದ ಪ್ರಬಲ ಪೈಪೋಟಿ
ಡೆಲ್ಲಿ ಡೈನಮೋಸ್ ಕೂಡ ಉತ್ತಮ ಫುಟ್ಬಾಲ್ ಆಟಕ್ಕೆ ಸಾಕ್ಷಿಯಾಯಿತು. 31ನೇ ನಿಮಿಷದಲ್ಲಿ ಲಾಲಿಯಾನ್ಜುವಾಲಾ ಚಾಂಗ್ಟೆ ಅವರು ಉತ್ತಮ ಅವಕಾಶವನ್ನು ಗಳಿಸಿದ್ದರು, ಆದರೆ ಅವಕಾಶ ಗೋಲಾಗಿ ರೂಪುಗೊಂಡಿಲ್ಲ. ಬೆಂಗಳೂರು ಪರ ಗುರ್ಪ್ರೀತ್ ಸಿಂಗ್ ಅವರು ಗೋಲ್ಕೀಪಿಂಗ್ನಲ್ಲಿ ತೋರಿದ ಉತ್ತಮ ಪ್ರದರ್ಶನ ಡೆಲ್ಲಿ ತಂಡದ ಮುನ್ನಡೆಗೆ ತಡೆಯಾಯಿತು.
ಛೆಟ್ರಿ 150
ಇದುವರೆಗೂ ಬೆಂಗಳೂರು ಎಫ್ ಸಿ ಪರ 150 ಪಂದ್ಯಗಳನ್ನಾಡಿರುವ ನಾಯಕ ಸುನಿಲ್ ಛೆಟ್ರಿ ಅವರಿಗೆ 150ನೇ ನಂಬರಿನ ಜೆರ್ಸಿ ನೀಡಿ ಗೌರವಿಸಲಾಯಿತು. 2013ರಲ್ಲಿ ಬೆಂಗಳೂರು ಎಫ್ ಸಿ ಸೇರಿದ ಛೆಟ್ರಿ ಇದುವರೆಗೂ 75 ಗೋಲುಗಳನ್ನು ಗಳಿಸಿದ್ದಾರೆ. ಛೆಟ್ರಿ ನಾಯಕತ್ವದಲ್ಲಿ ಬೆಂಗಳೂರು ತಂಡ ಕಳೆದ ಬಾರಿಯ ಐ ಎಸ್ ಎಲ್ ನಲ್ಲಿ ಫೈನಲ್ ತಲುಪಿತ್ತು.
ಅಗ್ರ ಸ್ಥಾನಕ್ಕೇರೋ ಹಂಬಲ
ಬೆಂಗಳೂರು ಎಫ್ ಸಿ ತಂಡಕ್ಕೆ ಮೂರು ಅಂಕ ಗಳಿಸಿ ಅಗ್ರ ಸ್ಥಾನಕ್ಕೇರುವ ಹಂಬಲ. ಡೆಲ್ಲಿ ಡೈನಮೋಸ್ ತಂಡಕ್ಕೆ ಮೂರು ಅಂಕ ಗಳಿಸಿ ಕೆಳ ಸ್ಥಾನದಿಂದ ಮೇಲಕ್ಕೆರುವ ಗುರಿ. ಇದರೊಂದಿಗೆ ಇಂಡಿಯನ್ ಸೂಪರ್ ಲೀಗ್ನ 40ನೇ ಪಂದ್ಯದಲ್ಲಿ ದೇಶದ ರಾಜಧಾನಿ ಹಾಗೂ ರಾಜ್ಯದ ರಾಜಧಾನಿಯ ನಡುವಿನ ಹೋರಾಟಕ್ಕೆ ಶ್ರೀ ಕಂಠೀರವ ಕ್ರೀಡಾಂಗಣ ವೇದಿಕೆಯಾಯಿತು. ಇದು ಬೆಂಗಳೂರ ಎಫ್ ಸಿ ತಂಡದ ನಾಯಕ ಸುನಿಲ್ ಛೆಟ್ರಿ ಅವರಿಗೆ 150ನೇ ಪಂದ್ಯ.
ಬೆಂಗಳೂರು ಸೋಲನ್ನು ಕಂಡಿಲ್ಲ
ಡೆಲ್ಲಿ ತಂಡ ಬೆಂಗಳೂರಿನ ಮನೆಯಂಗಣದಲ್ಲಿ ಮೂರು ಅಂಕಗಳನ್ನು ಗಳಿಸಿ 8ನೇ ಸ್ಥಾನ ತಲುಪಲಿದೆ. ಹೆಚ್ಚು ಗೋಲುಗಳ ಅಂತರದಲ್ಲಿ ಗೆದ್ದರೆ ಏಳನೇ ಸ್ಥಾನಕ್ಕೇರಲಿದೆ. ಆದರೆ ಬೆಂಗಳೂರು ತಂಡದ ವಿರುದ್ಧ ಇದು ಅಸಾಧ್ಯ ಎಂದೇ ಹೇಳಬಹುದು. ಏಕೆಂದರೆ ಬೆಂಗಳೂರು ತಂಡ ಇದುವರೆಗೂ ಸೋಲನು ಅನುಭವಿಸಿಲ್ಲ. ಲೀಗ್ ಹಂತದಲ್ಲಿ ನಡೆದ 14 ಪಂದ್ಯಗಳಲ್ಲಿ ಬೆಂಗಳೂರು ಸೋಲನ್ನು ಕಂಡಿಲ್ಲ. 14 ಪಂದ್ಯಗಳಲ್ಲಿ ಬೆಂಗಳೂರು 12 ಜಯ ಹಾಗೂ 2 ಡ್ರಾ ಕಂಡಿತ್ತು.